ଦୁନିଆର ଅନେକ ଲୋକ ଖୁସିରେ ଜୀବନଯାପନ କରିବାକୁ ପସନ୍ଦ କରିଥାନ୍ତି। କିଛି ଲୋକ ଭ୍ରମଣ କରି ସାରା ଦୁନିଆ ଦେଖିବାକୁ ଚାହିଁଥାନ୍ତି। ଏପରି ଲୋକଙ୍କ ପାଇଁ ବସ୍ଯାତ୍ରା ଅତ୍ୟନ୍ତ ସ୍ବତନ୍ତ୍ର ହୋଇପାରେ। ଏହି ଯାତ୍ରା ଗୋଟିଏ ସହରରୁ ଅନ୍ୟ ସହରକୁ ନୁହେଁ, ଗୋଟିଏ ଦେଶରୁ ଅନ୍ୟ ଦେଶକୁ କରାଯାଉଛି। ଆପଣ ଜାଣନ୍ତି କି ଦିଲ୍ଲୀରୁ ଲଣ୍ଡନ ପର୍ଯ୍ୟନ୍ତ ବସ୍ ଯାତ୍ରା କରୁଛି। ତେବେ ମନରେ ପ୍ରଶ୍ନ ଉଠୁଥିବ ଏହା କେତେଦିନରେ ପହଞ୍ଚୁଛି ଆଉ କେମିତି ହୋଇଥାଏ ଏହି ଯାତ୍ରା। ତେବେ ଜାଣନ୍ତୁ ଏ ସମ୍ପର୍କରେ…
ଆଡଭେଞ୍ଚର ଓଭରଲ୍ୟାଣ୍ଡ ନାମକ କମ୍ପାନୀର ବସ୍ ଦିଲ୍ଲୀରୁ ଲଣ୍ଡନ ମଧ୍ୟରେ ଚାଲୁଛି। ଏହି ବସ୍ରେ ଯାତ୍ରା କରିବା ପାଇଁ ୧୮ଟି ଦେଶ ପାର ହେବାକୁ ପଡ଼େ। ୨୦,୦୦୦ କିଲୋମିଟର ଯାତ୍ରା କରୁଥିବା ଏହି ବସ୍ ୭୦ ଦିନରେ ଲଣ୍ଡନରେ ପହଞ୍ଚୁଛି।
ଏହି ବସ୍ରେ ଯାତ୍ରା କରୁଥିବା ଲୋକମାନେ ଆଶ୍ଚର୍ଯ୍ୟଜନକ ଅନୁଭବ କରନ୍ତି। ବସ୍ରେ ଯିବାବେଳେ ରାସ୍ତାରେ ଅନେକ ସୁନ୍ଦର ଦୃଶ୍ୟରାଜି ଏବଂ ପର୍ଯ୍ୟଟନ ସ୍ଥାନ ଦେଖିବାକୁ ମିଳେ। ଯାହା ଏହି ଯାତ୍ରାକୁ ଆହୁରି ସ୍ମରଣୀୟ କରିଥାଏ। ରୁଷିଆ, ପୋଲାଣ୍ଡ, ଜର୍ମାନୀ, ବେଲଜିୟମ ଭଳି ଦେଶ ସମେତ ଅନେକ ଦେଶରେ ଏହି ବସ୍ ଅଟକି ରହିଥାଏ। କାଜାକିସ୍ତାନ, ଚାଇନା, ମ୍ୟାନମାର୍, ଲାଓସ ଏବଂ ଥାଇଲ୍ୟାଣ୍ଡ ଭଳି ଦେଶ ଏହି ଯାତ୍ରା ମଧ୍ୟରେ ପଡ଼ିଥାଏ। ପ୍ରତ୍ୟେକ ବ୍ୟକ୍ତିଙ୍କ ପାଇଁ ବସ୍ ଭଡ଼ା ବାବଦକୁ ୧୫ ଲକ୍ଷ ଟଙ୍କାକୁ ଦେବାକୁ ପଡ଼ିଥାଏ।
ବସ୍ ମଧ୍ୟ ଭାରତରୁ ସିଙ୍ଗାପୁର ପର୍ଯ୍ୟନ୍ତ ଚାଲିଥାଏ। ବସ୍ର ଓ୍ବେବ୍ସାଇଟ୍ରେ କୁହାଯାଇଛି, ଯାତ୍ରା ସମୟରେ ଲୋକମାନେ ମ୍ୟାନ୍ମାରର ସ୍ବତନ୍ତ୍ର ପାଗୋଡ଼ା ବିଲ୍ଡିଂ ଦେଖିବାକୁ ପାଇବେ। ଚେଙ୍ଗଡୁରେ ଏକ ସ୍ବତନ୍ତ୍ର ପ୍ରଜାତିର ବୃହତ ପାଣ୍ଡା ଦେଖାଯିବ। ଲୋକମାନେ ଚାଇନାର ମହାନ ପ୍ରାଚୀରରେ ବୁଲିବାକୁ ଯାଇପାରିବେ ଏବଂ ଉଜବେକିସ୍ତାନର ତାସକେଣ୍ଟ, ବୁଖାରା ପରି ଐତିହାସିକ ସହରଗୁଡ଼ିକ ମଧ୍ୟ ଦେଖିପାରିବେ। ଲୋକମାନେ ପ୍ରାଗା, ବ୍ରୁସେଲ୍ସ, ଫ୍ରାଙ୍କଫର୍ଟ ପରି ସହର ପରିଦର୍ଶନ କରିପାରିବେ। କମ୍ପାନୀର ପ୍ରତିଷ୍ଠାତା ସଞ୍ଜୟ ମଦନ ଏବଂ ତୁଷାର ଅଗ୍ରଓ୍ବାଲ କହିଛନ୍ତି, ସମସ୍ତ କାଗଜପତ୍ର ଏବଂ ଅନୁମତି ସେହି ଲୋକମାନଙ୍କ ଦ୍ୱାରା ନିଆଯାଏ ଯାହାଦ୍ୱାରା ଯାତ୍ରା କରୁଥିବା ଲୋକମାନଙ୍କୁ ଏହି ଜିନିଷ ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ଏହି କମ୍ପାନୀର ଏକ ବସ୍ ମଧ୍ୟ ଭାରତ ଏବଂ ସିଙ୍ଗାପୁର ମଧ୍ୟରେ ଚାଲୁଛି। ୨୦ ମଧ୍ୟରେ ୫ଟି ଦେଶ ଦେଇ ଏହି ଯାତ୍ରା ଶେଷ ହୋଇଥାଏ।