ଧନତେରସ, ଦୀପାବଳିର ପ୍ରଥମ ଦିନ, ସୁନା ଓ ରୂପା କିଣିବା ପାଇଁ ଏକ ଶୁଭ ଅବସର ବୋଲି କୁହାଯାଏ। କିନ୍ତୁ ବଜାରରେ ଠିକ ଦାମରେ ଓ ଗୁଣବତ୍ତାଯୁକ୍ତ ସୁନା-ରୂପା କିଣିବା ପାଇଁ କିଛି ସରଳ ଉପାୟ ଜାଣିବା ଜରୁରୀ। ଏହି ଧନତେରସରେ ଆପଣଙ୍କୁ ଶସ୍ତା ଓ ଖାଣ୍ଟି ଜିନିଷ କିଣିବାରେ ସାହାଯ୍ୟ କରିବ।
ବଜାର ଦର ପୂର୍ବରୁ ଯାଞ୍ଚ କରନ୍ତୁ। ସୁନା ଓ ରୂପାର ଦାମ ପ୍ରତିଦିନ ବଦଳୁଛି। ତେଣୁ କିଣିବା ପୂର୍ବରୁ ଅନଲାଇନ ପୋର୍ଟାଲ କିମ୍ବା ଖବରକାଗଜ ମାଧ୍ୟମରେ ଆନ୍ତର୍ଜାତୀୟ ଓ ସ୍ଥାନୀୟ ବଜାର ଦର ଜାଣି ନିଅନ୍ତୁ। ଏହା ଆପଣଙ୍କୁ ଦୋକାନୀଙ୍କ ସହ ଦର ଦାମ କରିବାରେ ସାହାଯ୍ୟ କରିବ।
ହଲମାର୍କ ଓ ଶୁଦ୍ଧତା ଯାଞ୍ଚ କରନ୍ତୁ। ସୁନା କିଣୁଥିଲେ ବିଆଇଏସ (BIS) ହଲମାର୍କ ଥିବା ଅଳଙ୍କାର ନିଶ୍ଚିତ କରନ୍ତୁ। ୨୨ କ୍ୟାରେଟ କିମ୍ବା ୨୪ କ୍ୟାରେଟ ସୁନାର ଶୁଦ୍ଧତା ଯାଞ୍ଚ କରିବା ପାଇଁ ଦୋକାନୀଙ୍କୁ କ୍ୟାରେଟ ପରୀକ୍ଷା କରିବାକୁ କୁହନ୍ତୁ। ରୂପା ପାଇଁ ମଧ୍ୟ ୯୨୫ ହଲମାର୍କ ଦେଖନ୍ତୁ।
ମେକିଂ ଚାର୍ଜ ଓ ଅନ୍ୟାନ୍ୟ ଖର୍ଚ୍ଚ ବୁଝନ୍ତୁ। ସୁନା-ରୂପାର ମୂଲ୍ୟ ସହ ମେକିଂ ଚାର୍ଜ, ଜିଏସ୍ଟି ଓ ଅନ୍ୟାନ୍ୟ ଖର୍ଚ୍ଚ ଯୋଗ ହୁଏ। ମେକିଂ ଚାର୍ଜ ସାଧାରଣତଃ ୧୦-୨୫% ହୋଇଥାଏ। ଏହାକୁ କମ କରିବା ପାଇଁ ବିଭିନ୍ନ ଦୋକାନରେ ଦାମ ତୁଳନା କରନ୍ତୁ ଓ ଦର ଦାମ କରନ୍ତୁ।
ଅଫର ଓ ଡିସକାଉଣ୍ଟର ଲାଭ ଉଠାନ୍ତୁ। ଧନତେରସ ଅବସରରେ ଅନେକ ଜୁଏଲରୀ ଦୋକାନ ଓ ଅନ୍ଲାଇନ ପ୍ଲାଟଫର୍ମ ଡିସକାଉଣ୍ଟ ଓ କ୍ୟାସବ୍ୟାକ ଅଫର ଦେଇଥାନ୍ତି। ଏହାକୁ ପୂର୍ବରୁ ଯାଞ୍ଚ କରି ସବୁଠୁ ଲାଭଦାୟକ ଅଫର ବାଛନ୍ତୁ। ଅନଲାଇନ କିଣୁଥିଲେ ରିଟର୍ଣ୍ଣ ନୀତି ଓ ଶିପିଂ ଖର୍ଚ୍ଚ ବିଷୟରେ ଜାଣି ନିଅନ୍ତୁ।
ବିଲ ଓ ସାର୍ଟିଫିକେଟ ନିଶ୍ଚିତ ନିଅନ୍ତୁକିଣା ପରେ ସୁନା-ରୂପାର ଶୁଦ୍ଧତା ଓ ଓଜନ ଉଲ୍ଲେଖ ଥିବା ବିଲ ଓ ସାର୍ଟିଫିକେଟ ନିଅନ୍ତୁ। ଏହା ଭବିଷ୍ୟତରେ ବିକ୍ରି କିମ୍ବା ବଦଳାଇବା ସମୟରେ କାମରେ ଆସିବ।
ଅଳଙ୍କାର ବଦଳାଇବା ନୀତି ଜାଣନ୍ତୁ। ଅନେକ ଦୋକାନୀ ଧନତେରସ ଅବସରରେ ଅଳଙ୍କାର ବଦଳାଇବା କିମ୍ବା ଫେରାଇ ଦେବାର ସୁବିଧା ଦେଇଥାନ୍ତି। ଏହି ନୀତି ବିଷୟରେ ପୂର୍ବରୁ ଜାଣି ନିଅନ୍ତୁ, ଯାହା ଆପଣଙ୍କ କିଣାକୁ ଅଧିକ ନିରାପଦ କରିବ।
ବଜେଟ ର୍ନିଦ୍ଧାରଣ କରନ୍ତ। କିଣିବା ପୂର୍ବରୁ ନିଜର ବଜେଟ ଠିକ କରି ରଖନ୍ତୁ। ଅତ୍ୟଧିକ ଖର୍ଚ୍ଚ କରିବା ଏଡାଇବା ପାଇଁ କେବଳ ଆବଶ୍ୟକୀୟ ଜିନିଷ ଉପରେ ଧ୍ୟାନ ଦିଅନ୍ତୁ।ଏହି ଟ୍ରିକ୍ସ ଆପଣାଇ ଆପଣ ଧନତେରସରେ ସସ୍ତା ଓ ଖାଣ୍ଟି ସୁନା-ରୂପା କିଣି ପାରିବେ।
Dharitri – Odisha’s No.1 Trusted Odia Daily
