‘ଅପରେଶନ ସିନ୍ଦୂର’ର ପ୍ରେସ୍ମିଟ୍ କରାଯାଇଥିଲା। ଏଥିରେ ସବିଶେଷ ସୂଚନା ଦେଇ ଖବରର ଶିରୋନାମାକୁ ଆସିଥିଲେ ସୋଫିଆ କୁରେଶୀ।ସେ କହିଥିଲେ, ୨୨ ଏପ୍ରିଲରେ ପହଲଗାମରେ ଯେଉଁ ଆକ୍ରମଣ ହୋଇଥିଲା ଏଥିରେ ୨୬ ପର୍ଯ୍ୟଟକଙ୍କ ମୃତ୍ୟୁ ଘଟିଥିଲା। ଏହା ପରେ ଭାରତ ବୁଧବାର ଭୋର୍ରୁ ଅପରେଶନ ସିନ୍ଦୂର ଜାରି କରିଛି। ପହଲଗାମ ଆତଙ୍କବାଦୀ ଆକ୍ରମଣ ଅତ୍ୟନ୍ତ ବର୍ବର ଥିଲା। ପରିବାର ସାମ୍ନାରେ ସଦସ୍ୟଙ୍କୁ ହତ୍ୟା କରାଯାଇଥିଲା।ଏହି ଆକ୍ରମଣ ଉଦ୍ଦେଶ୍ୟ ହେଲା ଆତଙ୍କବାଦ ବିରୋଧରେ ଭାରତର ଅଧିକାର। ଭାରତ ସରକାର ଆତଙ୍କବାଦୀଙ୍କୁ ଟାର୍ଗେଟ କରିଏହି ଅପରେଶନ ସିନ୍ଦୂର ଜାରି ରଖିଛନ୍ତି ବୋଲି ସୋଫିଆ ସାରା ବିଶ୍ୱବାସୀଙ୍କୁ ସୂଚନା ଦେଇଥିଲେ।
କିଏ ସେହି ସୋଫିଆ କୁରେଶୀ। ସୋଫିଆଙ୍କ ବିଷୟରେ ଜାଣିବାକୁ ଚେଷ୍ଟା କରିଥିଲେ ବିଶ୍ୱବାସୀ, ତାଙ୍କ ବ୍ୟକ୍ତିଗତ ଜୀବନ, ବୃତ୍ତିଗତ ଜୀବନଠାରୁ ଆରମ୍ଭ କରି ତାଙ୍କ ଶିକ୍ଷାଗତ ଯୋଗ୍ୟତା ଦରମା ପର୍ଯ୍ୟନ୍ତ ସବୁକୁ ନେଇ ଜାଣିବାକୁ ଇଚ୍ଛାପ୍ରକାଶ କରିଛନ୍ତି ଲୋକେ।
ଗୁଜରାଟର କର୍ଣ୍ଣେଲ ସୋଫିଆ ବାୟୋକେମିଷ୍ଟ୍ରିରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ତାଙ୍କର ବିଜ୍ଞାନ ଅଧ୍ୟୟନ ଓ ସାମରିକ ବୈଷୟିକ ତାଲିମର ମିଶ୍ରଣ ତାଙ୍କୁ ଏକ ସ୍ୱତନ୍ତ୍ର ପରିଚୟ ଦେଇଛି। କର୍ଣ୍ଣେଲ ସୋଫିଆ OTA (ଅଫିସର୍ସ ଟ୍ରେନିଂ ଏକାଡେମୀ)ରୁ ତାଲିମ ଗ୍ରହଣ କରିବା ପରେ ୧୯୯୯ ମସିହାରେ ଲେଫ୍ଟନାଣ୍ଟ ଭାବରେ ଯୋଗ ଦେଇଥିଲେ। ପୂର୍ବରୁ, ସେ ଉତ୍ତର-ପୂର୍ବ ଭାରତରେ ବନ୍ୟା ପରିଚାଳନାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।ସୋଫିଆ କୁରେଶୀ ୧୯୯୯ ମସିହାରେ ଭାରତୀୟ ସେନାରେ ତାଙ୍କର ସେବା ଆରମ୍ଭ କରିଥିଲେ। ସେ ଚେନ୍ନାଇର ଅଫିସର୍ସ ଟ୍ରେନିଂ ଏକାଡେମୀ (OTA) ରେ ତାଲିମ ଗ୍ରହଣ କରିଥିଲେ ଓ ସେହି ବର୍ଷ ଲେଫ୍ଟନାଣ୍ଟ ଭାବରେ କମିଶନ ପାଇଥିଲେ। କୁହାଯାଏ ଯେ ତାଙ୍କ ଜେଜେବାପା ମଧ୍ୟ ଭାରତୀୟ ସେନାରେ ଥିଲେ, ଯାହା ତାଙ୍କୁ ଦେଶ ସେବା କରିବାକୁ ପ୍ରେରଣା ଦେଇଥିଲା।
ଭାରତୀୟ ସେନାର ମେକାନାଇଜଡ୍ ଇନଫ୍ୟାଣ୍ଟ୍ରିରେ କାର୍ଯ୍ୟରତ ଜଣେ ଅଧିକାରୀ ମେଜର ତାଜୁଦ୍ଦିନ୍ କୁରୈଶୀଙ୍କୁ ବିବାହ କରିଛନ୍ତି। ସୋଫିଆ ୨୦୦୬ ମସିହାରେ କଙ୍ଗୋରେ ଜାତିସଂଘ ଶାନ୍ତିରକ୍ଷା ମିଶନରେ ସାମରିକ ପର୍ଯ୍ୟବେକ୍ଷକ ଭାବରେ କାର୍ଯ୍ୟ କରିଥିଲେ। ସେ ମିଶନରେ ନିଜର ଦକ୍ଷତା ସହିତ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ।ଯଦି ଆମେ ତାଙ୍କ ଦରମା ବିଷୟରେ କହିବା, ତେବେ ତାଙ୍କର ମୂଳ ଦରମା ୧,୨୧,୨୦୦ – ୨,୧୨,୪୦୦ ମଧ୍ୟରେ। ଏହା ସହିତ, ସେମାନଙ୍କୁ ଭାରତ ସରକାରଙ୍କ ଦ୍ୱାରା ଅନେକ ପ୍ରକାରର ଭତ୍ତା ଓ ସୁବିଧା ପ୍ରଦାନ କରାଯାଏ।
ମୁଦ୍ରାସ୍ଫୀତି ଆଧାରରେ ସେମାନଙ୍କୁ ମହଙ୍ଗା ଭତ୍ତା ଦିଆଯାଏ। ତାଙ୍କୁ ପ୍ରତି ମାସରେ ସାମରିକ ସେବା ଦରମା ଭାବରେ ୧୫,୫୦୦ ଟଙ୍କା ମିଳିଥାଏ।ଅନ୍ୟାନ୍ୟ ଭତ୍ତା- ସମସ୍ତ ସେନା କର୍ମଚାରୀଙ୍କୁ ବାସଗୃହ ପାଇଁ HRA (ଘର ଭଡ଼ା ଭତ୍ତା) ମିଳିଥାଏ। ଏହା ବ୍ୟତୀତ ବିପଦପୂର୍ଣ୍ଣ ଅଞ୍ଚଳରେ କାମ କରିବା ଆଧାରରେ ଭତ୍ତା ମଧ୍ୟ ଦିଆଯାଏ। ଏହା ସାଧାରଣତଃ ୧୦,୫୦୦ ଟଙ୍କାରୁ ୨୫,୦୦୦ ଟଙ୍କା ପର୍ଯ୍ୟନ୍ତ ହୋଇଥାଏ।
