ନୂଆଦିଲ୍ଲୀ,୨୧।୧୧: ସାରା ବିଶ୍ୱ ବର୍ତ୍ତମାନ ପରିସ୍ଥିତିରେ ଆର୍ଥିକ ମାନ୍ଦାବସ୍ଥା ଦେଇ ଗତି କରୁଛିି। ଏପରିକି ବିଶ୍ୱ ବିମୁଦ୍ରାକରଣ ଆଡକୁ ଗତି କରୁଥିବା ବେଳେ ଭାରତରେ ତା’ର (ବିମୁଦ୍ରୀକରଣ) କୌଣସି ପ୍ରଭାବ ପଡ଼ିବ ନାହିଁ ବୋଲି ଭାରତର ପୂର୍ବତନ ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର ଆକଳନ କରିଛନ୍ତି। ସେହିଭଳି ଆସନ୍ତା ୨୦୨୩-୨୪ ଆର୍ଥିକ ବର୍ଷରେ ଭାରତର ଅର୍ଥନୀତି ୬-୭% ମଧ୍ୟରେ ବୃଦ୍ଧି ପାଇବ ବୋଲି ସେ ଆଶା କରିଛନ୍ତି।
ବିଶେଷ କରି ଭାରତରେ ବିମୁଦ୍ରୀକରଣର କୌଣସି ଆଶା ନାହିଁ, ଯଦିଓ ବିଶ୍ୱର ଅବସ୍ଥା (ଆର୍ଥିକ ମାନ୍ଦାବସ୍ଥା) ଦ୍ୱାରା ଦେଶର ଅଭିବୃଦ୍ଧି ନକାରାତ୍ମକ ଭାବେ ପ୍ରଭାବିତ ହୋଇପାରେ, ତଥାପି ଭାରତର ଅର୍ଥନୀତି ୨୦୨୩-୨୪ ଆର୍ଥିକ ବର୍ଷରେ ୬-୭% କୁ ଅଭିବୃଦ୍ଧି କରାଇବାରେ ସଫଳ ହେବୁ ବୋଲି କୁମାର ମତପ୍ରକାଶ କରିଛନ୍ତି। ସେହିପରି ଆମେରିକା, ୟୁରୋପ, ଜାପାନ ଏବଂ ଚାଇନା ଭଳି ଅଭିବୃଦ୍ଧିସମ୍ପନ୍ନ ଦେଶ ସାଙ୍ଗକୁ ବିଶ୍ୱର ଅନ୍ୟ ଦେଶଗୁଡିକରେ ମଧ୍ୟ ଅର୍ଥିନୀତି ଅସନ୍ତୁଳିତ ହେବ ବୋଲି ଆଶଙ୍କା କରାଯାଉଛି।
ଚଳିତ ବର୍ଷ ଅକ୍ଟୋବର ୬ରେ ବିଶ୍ୱବ୍ୟାଙ୍କ ୨୦୨୨-୨୩ ବର୍ଷର ଭାରତୀୟ ଅର୍ଥନୀତି ପାଇଁ ଅଭିବୃଦ୍ଧି ୬.୫%କୁ ଆକଳନ କରିଥିଲା। ଯାହାକି ୨୦୨୨ଜୁନ୍ ପୂର୍ବାନୁମାନରୁ ଏକ ପ୍ରତିଶତ ପଏଣ୍ଟ ହ୍ରାସ ପାଇଛି। ତେବେ ବିଶ୍ୱ ଅର୍ଥନୀତିକୁ ନେଇ ଆଇଏମ୍ଏଫ୍ ମୁଖ୍ୟ କ୍ରିଷ୍ଟାଲିନା ଜର୍ଜିଆରା କହିଛନ୍ତି, ବିଶ୍ୱରେ ଅର୍ଥନୀତି ଆପେକ୍ଷିକ ଭବିଷ୍ୟତବାଣୀ ଜଗତରୁ ଏକ ଅନିଶ୍ଚିତତା ଆଡକୁ ଗତି କରୁଛି ଏବଂ ଖୁଚୁରା ମୁଦ୍ରାସ୍ପୀତି ଅଧିକ ସମୟ ପାଇଁ ୬ରୁ ୭% ମଧ୍ୟରେ ରହିବ ବୋଲି ସେ ମତ ପ୍ରକାଶ କରିଛନ୍ତି।
ତେବେ ଦେଶର ଅର୍ଥନୀତି ସ୍ଥିତିକୁ ନେଇ ପୂର୍ବତନ ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି, ଅକ୍ଟୋବରରେ ରପ୍ତାନିର ନକାରାମତ୍କ ଅଭିବୃଦ୍ଧି ସହ ଏହା ସ୍ପଷ୍ଟ ଯେ ଉଭୟ ସାମଗ୍ରୀ ଏବଂ ସେବା ରପ୍ତାନିକୁ କିପରି ବିସ୍ତାର କରାଯିବ ସେ ନେଇ ଦେଶ ଏକ୍ଷେତ୍ରରେ ମଧ୍ୟ ପ୍ରକୃତ ନୀତି ଉପରେ ଧ୍ୟାନ ଦେବା ଆବଶ୍ୟକ। ବର୍ତ୍ତମାନ ଆମକୁ ରାଜ୍ୟରେ ନିର୍ଦ୍ଦିଷ୍ଟ ରପ୍ତାନି ପ୍ରୋତ୍ସାହନ ନୀତି ପ୍ରସ୍ତୁତ କରିବାକୁ ପଡ଼ିବ। କାରଣ ସମଗ୍ର ଦେଶ ପାଇଁ ଗୋଟିଏ ରପ୍ତାନି ପ୍ରୋତ୍ସାହନ ନୀତି ରହିବ।
ଏପରିକି ଦେଶରେ ପ୍ରାୟ ୨ ବର୍ଷର ବ୍ୟବଧାନ ପରେ ଭାରତର ରପ୍ତାନି ନକାରାମତ୍କ ସ୍ଥିତିରେ ରହିଥିଲା। ତେଣୁ ଅକ୍ଟୋବରରେ ୧୬.୬୫% ହ୍ରାସ ପାଇ ୨୯.୭୮ ବିଲିୟନ୍ ଡଲାରରେ ପହଞ୍ଚତ୍ଛି ଏବଂ ବିଶ୍ୱ ବଜାରରେ ଚାହିଦା ହ୍ରାସ ହେତୁ ବାଣିଜ୍ୟ ନିଅଣ୍ଟ ୨୬.୯୧ବିଲିୟନ୍ ଡଲାରରେ ପହଞ୍ଚଛି ବୋଲି ସେ ମତବ୍ୟକ୍ତ କରିଛନ୍ତି।
