ନୂଆଦିଲ୍ଲୀ/ଭୁବନେଶ୍ୱର,୧୮।୧: ଏସିଆନ୍ ଗେମ୍ସ ପୂର୍ବରୁ ଭାରତୀୟ ଧାବିକା ଦୂତି ଚାନ୍ଦଙ୍କୁ ବଡ଼ ଝଟ୍କା ଲାଗିଛି। ଡୋପ ଟେଷ୍ଟରେ ବିଫଳ ହେବା ପରେ ତାଙ୍କୁ ସାମୟିକ ଭାବେ ନିଲମ୍ବିତ କରାଯାଇଛି। ଦୂତି ସିଲେକ୍ଟିଭ ଆଣ୍ଡ୍ରୋଜେନ ରିସେପ୍ଟର ମଡ୍ୟୁଲେଟର ସେବନ କରୁଥିବା ଜଣାପଡିଛି। ତାଙ୍କ ନମୁନାରେ ଅନେକ ନିଷେଧ ପଦାର୍ଥ ମିଳିବା ପରେ ଓ୍ବାଲଡ ଆଣ୍ଟି ଡୋପିଂ ଏଜେନ୍ସି ଏହି ନିଲମ୍ବନ ଆଦେଶ ଜାରି କରିଛି। ଏହି ନିଲମ୍ବନ ପରେ ଦୂତି ଚାଇନାରେ ଅନୁଷ୍ଠିତ ହେବାକୁ ଥିବା ଏସିଆନ୍ ଗେମ୍ସରେ ଭାଗ ନେଇପାରିବେ ନାହିଁ।
ତେବେ ଏନେଇ ଦୂତି କହିଛନ୍ତି, ମୁଁ ସମ୍ପର୍କରେ କୌଣସି ଅଫଇସିଆଲ ସୂଚନା ପାଇନାହିଁ। ନିଲମ୍ବନ ବିରୋଧରେ ମୁଁ ଆବେଦନ କରିବି।
