ଲଣ୍ଡନ,୨୯।୬: ଭାରତୀୟ କ୍ରିକେଟ୍ ଦଳର ଓପନର୍ ଶୁଭମନ ଗିଲ ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲରେ ବ୍ୟାଟ୍ସମ୍ୟାନ ଭାବେ ବିଫଳ ହୋଇଥାଇ ପାରନ୍ତି, କିନ୍ତୁ ଫିଲ୍ଡିଂ ପାଇଁ ତାଙ୍କୁ ନିଶ୍ଚିତ ଭାବେ ଏକ ବିଶେଷ ସମ୍ମାନ ମିଳିଛି। ଅନ୍ତର୍ଜାତୀୟ କ୍ରିକେଟ ପରିଷଦ ଦ୍ୱାରା ପ୍ଲେ ଅଫ ଟେଷ୍ଟ ଭାବରେ ତାଙ୍କର କ୍ୟାଚ ଚୟନ କରାଯାଇଛି। ନ୍ୟୁଜିଲାଣ୍ଡର ପ୍ରଥମ ଇନିଂସରେ ଗିଲ ରସ ଟେଲରଙ୍କ ଶ୍ରେଷ୍ଠ କ୍ୟାଚ ନେଇଥିଲେ। ଭୋଟ ଆଧାରରେ ଆଇସିସି ଶୁଭମନ ଗିଲଙ୍କୁ ପ୍ଲେ ଅଫ ଟେଷ୍ଟର ବିଜେତା ଘୋଷିତ କରିଛି। ଗିଲ ମହମ୍ମଦ ଶାମିଙ୍କ ବଲରୁ ରସ ଟେଲରଙ୍କ ଏକ ବଡ଼ କ୍ୟାଚ ନେଇଥିଲେ। ଟେଲର ଶାମିଙ୍କ ବଲ୍ରୁ ଏକ ଡ୍ରାଇଭ ଖେଳିଥିଲେ ଏବଂ କଭର୍ ଉପରେ ଫିଲ୍ଡି କରୁଥିବା ଗିଲ କ୍ୟାଚ୍ ଧରିଥିଲେ। ଆଇସିସି ଏହାର ଟୁଇଟର ହ୍ୟାଣ୍ଡେଲରେ ସେହି କ୍ୟାଚର ଭିଡିଓ ମଧ୍ୟ ଟୁଇଟ୍ କରିଛି।
ସୂଚନାଯୋଗ୍ୟ ଯେ, ଶୁଭମନ ଗିଲ ବିଶ୍ୱ ଟେଷ୍ଟ ଚାମ୍ପିଅନସିପର ଉଭୟ ଇନିଂସରେ ଫ୍ଲପ ବୋଲି ପ୍ରମାଣିତ ହୋଇଥିଲେ। ପ୍ରଥମ ଇନିଂସରେ ସେ ୨୮ ରନ ସ୍କୋର କରିଥିଲେ। କ୍ରିଜରେ ସେଟ ହେବା ପରେ ସେ ଅଉଟ୍ ହୋଇଥିଲେ। ଦ୍ୱିତୀୟ ଇନିଂସରେ ଗିଲ କେବଳ ୮ ରନ ସ୍କୋର କରିଥିଲେ। ଅଷ୍ଟ୍ରେଲିଆ ଗସ୍ତ ପରଠାରୁ ଶୁବମାନ ଗିଲ ବହୁତ ଖରାପ ଫର୍ମରେ ଅଛନ୍ତି। ଇଂଲଣ୍ଡ ବିପକ୍ଷ ଘରୋଇ ସିରିଜରେ ୪ ଟି ଟେଷ୍ଟ ମ୍ୟାଚରେ ଗିଲ ମାତ୍ର ୧୧୯ ରନ ସଂଗ୍ରହ କରିଥିଲେ। ଗିଲଙ୍କ ବ୍ୟାଟିଂ ହାରାହାରି ୧୯.୮୩ ଥିଲା ଏବଂ ତାଙ୍କ ବ୍ୟାଟରୁ ମାତ୍ର ଗୋଟିଏ ଅର୍ଦ୍ଧଶତକ ଆସିଥିଲ। ଏହା ପରେ, ଗିଲ ଆଇପିଏଲ ୨୦୨୧ରେ ମଧ୍ୟ ବହୁତ ଖରାପ ପ୍ରଦର୍ଶନ କରିଥିଲେ। ସେ କେକେଆର ପକ୍ଷରୁ ହାରାହାରି ୧୮.୮୫ରେ ୭ଟି ମ୍ୟାଚରେ ମାତ୍ର ୧୩୨ ରନ ସଂଗ୍ରହ କରିଥିଲେ।