ଗଞ୍ଜାମ,୨୭ା୧(ଡି.ଏନ୍.ଏ.): ଭଉଣୀଙ୍କ ବାହାଘର ପାଇଁ ଜ୍ୱାଇଁ ଡାକରା ଆସିଥିବା ଧରମ ଭାଇ ଆଉ ଫେରିଲେନି। ଏମିତି ଏକ ଅଭାବନୀୟ ଘଟଣା ଘଟିଛି ଗଞ୍ଜାମରେ।
ଗଞ୍ଜାମ ଥାନା ଅନ୍ତର୍ଗତ ଅଗସ୍ତି ନୂଆଗାଁ ଛକ ନିକଟସ୍ଥ ୧୬ ନମ୍ବର ଜାତୀୟ ରାଜପଥରେ ଏକ ସଡ଼କ ଦୁର୍ଘଟଣାରେ ଧରମ ଭାଇଙ୍କର ମୃତ୍ୟୁ ଘଟିଥିବା ଜଣାପଡ଼ିଛି। ସେ ହେଲେ ଛତ୍ରପୁରର ଗଣେଶ ସାହୁ(୨୭)।
ଖବର ନେବାରୁ ଜଣାପଡ଼ିଛି, ଛତ୍ରପୁରରୁ ବୁଧବାର ଅପରାହ୍ନ ୩ଟାରେ ଗଞ୍ଜାମ ସହରକୁ ଏକ ବାଇକ୍ ଯୋଗେ ଆସୁଥିବା ସମୟରେ ଜି.ଜେ ୧୨ ଡବ୍ଲ୍ୟୁବି ୦୨୬୦ ନମ୍ବର ବିଶିଷ୍ଟ ଏକ ଟ୍ରଲର ବାଇକକୁ ଓଭର ଟେକ୍ କରିବା ସମୟରେ ରାସ୍ତା ପାର୍ଶ୍ୱକୁ ଗଣେଶ ଛିଟିକି ପଡ଼ିଥିଲେ। ତାଙ୍କୁ ସଙ୍ଗେ ସଙ୍ଗେ ସ୍ଥାନୀୟ ଲୋକଙ୍କ ସହାୟତାରେ ଛତ୍ରପୁର ମେଡିକାଲ ନିଆଯାଇଥିଲା। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
