କର୍କଟ ଏକ ଗମ୍ଭୀର ରୋଗ। ଏହି ରୋଗରେ ଆକ୍ରାନ୍ତଙ୍କ ମନୋବଳ ବଢ଼ାଇବା ସହ ତାଙ୍କୁ ଖୁସି ରଖିବା ନିତାନ୍ତ ଜରୁରୀ। ତେବେ ଏହି କଥାକୁ ବୁଝିଛନ୍ତି, ୟୁକେର ୱର୍କେଷ୍ଟେରେଶର୍ ରୟାଲ ହସ୍ପିଟାଲର ଡାକ୍ତରମାନେ। ଇସୋବେଲ୍ ଫ୍ଲେକ୍ଚର ନାମକ ପାଞ୍ଚ ବର୍ଷର ଜଣେ ଝିଅ କର୍କଟ ରୋଗରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି। ତାଙ୍କୁ ଖୁସି କରିବା ପାଇଁ ଡାକ୍ତରମାନେ ସ୍ବତନ୍ତ୍ର ଡ୍ୟାନ୍ସ ପରିବେଷଣ କରିଛନ୍ତି। ଏହା ଦେଖି ଇସୋବେଲ୍ ବହୁତ ଖୁସି ହେଉଛନ୍ତି।
ଇସୋବେଲଙ୍କ ରୁମ୍ରେ ଡାକ୍ତର ବିୟୋନ୍ସ କମଲରାଜନ ଏବଂ ଏମା ମାଣ୍ଡେର୍ ରଙ୍ଗିନ ପୋଷାକ ପିନ୍ଧି ବାଲାଟ ଡ୍ୟାନ୍ସ କରିଥିଲେ। ଦ୍ୱିତୀୟ ଥର ପାଇଁ ଇସାବେଲ ଚିକିତ୍ସିତ ହେଉଥିବା ବେଳେ ଏହି ଡ୍ୟାନ୍ସ ଦେଖି ଖୁସି ହୋଇଥିଲେ। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଇସୋବେଲ ଖୁସିରେ ହସୁଥିବା ମଧ୍ୟ ଦେଖିବାକୁ ମିଳୁଛି। କାରଣ ଡାକ୍ତରମାନେ ତାଙ୍କ ପାଇଁ ହିଁ ନାଚୁଛନ୍ତି। ଏହି ଡ୍ୟାନ୍ସ ଭିଡିଓକୁ ହସ୍ପିଟାଲ ପକ୍ଷରୁ ଶେୟାର କରି ସୋସିଆଲ ମିଡିଆରେ ପୋଷ୍ଟ କରାଯାଇଛି।
ସୂଚନାନୁଯାୟୀ, ଇସୋବେଲ ଲିମ୍ଫୋବ୍ଲାଷ୍ଟିକ ଲ୍ୟୁକେମିଆ ଲାଗି କେମୋଥେରାପି ଚିକିତ୍ସା ହେଉଛନ୍ତି। ହସ୍ପିଟାଲ କର୍ତ୍ତୃପକ୍ଷ କହିଛନ୍ତି, ଆମେ ଭାବୁଥିଲୁ ଏହା ଖୁସି ହେବା ପାଇଁ ଏକ ଭଲ ଉପାୟ । ପରେ ଏହା ମଧ୍ୟ ସଫଳ ହୋଇଛି ।
https://www.facebook.com/WorcsAcuteNHS/videos/3451281738312224/
