ବୁଇନସ ଏରିସ/ସାଣ୍ଟିଆଗୋ,୨୩ ।୩: ଆର୍ଜେଣ୍ଟିନାରେ ବୁଧବାର ଏକ ଭୂକମ୍ପ ଅନୁଭୂତ ହୋଇଛି । ୟୁଏସ ଜିଓଲଜିକାଲ ସର୍ଭେ(ୟୁଏସଜିଏସ) ଭୂକମ୍ପ ସମ୍ପର୍କରେ ସୂଚନା ଦେଇଛି । ୟୁଏସ ଜିଓଲଜିକାଲ ସର୍ଭେ ଆର୍ଜେଣ୍ଟିନାର ସ୍ୟାନ ଆଣ୍ଟୋନିୟୋ ଡି ଲସ କୋବରେସର ଉତ୍ତର-ଉତ୍ତର ପଶ୍ଚିମରୁ ୮୪ କିଲୋମିଟର ଦୂରରେ ୬.୫ ତୀବ୍ରତାର ଭୂକମ୍ପ ସୂଚନା ଦେଇଛି । ଏବେ ପର୍ଯ୍ୟନ୍ତ ଏହି ଭୂକମ୍ପରେ କୌଣସି ପ୍ରକାର କ୍ଷୟକ୍ଷତିର ସୂଚନା ଦେଇନାହିଁ ୟୁଏସଜିଏସ । ସ୍ୟାନ ଆଣ୍ଟୋନିୟୋ ଡି ଲସ କୋବରେସ ଉତ୍ତର-ପଶ୍ଚିମ ଆର୍ଜେଣ୍ଟିନାର ଏକ ଛୋଟ ସହର ।
ଅନ୍ୟପଟେ ଚିଲିର ଇକ୍ୱିକରେ ବି ବୁଧବାର ଭୂକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୬.୩ ରେକର୍ଡ କରାଯାଇଛି । ଭୂକମ୍ପର କେନ୍ଦ୍ର ଚିଲିର ଇକ୍ୱିକରୁ ୫୧୯ କିଲୋମିଟର ଦକ୍ଷଣ ପୂର୍ବରେ ଥିଲା । ନ୍ୟାଶନାଲ ସେଣ୍ଟର ଫର ସିସ୍ମୋଲୋଜି(ଏନସିଏସ) ଏହି ସୂଚନା ଦେଇଛି । ଇକ୍ୱିକ ଉତ୍ତର ଚିଲିରେ ଅଟାକାମା ମରୁଭୂମିର ପଶ୍ଚିମରେ ଥିବା ଏକ ଉପକୂଳ ସହର । ଏଥିରେ ବି କୌଣସି ପ୍ରକାରର କ୍ଷୟକ୍ଷତିର ସୂଚନା ମିଳିନାହିଁ ।
