ନୂଆଦିଲ୍ଲୀ,୨୬।୮: ଦିଲ୍ଲୀରେ ବର୍ତ୍ତମାନ ରାଜନୈତିକ ଉଷ୍ମତା ସରଗରମ ରହିଛି। ଅଗଷ୍ଟ ୨୯ରେ ଅରବିନ୍ଦ କେଜ୍ରିଓ୍ବାଲଙ୍କ ସରକାର ଦିଲ୍ଲୀ ବିଧାନସଭାରେ ଆସ୍ଥା ପ୍ରସ୍ତାବ ଆଣିବେ। ଏନେଇ ବିଧାନସଭାର ସ୍ବତନ୍ତ୍ର ଅଧିବେଶନକୁ ଆଉ ଗୋଟିଏ ଦିନ ବୃଦ୍ଧି କରିବାକୁ ଶୁକ୍ରବାର ସରକାରଙ୍କ ପକ୍ଷରୁ ନିଷ୍ପତ୍ତି ନିଆଯାଇଛି। ଏଥିରେ ଦିଲ୍ଲୀରେ ଏଏପି ଏବଂ ଭାଜପା ମଧ୍ୟରେ ଜାରି ରହିଥିବା ଆରୋପ ପ୍ରତ୍ୟାରୋପ ରାଜନୀତିରେ ଅବସାନ ଘଟାଇବାକୁ ଏହି ନିଷ୍ପତ୍ତି ନିଆଯାଇଛି। ଅନ୍ୟପଟେ କେଜ୍ରିଓ୍ବାଲ କହିଛନ୍ତି ଯେ, ବିଧାନସଭାରେ ଏଏପି ସରକାର ପକ୍ଷରୁ ଆସ୍ଥା ପ୍ରସ୍ତାବ ଆଣିବାକୁ ସ୍ଥିର କରାଯାଇଛି। ଦଳରେ ଜଣେ ବ୍ୟକ୍ତି ହୀରା ଥିବା ତାକୁ ଭାଙ୍ଗିବାକୁ ଅନେକ ପ୍ରୟାସ କରାଯାଉଥିବା କହି କେଜ୍ରିଓ୍ବାଲ ଭାଜପାକୁ ଟାର୍ଗେଟ କରିଛନ୍ତି। ଦିଲ୍ଲୀରେ ଭାଜପାର ଅପରେଶନ ଲୋଟସ୍ ବିଫଳ ହୋଇଛି। ଜନସାଧାରଣ ପ୍ରଶ୍ନ କରୁଛନ୍ତି ଯେ, ଏଏପିରେ କେତେଜଣ ବିଧାୟକ ରହିଛନ୍ତି। ତେବେ ଦଳରେ ସମସ୍ତ ବିଧାୟକ ରହିଛନ୍ତି ବୋଲି ଦାବି କରିବା ସହ ଦିଲ୍ଲୀବାସୀଙ୍କୁ ବିଶ୍ୱାସ ଦେବା ପାଇଁ ଦଳ ପକ୍ଷରୁ ଏହିି ନିଷ୍ପତ୍ତି ନିଆଯାଇଛି ବୋଲି ଅରବିନ୍ଦ କେଜ୍ରିଓ୍ବାଲ କହିଛନ୍ତି।
