ନୂଆଦିଲ୍ଲୀ,୧୭।୪: Ipl 2025ରେ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଏକ ମ୍ୟାଚ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯାଇଛି। ଏହି ମ୍ୟାଚ୍ରେ ଦିଲ୍ଲୀ ସୁପର ଓଭରରେ ରାଜସ୍ଥାନକୁ ପରାସ୍ତ କରିଥିଲା। ଏହା ସୁପର ଓଭରରେ ଦିଲ୍ଲୀର ଚତୁର୍ଥ ବିଜୟ।
ଦିଲ୍ଲୀ ସୁପର ଓଭରରେ ସର୍ବାଧିକ ମ୍ୟାଚ ଜିତିଥିବା ଦଳ ପାଲଟିଛି। ଦିଲ୍ଲୀ ପଞ୍ଜାବ କିଙ୍ଗ୍ସର ରେକର୍ଡ ଭାଙ୍ଗିଛନ୍ତି। ଆଇପିଏଲରେ ପଞ୍ଜାବ ତିନୋଟି ସୁପର ଓଭର ମ୍ୟାଚ ଜିତିଛି।
ମୁମ୍ବାଇ ଇଣ୍ଡିଆନ୍ସ, ରାଜସ୍ଥାନ ରୟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ସୁପର ଓଭରରେ ଦୁଇଟି ଲେଖାଏ ମ୍ୟାଚ ଜିତିଛନ୍ତି। ଏହି ମ୍ୟାଚ୍ରେ ଦିଲ୍ଲୀ ଆଉ ଏକ ରେକର୍ଡ ସୃଷ୍ଟି କରିଛି। ଦିଲ୍ଲୀ ମଧ୍ୟ IPLରେ ୫ଟି ଟାଇ ମ୍ୟାଚ ଖେଳିଥିବା ପ୍ରଥମ ଦଳ ହୋଇଛି।
ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଦିଲ୍ଲୀ ୨୦ ଓଭରରେ ୫ ଉଇକେଟ ହରାଇ ୧୮୮ ରନ କରିଥିଲା। ଦିଲ୍ଲୀ ପକ୍ଷରୁ ଅଭିଷେକ ପୋରେଲ ୪୯, କେଏଲ ରାହୁଲ ୩୮, ଅକ୍ଷର ପଟେଲ ଏବଂ ଟ୍ରିଷ୍ଟାନ ଷ୍ଟବସ ୩୪-୩୪ ରନ କରିଥିଲେ।
ଟାର୍ଗେଟର ପିଛା କରୁଥିବା ରାଜସ୍ଥାନ ୨୦ ଓଭରରେ ୯ ଉଇକେଟ ହରାଇ କେବଳ ୧୮୮ ରନ କରିପାରିଥିଲା। ରାଜସ୍ଥାନ ପାଇଁ ଯଶସ୍ବୀ ଜୟସ୍ବାଲ ଏବଂ ନୀତୀଶ ରାଣା ଅର୍ଦ୍ଧଶତକ ହାସଲ କରିଥିଲେ। ଏହା ପରେ, ସୁପର ଓଭରରେ, ରାଜସ୍ଥାନ ପ୍ରଥମେ ବ୍ୟାଟିଂ କରି ୧୧ ରନ କରିଥିଲା।
ଟାର୍ଗେଟର ପିଛା କରୁଥିବା ରାଜସ୍ଥାନ ୨୦ ଓଭରରେ ୯ ଉଇକେଟ ହରାଇ କେବଳ ୧୮୮ ରନ କରିପାରିଥିଲା। ରାଜସ୍ଥାନ ପାଇଁ ଜୟସ୍ବାଲ ଏବଂ ନୀତୀଶ ରାଣା ଅର୍ଦ୍ଧଶତକ ହାସଲ କରିଥିଲେ। ଏହା ପରେ, ସୁପର ଓଭରରେ, ରାଜସ୍ଥାନ ପ୍ରଥମେ ବ୍ୟାଟିଂ କରି ୧୧ ରନ କରିଥିଲା।
ଦିଲ୍ଲୀ ମାତ୍ର ଚାରି ବଲ୍ରେ ୧୨ ରନ କରି ମ୍ୟାଚ ଜିତିଥିଲା। ଚଳିତ ସିଜିନରେ ଏହା ଦିଲ୍ଲୀର ୬ ମ୍ୟାଚ ମଧ୍ୟରୁ ୫ମ ବିଜୟ। ଦିଲ୍ଲୀ ଏବେ ୧୦ ପଏଣ୍ଟ ସହିତ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି।
