* ବାସ୍ତୁଶାସ୍ତ୍ର ଅନୁଯାୟୀ, ପ୍ରଭୁ ହନୁମାନ ହେଉଛନ୍ତି ସୁ-ସ୍ବାସ୍ଥ୍ୟର ସ୍ବୀମୀ। ତେଣୁ ଘରେ ପ୍ରଭୁ ହନୁମାନଙ୍କର ଫଟୋ ହେଉ ଅବା ମୂର୍ତ୍ତି ରଖିଲେ ଘର ସଦସ୍ୟଙ୍କର ସ୍ବାସ୍ଥ୍ୟ ଭଲ ରହିଥାଏ ବୋଲି ବିଶ୍ୱାସ କରାଯାଏ।
* ସେହିପରି ଘରେ ଯଦି କାହାର ଦେହ ଅସୁସ୍ଥ ଥାଏ, ତା’ହେଲେ ସିଏ ରହୁଥିବା ରୁମ୍ର ଉତ୍ତର-ପୂର୍ବ କୋଣରେ କେତୋଟି କ୍ୟାଣ୍ଡେଲ ଜାଳିଲେ ଶୀଘ୍ର ଦେହ ଭଲ ହୋଇଯାଏ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି।
* ଅନ୍ୟପକ୍ଷେ, ଘରର ଠିକ୍ ମଝି ଭାଗରେ କେବେ ବି ବିମ୍ ରଖିବେ ନାହିଁ। କାରଣ ଏହା ଘର ଲୋକଙ୍କ ଶରୀର ଉପରେ ଅନେକ କୁ-ପ୍ରଭାବ ପକାଇଥାଏ।
* ଘରର ଶିଢ଼ି ତଳେ ଥିବା ଖାଲି ସ୍ଥାନରେ କେବେ ବି ଷ୍ଟୋର ରୁମ୍ କିମ୍ବା ବାଥ୍ରୁମ୍ କରିବେ ନାହିଁ, ଏହା ମଧ୍ୟ ପରିବାର ଲୋକଙ୍କ ପାଇଁ ଆଦୌ ଶୁଭଙ୍କର ନୁହେଁ।
* ଘରର ମଝି ଅଂଶରେ ଅନେକ ଫର୍ନିଚର୍ ରଖିବା ଆଦୌ ଠିକ୍ ନୁହେଁ। କାରଣ ଏହି ଫର୍ନିଚର ଯୋଗୁ ବେଳେବେଳେ ଘରକୁ ଆସୁଥିବା ସକାରାତ୍ମକ ଶକ୍ତିର ପ୍ରବାହ ବାଧାପ୍ରାପ୍ତ ହୋଇଥାଏ। ଫଳରେ ଏହା ମଧ୍ୟ ସ୍ବାସ୍ଥ୍ୟ ଉପରେ ଅନେକ କୁ-ପ୍ରଭାବ ପକାଇଥାଏ।
* ଶୋଇବା ସମୟରେ ମୁଣ୍ଡ ଦକ୍ଷିଣ ଦିଗକୁ ଏବଂ ଗୋଡ଼ ଉତ୍ତର ଦିଗକୁ ରହିଲେ ଭଲ ନିଦ ହେବା ସହ ଥକ୍କାପଣ ଦୂର ହୋଇଯାଏ ବୋଲି ମାନ୍ୟତା ରହିଛି।
* ଇଣ୍ଡୋର ପ୍ଲାଣ୍ଟ ଲଗାଇବା ଘର ପାଇଁ ଭଲ। କିନ୍ତୁ ଘର ଭିତରେ କାକ୍ଟସ୍ କିମ୍ବା କଣ୍ଟା ଥିବା କୌଣସି ଗଛ ଲଗାଇବେ ନାହିଁ। ଏହା ଘରର ସଦସ୍ୟଙ୍କ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ ବୋଲି ବିଶ୍ୱାସ ରହିଛି।
