ନିକଟରେ ମହେନ୍ଦ୍ର ସିଂ ଧୋନୀ ଏବଂ ସାକ୍ଷୀ ଧୋନୀ ସେମାନଙ୍କର ଦଶମ ବିବାହ ବାର୍ଷିକୀ ପାଳନ କରିଛନ୍ତି। ୨୦୧୦ରେ ସମସ୍ତଙ୍କୁ ଆଶ୍ଚର୍ଯ୍ୟ କରି ଧୋନୀ ଡେରାଡୁନରେ ମନୋନୀତ ବ୍ୟକ୍ତିଙ୍କ ଉପସ୍ଥିତିରେ ବିବାହ କରିଥିଲେ। ବିବାହର ଏକ ଦଶନ୍ଧି ସମାପ୍ତ ହେବାପରେ, ଧୋନୀ ସବୁଥର ପରି ସୋସିଆଲ ମିଡିଆଠାରୁ ଦୂରରେ ରହିଥିଲେ। କିନ୍ତୁ ସାକ୍ଷୀ ଏକ ରୋମାଣ୍ଟିକ ପୋଷ୍ଟ ଶେୟାର କରିଥିଲେ। ଏହି ପୋଷ୍ଟରେ, ଧୋନୀଙ୍କ ସହିତ ତାଙ୍କର ୧୦ ବର୍ଷର ଯାତ୍ରା କିପରି ଥିଲା ତାହା ବର୍ଣ୍ଣନା କରିଛନ୍ତି ସାକ୍ଷୀ। ସେ କହିଛନ୍ତି, ଦଳଗତ କାର୍ଯ୍ୟ ହେତୁ ଆମେ ୧୦ବର୍ଷ ଏକାଠି ରହିଛୁ। ପରସ୍ପର ମଧ୍ୟରେ ଦୂରତା ଆମକୁ ପରିପକ୍ୱ କରିବାରେ ସାହାଯ୍ୟ କରିଛି। ବେଳେବେଳେ ପରସ୍ପର ପ୍ରତି ପାଗଳ ହେବା ଆମକୁ ଆଜି ନିକଟତର କରିଛି। ଆମେ କଦାପି ପରସ୍ପରକୁ କୌଣସି ଜିନିଷ ଉପରେ ବାଧ୍ୟ କରୁନାହୁଁ। ଜୀବନର ପ୍ରକୃତ ଆବଶ୍ୟକତା ଉପରେ ପ୍ରାଥମିକତା ଦେବା ପାଇଁ ଚେଷ୍ଟା କରୁ। ଏହାଦ୍ୱାରା ଆମ ଭିତରେ ସମ୍ପର୍କ ମଜଭୁତ ହୋଇଛି। ଉତ୍ଥାନ ପତନବେଳେ ସାଥୀ ହୋଇ ଚାଲିବା ହଁି ପ୍ରେମର ପ୍ରକୃତ ସଜ୍ଞା ବୋଲି ସାକ୍ଷୀ କହିଛନ୍ତି।
