ନୂଆଦିଲ୍ଲୀ,୧୭।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତୀୟ ଜନତା ପାର୍ଟି(ଭାଜପା)ର ଜାତୀୟ କାର୍ଯ୍ୟକାରିଣୀ ବୈଠକର ଦ୍ୱିତୀୟ ଦିନରେ କର୍ମୀମାନଙ୍କୁ ପରାମର୍ଶ ଦେଇଛନ୍ତି। ମୁସଲମାନ ସମ୍ପ୍ରଦାୟ ବିଷୟରେ ଖରାପ ବୟାନବାଜୀ କରନାହିଁ। ପସମାନନ୍ଦ ଏବଂ ବୋରା ସମାଜକୁ ଭେଟିବା ଉଚିତ। କାର୍ଯ୍ୟକର୍ତ୍ତାମାନଙ୍କ ସହ ଯୋଗାଯୋଗ ବଜାୟ ରଖିବାକୁ ହେବ। ସମାଜର ସମସ୍ତ ବର୍ଗର ଲୋକଙ୍କୁ ଭେଟ। କେହି ଭୋଟ ଦିଅନ୍ତୁ କି ନାହିଁ, କିନ୍ତୁ ସମସ୍ତଙ୍କୁ ସାକ୍ଷାତ କର। ଦଳର ଅନେକ ଲୋକ ଏବେ ବି ଲାଗୁଛି ଯେ ସେମାନେ ବିରୋଧୀ ଦଳରେ ଅଛନ୍ତି। ଏଣୁ ଅନେକ ଲୋକଙ୍କୁ ମର୍ଯ୍ୟଦାପୂର୍ଣ୍ଣ ଭାଷା କହିବା ଉଚିତ ବୋଲି ସେ କହିଛନ୍ତି।
ପ୍ରଧାନମନ୍ତ୍ରୀ ରାଜସ୍ଥାନ ଏବଂ ଛତିଶଗଡ଼ର କର୍ମକର୍ତ୍ତାମାନଙ୍କୁ କହିଛନ୍ତି ଯେ, ଅତି ଆତ୍ମବିଶ୍ୱାସ ଭଲ ନୁହେଁ। ଏଥିଲାଗି ଆମେ ନିର୍ବାଚନରେ ହାରିଛେ। ସମସ୍ତଙ୍କୁ ପରିଶ୍ରମ କରିବାର ଆବଶ୍ୟକତା ଅଛି। ‘ମୋଦି ଆସିଲେ,ଜିତିଯିବା’ ଭାବିବା ଭୁଲ। ସମସ୍ତଙ୍କୁ ସମ୍ବେଦନଶୀଳ ହେବା ଉଚିତ। ଶାସନ କ୍ଷମତା ମିଳିଗଲେ ତାହା ସ୍ଥାୟୀ ବୋଲି ଭାବିବା ଅନୁଚିତ ବୋଲି ସେ କହିଛନ୍ତି।
ଏହାଛଡ଼ା ମୋଦି କର୍ମୀମାନଙ୍କୁ ଦାୟିତ୍ୱ ଦେଇ ସୀମା ନିକଟବର୍ତ୍ତୀ ଗ୍ରାମଗୁଡ଼ିକରେ ସଂଗଠନକୁ ମଜଭୂତ କରିବାକୁ କହିଛନ୍ତି। ନିର୍ବାଚନକୁ ୪୦୦ ଦିନ ବାକିଅଛି। ସମ୍ପୂର୍ଣ୍ଣ ଶକ୍ତି ସହ ଏଥିପାଇଁ କାମ କରିବାକୁ ସେ ପରାମର୍ଶ ଦେଇଛନ୍ତି।
