ପାଟନା, ୧୭।୪: ବିହାରରେ ବିଷାକ୍ତ ମଦମୃତ୍ୟୁ ସଂଖ୍ୟା ୨୬ରେ ପହଞ୍ଚିଛି। ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ନୀତିଶ କୁମାର ମୃତକଙ୍କ ପରିବାର ଲୋକଙ୍କୁ ୪ଲକ୍ଷ ଟଙ୍କାର କ୍ଷତିପୂରଣ ଯୋଗାଇ ଦେବାକୁ ଷୋଷଣା କରାଯାଇଛି ା ଏପରିକି ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି। ସିଏମ୍ ରିଲିଫ୍ ଫଣ୍ଡରୁ ଏହି ଆର୍ଥିକ ସହୟତା ଦିଆଯିବା ନେଇ ସେ ସୂଚନା ଦେଇଛନ୍ତି।
ସେ ଆହୁରି କହିଛନ୍ତି, ଏହି ଘଟଣାରେ ମୃତ୍ୟୁବରଣ କରିଥିବା ମୃତକଙ୍କ ପରିବାର ଆର୍ଥିକ ଭାବେ ସ୍ବଚ୍ଚଳ ନୁହଁନ୍ତି। ତେଣୁ ତାଙ୍କୁ ଏହି କ୍ଷତିପୂରଣ ଦେବା ନିହାତି ଆବଶ୍ୟକ। ମୃତକଙ୍କ ପରିବାର ନିଜ ମୃତକଙ୍କ ସମସ୍ତ ସୂଚନା ଜିଲା ଅଧୀକାରୀଙ୍କୁ ଦେବାକୁ ନିର୍ଦ୍ଦେଶ ଦେଇଛନ୍ତି। ଏପରି କି ଜନସାଧାରଣ ମଦ ଠାରୁ ଦୂରେଇ ରହିବାକୁ ସେ ନିବେଦନ କରିଛନ୍ତି।
ସୂଚନାଥାଉ କି, ମଦମୃତ୍ୟୁ ମାମଲାରେ ମୋହିହାରିର ଏସ୍ଟିଏଫର ଦୁଇ ଅଧିକାରୀ ଏବଂ ୪ଚୌକିଦାରଙ୍କୁ ନିଲମ୍ବନ କରାଯାଇଛି। ଏହି ଘଟଣାରେ ୫ଟି ମାମଲା ରୁଜୁ ହୋଇଛି। ଏବେ ଏହି ଘଟଣାରେ ୨୫ଜଣଙ୍କୁ ଗିରଫ କରାଯିବା ସହ ବେଆଇନ୍ ମଦ ବ୍ୟବସାୟ କରୁଥିବା ୧୦୩ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି।
