ନୂଆଦିଲ୍ଲୀ,୨୭।୨:ସକାଳୁ ସକାଳୁ ଶକ୍ତିଶାଳୀ Earthquake ଝଟକା ଅନୁଭୂତ ହୋଇଛି। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଗୁରୁବାର ସକାଳେ, ଆସାମର ମୋରିଗାଓଁରେ ରିକ୍ଟର ସ୍କେଲରେ ୫ ତୀବ୍ରତା ସହିତ ଥରି ଉଠିଛି। ଏହାର କେନ୍ଦ୍ର କେଉଁଠି ଥିଲା ସେ ବିଷୟରେ ସମ୍ପୂର୍ଣ୍ଣ ସୂଚନା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ନ୍ୟାସନାଲ ସେଣ୍ଟର ଫର୍ ସିସମୋଲୋଜି ଅନୁଯାୟୀ, ଗୁରୁବାର ଭୋର ୨.୨୫ ମିନିଟରେ Earthquake ହୋଇଥିଲା। ଏହାର ଗଭୀରତା ଥିଲା ୧୬ କିଲୋମିଟର। କେବଳ ମୋରିଗାଁଓ ନୁହେଁ, ଗୌହାଟି, ଶିଲଂ ଏବଂ ଆସାମର ଅନ୍ୟାନ୍ୟ ସ୍ଥାନରେ ମଧ୍ୟ ଭୂକମ୍ପର ଝଟକା ଅନୁଭୂତ ହୋଇଥିଲା। ଅଞ୍ଚଳରେ Earthquakeର ଝଟକା ଅନୁଭବ କରିବା ପରେ ଲୋକମାନେ ଭୟଭୀତ ହୋଇ ଘରୁ ବାହାରକୁ ଆସିଯାଇଥିଲେ। ତଥାପି, ଏହା ଯୋଗୁଁ କୌଣସି ପ୍ରକାରର କ୍ଷତି ସମ୍ପର୍କରେ କୌଣସି ସୂଚନା ମିଳିନାହିଁ।
ରିକ୍ଟର ସ୍କେଲରେ ପାଞ୍ଚ ତୀବ୍ରତାର Earthquakeକୁ ଏକ ମଧ୍ୟମ ତୀବ୍ରତାର ଭୂମିକମ୍ପ ଭାବରେ ବିବେଚନା କରାଯାଏ, ଯେଉଁଥିରେ ଘର ଭିତରେ ରଖାଯାଇଥିବା ଜିନିଷଗୁଡ଼ିକରେ କମ୍ପନ ଅନୁଭୂତ ହୁଏ। ଏହି ତୀବ୍ରତାର ଭୂମିକମ୍ପରେ ସାମାନ୍ୟ କ୍ଷତି ହେବାର ସମ୍ଭାବନା ରହିଛି।
ସୂଚନାଥାଉ କି, ଜାନୁଆରୀ ମାସରେ ପୂର୍ବରୁ ଆସାମରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଥିଲା, ଯାହାର ତୀବ୍ରତା ରିକ୍ଟର ସ୍କେଲରେ ୪.୮ ମାପ କରାଯାଇଥିଲା। ଯଦିଓ ଭୂମିକମ୍ପର ଝଟକା ମୃଦୁ ଥିଲା, କିନ୍ତୁ ଲୋକମାନେ ଭୟଭୀତ ହୋଇଯାଇଥିଲେ। ଏହି ଭୂମିକମ୍ପର କେନ୍ଦ୍ରସ୍ଥଳ ମିଆଁମାର ଥିଲା ଏବଂ ଏହାର ଗଭୀରତା ୧୦୬ କିଲୋମିଟର ଥିଲା।
