ଫୁଲବାଣୀ,୩୧।୩(ରାକେଶ କୁମାର ରାଉତ)କନ୍ଧମାଳ ଜିଲାର ବହୁ ପ୍ରତୀକ୍ଷିତ ମେଡିକାଲ କଲେଜ ନିର୍ମାଣରେ ବ୍ୟାପକ ତ୍ରୁଟି ପରିଲକ୍ଷିତ ହୋଇଛି ା କେହି ତ୍ରୁଟି କଲେ କାଳେ କିଏ ଧରିବ, ତାହାକୁ ନଜରରେ ରଖି ନିର୍ମାଣାଧୀନ ମେଡିକାଲ କଲେଜ ପରିସରକୁ କାହାରିକୁ ଛଡ଼ାଯାଉନି। ଏପରିକି ଗଣମାଧ୍ୟମକୁ ମଧ୍ୟ ନିର୍ମାଣକାରୀ ସଂସ୍ଥା ଭିତରକୁ ଛାଡୁନାହିଁ ା କହିଲେ ଗୁଣ୍ଡା ଲଗେଇ ମାରିବାକୁ ଧମକ ଦେଉଛନ୍ତି। ପୂର୍ବରୁ ମେଡିକାଲ ସମ୍ମୁଖରେ ଏଠାରେ ଫଟୋଗ୍ରାଫି ଏବଂ ଭିଡିଓ ରେକର୍ଡିଂ ମନା ବୋଲି ଏକ ବୋର୍ଡ ମାରିଥିଲେ। ଏ ନେଇ ଗଣମାଧ୍ୟମ ପ୍ରତିନିଧି ପୂର୍ତ୍ତ ବିଭାଗକୁ ଜଣାଇବାରୁ ସେହି ଲେଖାକୁ ତ ହଟେଇ ଦେଲେ, ହେଲେ ଭିତରକୁ ଛାଡ଼ିବାକୁ ମନା କଲେ। କହୁଛନ୍ତି, ଆମକୁ ମୁଖ୍ୟଯନ୍ତ୍ରୀ ମନା କରିଛନ୍ତି। କିନ୍ତୁ ଏ ନେଇ ସେମାନେ କୌଣସି ଲିଖିତ ନିର୍ଦ୍ଦେଶନାମା ଦେଖାଇ ପାରୁନାହାନ୍ତି। ମେଡିକାଲ କଲେଜର ନିର୍ମାଣ ଯେଉଁ ହିସାବରେ ହେବା କଥା ସେପରି ହେଉନାହିଁ ା ନିର୍ମାଣାଧୀନ କୋଠାକୁ ବାଲିରେ ଫିଲିଂ କରିବାକୁ ଏମ୍ଓୟୁରେ ସ୍ପଷ୍ଟ ଉଲ୍ଲେଖ ରହିଛି। ହେଲେ ବାଲି ବଦଳରେ ସେଠାରେ ମାଟି ପକାଯାଇ ସାନ୍ଧି ଦିଆଯାଉଛି। ଏହା ଧରାପଡ଼ିବ ବୋଲି ନିର୍ମାଣାଧୀନ ସଂସ୍ଥା ଗଣମାଧ୍ୟମକୁ ଭିତରକୁ ଛାଡୁ ନାହିଁ। ସେହିପରି ପିଲରରେ ଏଷ୍ଟିମେଟ ମୁତାବକ ରଡ଼ ଦିଆଯାଉନାହିଁ। ବାଲି, ସିମେଣ୍ଟ ମିଶ୍ରଣ କଥା ନ କହିବା ଭଲ ବୋଲି ସେଠାରେ କାମ କରୁଥିବା କେତେକ ଠିକା ସଂସ୍ଥାର ମିସ୍ତ୍ରିମାନେ କହିଛନ୍ତି ା ସେମାନଙ୍କ କହିବା ମୁତାବକ, ଏହାର ଭିଜିଲାନ୍ସ ତଦନ୍ତ ଆବଶ୍ୟକ ା ୫୦୦ କୋଟିରୁ ଆସି ୭୦୦ କୋଟି। ଏହା ପରେ ଆହୁରି କେତେ କୋଟି ଟଙ୍କା ନିର୍ମାଣ ବାବଦରେ ବଢ଼ିଛି, କିନ୍ତୁ ଏଠି ଲୁଟତରାଜ ଚାଲିଛି ବୋଲି କହିଛନ୍ତି ା
ଏହି ଘଟଣା ସଂକ୍ରାନ୍ତରେ ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀ ଅମିତ କୁମାର ଟୁଡୁଙ୍କ ଦୃଷ୍ଟି ଆକର୍ଷଣ କରିଥିଲୁ। ସେ ସ୍ପଷ୍ଟ ଭାବେ କହିଥିଲେ ଯେ, ସେଠାକୁ ଗଣମାଧ୍ୟମ ଯିବାରେ କୌଣସି ଅସୁବିଧା ନାହିଁ ା ଫଟୋଗ୍ରାଫି କି ଭିଡିଓ କରିବାରେ କୌଣସି ସମସ୍ୟା ନାହିଁ ା ଏହି କଥା ପରେ ନିର୍ମାଣାଧୀନ ସଂସ୍ଥା ସେଠାରେ ମାରିଥିବା ନୋ ଫଟୋଗ୍ରାଫି, ଭିଡିଓ ପୋଷ୍ଟକୁ ହଟାଇ ଦେଇଥିଲେ, ହେଲେ ଭିତରକୁ ଛାଡ଼ି ନ ଥିଲେ ା ଘଟଣା ସମ୍ପର୍କରେ ଜିଲାପାଳ ଆଶିଷ ଈଶ୍ୱର ପାଟିଲଙ୍କୁ ପଚାରିବାରୁ ଗଣମାଧ୍ୟମ ଯିବାରେ କିଛି ଅସୁବିଧା ନାହିଁ ା କ’ଣ ହୋଇଛି ମୁଁ ନିର୍ବାହୀ ଯନ୍ତ୍ରୀ ଟୁଡୁଙ୍କୁ ପଚାରି କହିବି ବୋଲି ସେ କହିଛନ୍ତି।
କଥା ଉଠୁଛି, ପାଖାପାଖି ୧୦୦୦ କୋଟି ଯାଏ ମେଡିକାଲ କଲେଜ ନିର୍ମାଣ ବାବଦରେ ଅର୍ଥ ପର୍ଯ୍ୟାୟକ୍ରମେ ମଞ୍ଜୁର ହେଲାଣି ା ଏହା ଲୋକମାନଙ୍କ ଟଙ୍କାା ହେଲେ ନିର୍ମାଣାଧୀନ ସଂସ୍ଥା କାହିଁକି ଗଣମାଧ୍ୟମକୁ ଛାଡ଼ିବ ନାହିଁ ବୋଲି ବହୁ ସାମାଜିକ କର୍ମୀ ପ୍ରକାଶ କରିଛନ୍ତି।
ସୂଚନାଯୋଗ୍ୟ, ୨୦୧୯ ଅକ୍ଟୋବର ୧୬ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କନ୍ଧମାଳ ଜିଲାରେ ୫୦୦ ଶଯ୍ୟା ଏବଂ ୧୦୦ ସିଟ୍ ବିଶିଷ୍ଟ ମେଡିକାଲ କଲେଜ ଖୋଲିବାକୁ ଘୋଷଣା କରିଥିଲେ। ୨୦୨୧ ଏପ୍ରିଲ ୨ରେ କନ୍ଧମାଳ ଜିଲା ଦିନିକିଆ ଗସ୍ତରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର, ସେତେବେଳର ୫-ଟି ସଚିବ ଭି.କେ. ପାଣ୍ଡିଆନ୍ଙ୍କ ସମେତ ଏକ ୪ ଜଣିଆ ଟିମ୍ ଆସି ପ୍ରସ୍ତାବିତମେଡିକାଲ କଲେଜ କାର୍ଯ୍ୟର ଅଗ୍ରଗତି ସମ୍ପର୍କରେ ତଦାରଖ କରିଥିଲେ।
