କ୍ରିକେଟର ସବୁଠାରୁ ଛୋଟ ଫର୍ମାଟ ଟି -୨୦ ରେ ଦ୍ୱିଶତକ ହାସଲ କରିବା କ୍ରୀଡ଼ା ପ୍ରେମୀଙ୍କୁ ଆଶ୍ଚର୍ଯ୍ୟ କରିପାରେ। କିନ୍ତୁ ଦିଲ୍ଲୀର କ୍ରିକେଟର ସୁବୋଧ ଭାଟି ଏପରି କାର୍ଯ୍ୟ କରିଛନ୍ତି। ଏହି ପ୍ରଦର୍ଶନ ସହିତ ସେ ଅନେକ କ୍ରିକେଟ ପ୍ରେମୀଙ୍କ ଦୃଷ୍ଟି ଆକର୍ଷଣ କରିଥିବା ଜଣାପଡିଛି। ସେ ସିମ୍ବା ଦଳ ବିପକ୍ଷ ଟି -୨୦ ମ୍ୟାଚରେ ଦ୍ୱିଶତକ ହାସଲ କରି ଅପରାଜିତ ୨୦୫ ସ୍କୋର କରିଥିଲେ। କ୍ଲବ ଟି -୨୦ ମ୍ୟାଚରେ ଖେଳୁଥିବା ସୁବୋଧ ଅପରାଜିତ ୨୦୫ ସ୍କୋର କରିଥିଲେ। ତାଙ୍କ ଇନିଂଶର ବିଶେଷତ୍ୱ ଥିଲା ଯେ ସେ କେବଳ ୧୭ ବଲରେ ୧୦୨ରନ ସ୍କୋର କରିଥିଲେ, ଅର୍ଥାତ୍ ସେ ୧୭ ବଲରେ ୧୭ଟି ଛକା ମାରିଥିଲେ। ଏହା ବ୍ୟତୀତ ସେ ୭୯ ବଲ୍ ଖେଳି ମାତ୍ର ୧୭ ଚୌକା ମାରିଥିଲେ।
ରଣଜୀ କ୍ରିକେଟର ସୁବୋଧଙ୍କ ଦଳ ମୋଟ ୨୫୬ ରନ ସ୍କୋର କରିଥିଲା। ସେ ବିପକ୍ଷ ଦଳର ବୋଲରମାନଙ୍କୁ ପ୍ରହାର କରି ୨୫୦ରୁ ଅଧିକ ଷ୍ଟ୍ରାଇକ ହାରରେ ବ୍ୟାଟିଂ କରିଥିଲେ। ୨୦ ଓଭରରେ ଗୋଟିଏ ଉଇକେଟ ହରାଇ ସୁବୋଧଙ୍କ ଦଳ ୨୫୬ ସ୍କୋର କରିଥିଲା। ସୁବୋଧଙ୍କ ଅବଦାନ ୨୦୧ ରନ ହୋଇଥିବାବେଳେ ଅନ୍ୟ ଦୁଇ ବ୍ୟାଟ୍ସମ୍ୟାନ ମୋଟ ୩୧ରନ ଯୋଡିଥିଲେ।
ଟି -୨୦ ଫର୍ମାଟର କିମ୍ବଦନ୍ତୀ କ୍ରିସ୍ ଗେଲ ଆଇପିଏଲରେ ୬ଟି ଶତକ ହାସଲ କରିଥିବାବେଳେ ବିରାଟ କୋହଲି ଲିଗରେ ୫ ଶତକ ହାସଲ କରିଛନ୍ତି। ଏହାପୂର୍ବରୁ ସୁବୋଧ ଘରୋଇ ଟୁର୍ନାମେଣ୍ଟରେ ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦିଲ୍ଲୀ ଦଳ ପାଇଁ ଅନେକ ମ୍ୟାଚ ଜିତିଛନ୍ତି।
