ମୁମ୍ବାଇ: ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଓ ପତି ରଣବୀର ସିଂ ସବୁବେଳେ ପରସ୍ପରକୁ ଖୁବ୍ ଭଲପାଇବା ଦେଉଥିବା ଦେଖାଯାଇଥାଏ । ନିକଟରେ ଦୀପିକା ତାଙ୍କ ପିତା ତଥା ପୂର୍ବତନ ବ୍ୟାଡମିଣ୍ଟନ ଖେଳାଳି ପ୍ରକାଶ ପାଦୁକୋନ ଓ ପତି ରଣବୀର ସିଂଙ୍କ ସହ ଏକ କାର୍ଯ୍ୟକ୍ରମରେ ପହଞ୍ଚିଥିଲେ । ଏହି ସମୟରେ ଦୀପିକା ବ୍ଲାକ କଲର ଶାଢି ପିନ୍ଧିଥିବା ବେଳେ ରଣବୀର ଶୁଟରେ ଖୁବ୍ ସ୍ମାର୍ଟ ଲାଗୁଥିଲେ । ଏହି ଇଭେଣ୍ଟରେ ଦୀପିକା-ରଣବୀରଙ୍କ ଏଣ୍ଟ୍ରିର ଭିଡିଓ ଏବେ ଭାଇରାଲ ହେବାରେ ଲାଗିଛି । ଏଥିରେ ପ୍ରକାଶ ପାଦୁକୋନ ବି ନଜର ଆସିଛନ୍ତି । ହେଲେ ଏହି ଭିଡିଓ ଦେଖିବା ପରେ ପ୍ରଶଂସକମାନେ କହୁଛନ୍ତି ନିଶ୍ଚିତ ଭାବେ ଦୀପିକା-ରଣବୀରଙ୍କ ମଧ୍ୟରେ କିଛି ଘଟିଛି ।
ଇଣ୍ଡିଆନ ସ୍ପୋର୍ଟର୍ସ ଅନର୍ସ ଇଭେଣ୍ଟରେ ଦୀପିକା ଓ ରଣବୀର ଏଣ୍ଟ୍ରି କରିବା ସମୟରେ ପ୍ୟାପରାଜି ତାଙ୍କୁ ଘେରି ଯାଇଥିଲେ । ଭିଡିଓରେ ଦେଖିବାକୁ ମିଳିଛି କି ରଣବୀର ଦୀପିକାଙ୍କ ହାତ ଧରିବାକୁ ଚେଷ୍ଟା କରୁଥିଲେ ବି ଦୀପିକା ତାଙ୍କ ହାତ ନ ଧରି ବରଂ ନିଜର ଶାଢିକୁ ସମ୍ଭାଳିବାରେ ବ୍ୟସ୍ତ ଥିଲେ । ଆଉ ଲାଗୁଥିଲା ଦୀପିକା ଯେମିତି ରଣବୀରଙ୍କୁ ଇଗନୋର କରୁଛନ୍ତି । ଏହି ଭିଡିଓ ଦେଖିବା ପରେ ପ୍ରଶଂସକମାନେ ନାନ ପ୍ରକାରର କମେଣ୍ଟ କରିଛନ୍ତି । କେହି କେହି ଲେଖିଛନ୍ତି ଆଜି ନିଶ୍ଚିତ ଭାବେ ଦୀପିକା ଓ ରଣବୀରଙ୍କ ମଧ୍ୟରେ କିଛି ଘଟିଛି । ଆଉ କିଏ ଲେଖିଛି ଦୀପିକା ସବୁବେଳେ ହୁଏତ ଜଣଙ୍କ ହାତ ଧରିବାକୁ ପସନ୍ଦ କରୁ ନାହାନ୍ତି ।
ଆଉ କେତେଜଣ ପ୍ରଶଂସକ ଦୀପିକାଙ୍କୁ ବଞ୍ଚାଇବାକୁ ଯାଇ ଲେଖିଛନ୍ତି, ଅସଲ କଥା ହେଲା ଦୀପିକା ତାଙ୍କ ଶାଢିକୁ ସମ୍ଭାଳିବାରେ ଏତେ ବ୍ୟସ୍ତ ହୋଇଯାଇଛନ୍ତି ଯେ ରଣବୀର ପାଖରେ ଥିଲେ ବି ସେ ତାଙ୍କ ଆଡକୁ ଦେଖିନାହାନ୍ତି ।
