ନୂଆଦିଲ୍ଲୀ,୫।୫: ଗୁଜରାଟ ଟାଇଟାନ୍ସ ବିପକ୍ଷ ମ୍ୟାଚ ପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ବିରାଟ କୋହଲି ଏବଂ ଦୀନେଶ କାର୍ତ୍ତିକ ପ୍ରଶଂସକଙ୍କୁ ଖୁସିର ମୁହୂର୍ତ୍ତ ଦେଇଛନ୍ତି। କୋହଲି ଗୁଜୁରାଟ ବିପକ୍ଷରେ ୨୭ବଲରେ ୪୨ ରନର ଇନିଂସ ଖେଳିଥିଲେ ଏବଂ ଆଇପିଏଲ ୨୦୨୪ରେ ସର୍ବାଧିକ ରନ ସ୍କୋରର ବ୍ୟାଟ୍ସମ୍ୟାନ ହୋଇଥିଲେ।
କୋହଲି ୧୧ ଟି ମ୍ୟାଚରେ ହାରାହାରି ୬୭.୭୫ ରେ ୫୪୨ ରନ ସଂଗ୍ରହ କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ ଚାରି ଅର୍ଦ୍ଧଶତକ ଅନ୍ତର୍ଭୁକ୍ତ। କୋହଲି ୫୦୯ ରନ ସ୍କୋର କରିଥିବା ରୁତୁରାଜ ଗାଇକୱାଡଙ୍କୁ ପଛରେ ପକାଇ ଦେଇଛନ୍ତି। ମ୍ୟାଚ ପରେ ଦିନେଶ କାର୍ତ୍ତିକ ପ୍ରସାରଣ ଦଳ ସହ କଥା ହେବା ପୂର୍ବରୁ ବିରାଟ କୋହଲିଙ୍କୁ ଅରେଞ୍ଜ କ୍ୟାପ ଦେଇଥିଲେ।
ବିରାଟ କୋହଲି କ୍ୟାପ ନେଇ ହୃଦୟରେ ହାତ ରଖି କାର୍ତ୍ତିକଙ୍କୁ ମୁଣ୍ଡ ନୁଆଁଇ ସମ୍ମାନିତ କରିଥିଲେ। ତା’ପରେ କୋହଲି ହସି ହସି ସେଠାରୁ ଚାଲିଗଲେ। ପ୍ରଶଂସକମାନେ ଏହି ମୁହୂର୍ତ୍ତକୁ ବହୁତ ପସନ୍ଦ କରିଥିଲେ ଏବଂ ଏହାର ଭିଡିଓ ଶୀଘ୍ର ସୋସିଆଲ ମିଡିଆରେ ଭାଇରାଲ ହୋଇଥିଲା।
Consistency is King, and King Kohli proves it once again whether its in health, fitness, or performance on the field!
The King is back to being the Orange Cap Holder. 🧡#ViratKohli #RCBvGT #PlayBold pic.twitter.com/ACY9uhsXVA
— Duroflex (@Duroflex_world) May 4, 2024
