ବମ୍ବେ: ନିକଟରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି ଅଭିନେତ୍ରୀ ଦିୟା ମିର୍ଜା। ଏହାକୁ ନେଇ ବି-ଟାଉନ୍ରେ ଚର୍ଚ୍ଚା ଥମି ନ ଥିବା ବେଳେ ଦିୟାଙ୍କ ଏକ ଟୁଇଟ୍ ଗଣମାଧ୍ୟମର ଶିରୋନାମା ପାଲଟିଛି। ତାହା ହେଲା ଦିୟାଙ୍କ ବିବାହ କରାଇଥିବା ପୁରୋହିତ। ସାଧାରଣତଃ ପୁରୁଷ ପୁରୋହିତ ବିବାହ କାର୍ଯ୍ୟ କରିଆସୁଥିବା ବେଳେ ଦିୟାଙ୍କ କ୍ଷେତ୍ରରେ ଓଲଟା ହୋଇଛି। ଜଣେ ମହିଳା ପୁରୋହିତ ସିଲା ଅଟ୍ଟା ତାଙ୍କ ବିବାହ କରାଇଛନ୍ତି। ଏହାର ଏକ ଫଟୋ ଦିୟା ଟୁଇଟ୍ କରିବା ପରେ ତାହା ଭାଇରାଲ ହେଉଛି।
ଟୁଇଟରରେ ନିଜ ବିବାହ ସମୟର ଫଟୋ ପୋଷ୍ଟ କରି ଦିୟା ସିଲାଙ୍କୁ ବିବାହ ମନ୍ତ୍ର ପଢ଼ିଥିବାରୁ ଧନ୍ୟବାଦ ଜଣାଇଛନ୍ତି। ଏଥିସହ ସେ ଜେନେରେସନ ଇକ୍ୱାଲିଟି ହାସଟ୍ୟାଗ୍ ବ୍ୟବହାର କରିଛନ୍ତି। ନାରୀମାନଙ୍କ ପାଇଁ ଦିୟାଙ୍କ ଏଭଳି ପ୍ରୟାସ ଦୀର୍ଘ ଦିନରୁ ଚାଲିଆସୁଥିବା ପୁରୁଷକୈନ୍ଦିକ ପ୍ରଥା ଉପରେ ପ୍ରଭାବ ପକାଇବ ବୋଲି ଲୋକେ କହୁଛନ୍ତି।
ତେବେ ପ୍ରଥମ ସ୍ବାମୀଙ୍କଠାରୁ ଅଲଗା ହେବା ପରେ ଦିୟା ଫେବୃୟାରୀ ୧୫ରେ ବ୍ୟବସାୟୀ ବୈଭବ ରେଖିଙ୍କୁ ବିବାହ କରିଛନ୍ତି। ପରିବାର ଏବଂ ନିକଟ ସମ୍ପର୍କୀୟଙ୍କୁ ନେଇ ଏହି ବିବାହ ଅନୁଷ୍ଠିତ ହୋଇଥିଲା।
