ମୁମ୍ବାଇ: ବଲିଉଡର ବୋଲ୍ଡ ଓ ବିୟୁଟିଫୁଲ ଅଭିନେତ୍ରୀ ଦିଶା ପାଟନୀ ଫିଲ୍ମ ଅପେକ୍ଷା ତାଙ୍କ ଲଭ ଲାଇଫକୁ ନେଇ ହେଡଲାଇନରେ ରହିଛନ୍ତି।କିଛିଦିନ ତଳେ ଖବର ସାମ୍ନାକୁ ଆସିଥିଲା ଯେ ଦିଶା ବଲିଉଡ ଅଭିନେତା ଟାଇଗର ଶ୍ରଫଙ୍କୁ ଡେଟ କରୁଛନ୍ତି। ପ୍ରଶଂସକମାନେ ସେମାନଙ୍କର ଅନସ୍କ୍ରିନ ଏବଂ ଅଫସ୍କ୍ରିନ କେମେଷ୍ଟ୍ରିକୁ ବହୁତ ପସନ୍ଦ କରୁଥିଲେ। କିନ୍ତୁ ଅଭିନେତ୍ରୀ ଏହି ଖବରକୁ କେବେ ମୁଖ୍ୟ ଖୋଲି କହି ନ ଥିଲେ। ଏହାସହ କିଛି ସମୟ ପୂର୍ବରୁ ସେମାନଙ୍କ ବ୍ରେକଅପ ଖବର ଇଣ୍ଟରନେଟରେ ନିଆଁ ପରି ବ୍ୟାପିଗଲା ଏବଂ କୁହାଗଲା ଯେ ଦିଶା ଏବଂ ଟାଇଗର ଅଲଗା ହୋଇଯାଇଛନ୍ତି।
ଏବେ ଅଭିନେତ୍ରୀ ଏକ ପାର୍ଟୀରେ ଏମିତି ଜଣେ ବ୍ୟକ୍ତିଙ୍କ ସହ ନଜର ଆସିଛନ୍ତି ଯାହା ସହିତ ତାଙ୍କ ନାମ ଦୀର୍ଘ ଦିନ ଧରି ଯୋଡା ଯାଇ ଆସୁଛି। ଏବେ ଏମାନେ ଦୁହେଁଁ ପରସ୍ପରର ଅତି ନିକଟତର ହୋଇଥିଲେ, ଯାହା ପରେ ସେମାନଙ୍କ ଆଫେୟାରର ଖବର ସାମ୍ନାକୁ ଆସିଥିଲା। ସୋସିଆଲ ମିଡିଆରେ ଦିଶାଙ୍କ ଏକ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି, ଯେଉଁଥିରେ ଅଭିନେତ୍ରୀ ଆଲେକ୍ସଜାଣ୍ଡାର ଆଲେକ୍ସିକଙ୍କ ସହ ନଜର ଆସିଛନ୍ତି। ତେବେ ଆଲେକଜାଣ୍ଡାର ତାଙ୍କ ନୂଆ ବୟଫ୍ରେଣ୍ଡ ବୋଲି ଆଲୋଚନା ହେଉଛି।
ଏହି ଭିଡିଓରେ ଦିଶା ତାଙ୍କ ବନ୍ଧୁଙ୍କ ସହ ଆଲେକ୍ସଜାଣ୍ଡାରଙ୍କ ପରିଚୟ କରାଉଥିବା ଦେଖାଯାଉଛି। ଭିଡିଓ ଭାଇରାଲ ହେବା ପରେ ସୋସିଆଲ ମିଡିଆ ୟୁଜର୍ସ ଏହା ଉପରେ ଖୁବ କମେଣ୍ଟ କରିଛନ୍ତି।
