ନିଜର ଅଭିନୟ ପାଇଁ ବଲିଉଡରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ମୋହନିଶ ବାହାଲ ଆଜି ତାଙ୍କର ୬୦ତମ ଜନ୍ମଦିନ ପାଳନ କରୁଛନ୍ତି। ମୋହନିଶ ସେହି ବଲିଉଡ ଅଭିନେତାମାନଙ୍କ ମଧ୍ୟରୁ ଜଣେ ଯିଏ ବଡ଼ ଭାଇ ହୋଇ ଲୋକଙ୍କ ହୃଦୟ ଜିତିଥିଲେ। କେବଳ ଫିଲ୍ମ ନୁହେଁ ଛୋଟ ପରଦାରେ ମଧ୍ୟ ବିଭିନ୍ନ ଚରିତ୍ରରେ ଅଭିନୟ କରି ମୋହନିଶ ନିଜର ପ୍ରତିଭାର ପରିଚୟ ଦେଇଥିଲେ। ମୋହନିଶ ବଲିଉଡର ହିଟ୍ ହିରୋଇନ ନୂତନଙ୍କ ପୁଅ। କିନ୍ତୁ ସେ କଠିନ ପରିଶ୍ରମ କରି ନିଜର ପରିଚୟ ସୃଷ୍ଟି କରିଥିଲେ।
ବିଶେଷକରି ସଲମାନ ଖାନଙ୍କ ଭାଇ ରୂପରେ ତାଙ୍କୁ ଦର୍ଶକ ଖୁବ୍ ପସନ୍ଦ କରିଥିଲେ। ‘ମେନ ପ୍ୟାର୍ କିୟା’ରେ ଖଳନାୟକ ଭୂମିକାରେ ଅଭିନୟ କରିଥିବା ବେଳେ ‘ ହମ ଆପକେ ହେ କନ୍ ଏବଂ ‘ହମ ସାଥ ସାଥ ହୈ’ରେ ସଲମାନଙ୍କ ବଡ଼ ଭାଇ ଭାବରେ ଦର୍ଶକ ତାଙ୍କୁ ଖୁବ ପସନ୍ଦ କରିଥିଲେ। ତେବେ ଜନ୍ମଦିନରେ ତାଙ୍କ ସହ ଜଡିତ କିଛି ବିଶେଷ କଥା ଜାଣନ୍ତୁ।
ମୋହନିଶ ପ୍ରଥମେ ‘ବେକରାର’ ଫିଲ୍ମରେ ଏକ ସହ ଅଭିନେତା ଭୂମିକାରେ ନଜର ଆସିଥିଲେ। ହେଲେ ବହୁତ କମ ଲୋକ ଜାଣନ୍ତି ଯେ ମୋହନିଶ ୧୯୮୪ ମସିହାରେ ହଲିଉଡ ଫିଲ୍ମ ‘ବ୍ଲୁ ଲୋଗନ’ ରେ ‘ତେରି ବାହୋଁ ମୈ’ରେ ଜ୍ୟାକି ଶ୍ରଫଙ୍କ ସ୍ତ୍ରୀ ଆୟେଶାଙ୍କ ସହ କାମ କରିଥିଲେ। ଏହି ଫିଲ୍ମଟି ଫ୍ଲପ ହୋଇଥିଲା । ମୋହନିଶ ତାଙ୍କ କ୍ୟାରିଅରର ପ୍ରାରମ୍ଭରେ ବିଫଳତାର ସମ୍ମୁଖୀନ ହୋଇଥିଲେ କିନ୍ତୁ ରାଜଶ୍ରୀର ଫିଲ୍ମ ‘ମେନ ପ୍ୟାର କିୟା’ ତାଙ୍କ କ୍ୟାରିୟରକୁ ଭିନ୍ନ ମୋଡ଼ ନେଇଥିଲା।
ମୋହନିଶ ଏବଂ ସଲମାନ ସର୍ବଦା ଭଲ ବନ୍ଧୁ ଥିଲେ। ଯେତେବେଳେ ‘ହମ ଆପକେ ହେ କନ୍’ ୨୫ ବର୍ଷ ପୂରଣ ହୋଇଥିଲା ଏକ ଖବରଦାତା ସମ୍ମିଳନୀରେ ସେତେବେଳେ ମୋହନିଶ ସଲମାନଙ୍କ ସହ ଜଡିତ ଏକ ମଜାଦାର କଥା କହିଥିଲେ। ମୋହନିଶ କହିଥିଲେ ଯେ, ଯେତେବେଳେ ସେ ଏବଂ ସଲମାନ ଉଭୟ ସଂଘର୍ଷ କରୁଥିଲେ, ସେମାନେ ଏକାଠି ଜିମ ଯାଉଥିଲେ। ସେହି ସମୟରେ ସଲମାନ ଏତେଚାଲାକ ଥିଲେ ଯେ ସେ ଜିମ ଟଙ୍କା ଦେଉ ନ ଥିଲେ, ପରେ ମୋହନିଶ ତାଙ୍କ ଟଙ୍କା ଦେଉଥିଲେ।
