ଲକ୍ଷ୍ନୌ,୨।୩: ଉତ୍ତରପ୍ରଦେଶର ହାଥରସରେ ଅବସ୍ଥିତ ବୁଲଗଢି ଗଣବଳାତ୍କାର ମାମଲାରେ ଗୁରୁବାର ଏକ ବଡ଼ ନିଷ୍ପତ୍ତି ନିଆଯାଇଛି। ଏହି ମାମଲାରେ କୋର୍ଟ ଜଣଙ୍କୁ ଦୋଷୀ ସାବ୍ୟସ୍ତ କରିଥିବାବେଳେ ୩ ଜଣଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ଏସସି-ଏସଟି କୋର୍ଟର ସ୍ବତନ୍ତ୍ର ଜଜ ତ୍ରିଲୋକପାଲ ଏହି ରାୟ ଦେଇଛନ୍ତି। କିଛି ସମୟ ଭିତରେ ଅଭିଯୁକ୍ତଙ୍କୁ ଦଣ୍ଡ ଘୋଷଣା କରାଯିବ।
ସୂଚନାଯୋଗ୍ୟ, ୧୪ ସେପ୍ଟେମ୍ବର ୨୦୨୦ରେ ହାଥରସରେ ଜଣେ ଦଲିତ ଝିଅଙ୍କୁ କିଛି ଯୁବକଙ୍କୁ ବଳାତ୍କାର କରିଥିଲେ। ଏହା ପରେ ଝିଅଟିକୁ ଗୁରୁତର ଅବସ୍ଥାରେ ଦିଲ୍ଲୀର ସଫଦରଗଞ୍ଜ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଏହି ଘଟଣାର ପ୍ରାୟ ୧୫ ଦିନ ପରେ ଅର୍ଥାତ୍ ସେପ୍ଟେମ୍ବର ୨୯ରେ ପୀଡିତାଙ୍କ ମୃତ୍ୟୁ ହୋଇଥିଲା। କୋର୍ଟ ତାଙ୍କ ନିଷ୍ପତ୍ତିରେ ଲବ-କୁଶ, ରାମୁ ଏବଂ ରବି ନାମକ ଅଭିଯୁକ୍ତକୁ ନିର୍ଦ୍ଦୋଷରେ ଖଲାସ କରିଛନ୍ତି। ତେବେ କୋର୍ଟ ଜଣେ ଅଭିଯୁକ୍ତ ସନ୍ଦୀପଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ୩୦୪ ଏବଂ ଏସସି ଏସଟି ଆକ୍ଟ ଅନୁଯାୟୀ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଛନ୍ତି। କୋର୍ଟର ଏହି ନିଷ୍ପତ୍ତିରେ ପୀଡିତାଙ୍କ ପରିବାର ଆପତ୍ତି କରିଛନ୍ତି। ଏଥି ସହ ପୀଡିତାଙ୍କ ପରିବାର ବୁଲଗଢି କୋର୍ଟର ଏହି ନିଷ୍ପତ୍ତି ବିରୋଧରେ ହାଇକୋର୍ଟ ଯିବେ ବୋଲି କହିଛନ୍ତି।
