ମୁମ୍ବାଇ: ବଲିଉଡ୍ ନାୟକ ସୁଶାନ୍ତ ସିଂ ରାଜପୁତ ଆଜି ଆମ ଗହଣରେ ନାହାନ୍ତି ସତ ହେଲେ ତାଙ୍କର ଲକ୍ଷ ଲକ୍ଷ ପ୍ରଶଂସକ ଏବେବି ତାଙ୍କ ପାଇଁ ପାଗଳ। ନିକଟରେ ସୁଶାନ୍ତଙ୍କ ଅଭିନୀତ ଶେଷ ଫିଲ୍ମ ଦେଖିବାକୁ ଦର୍ଶକେ ପାଗଳପ୍ରାୟ ହୋଇ ଯାଇଛନ୍ତି। କୁହାଯାଏ ଏମିତି କେତେ ବ୍ୟକ୍ତି ଅଫେରା ରାଇଜକୁ ଚାଲି ଯାଇଥିଲେ ମଧ୍ୟ ତାଙ୍କର କିଛି ସ୍ମୃତି ଯୁଗ ଯୁଗ ପାଇଁ ତାଙ୍କୁ ଅମର କରି ରଖିଥାଏ। ସୁଶାନ୍ତ ସିଂ ରାଜପୁତ ଏବେ ପଛରେ ଛାଡି ଯାଇଛନ୍ତି ତାଙ୍କ ଶେଷ ଅଭିନୀତ ଫିଲ୍ମ ‘ଦିଲ ବେଚାରା’। ଯାହାକୁ ଦେଖିବାକୁ ଦର୍ଶକେ ଉତ୍ସୁକତାର ସହ ଅପେକ୍ଷା ରଖିଛନ୍ତି। ସୋମବାର ଏହାର ଟ୍ରେଲର ରିଲିଜ ହେବାକୁ ଥିବା ବେଳେ ଏହା ପୂର୍ବରୁ ସୋସିଆଲ ମିଡିଆରେ ଦର୍ଶକଙ୍କ ପୋଷ୍ଟରୁ ଜଣାପଡୁଛି କେତେ ଲୋକପ୍ରିୟ ନାୟକ ଥିଲେ ସୁଶାନ୍ତ। ସୂଚନାଯୋଗ୍ୟ, ପୂର୍ବରୁ ମେକର୍ସ ଫିଲ୍ମର ଟ୍ରେଲର ସୋମବାର ଅର୍ଥାତ୍ ଜୁଲାଇ ୬ରେ ରିଲିଜ୍ ହେବ ବୋଲି କହିଥିଲେ। ଆଉ ସକାଳୁ ସକାଳୁ ସୁଶାନ୍ତ ସିଂ ରାଜପୁତ ଓ ସଞ୍ଜନାଙ୍କ ଅଭିତୀତ ଏହି ଫିଲ୍ମର ନାମ ହାସଟ୍ୟାଗକୁ ନେଇ ସୋସିଆଲ ମିଡିଆରେ ଟ୍ରେଣ୍ଡ କରୁଥିବା ଦେଖାଯାଇଛି। ଆଉ ଟ୍ରେଲର ରିଲିଜ୍ ହେବା ପରେ ସୁଶାନ୍ତଙ୍କ ଅଭିନୟ ଦର୍ଶକଙ୍କ ହୃଦୟ ଜିତିଥିବା ଆଲୋଚନା ହେଉଛି।
