କେସିଙ୍ଗା,୧।୧୨(ତୁମେଶ୍ୱର ସାହୁ):ଭବାନୀପାଟଣା ନିର୍ବାଚନ ମଣ୍ଡଳୀର କଂଗେସ ବିଧାୟକ ସାଗର ଦାସଙ୍କୁ ହତ୍ୟା ଧମକ ଦିଆଯାଇଛି। ଦେପୂର ଜୋନର କଂଗ୍ରେସ ସଭାପତି ଦେବାନନ୍ଦ ଯୋଶୀଙ୍କୁ ମାଧ୍ୟମରେ ଏହି ଧମକ ଦିଆଯାଇଛି। କେସିଙ୍ଗା ଟାଉନ ସଭାପତି ସୁବାଷ ଜୈନଙ୍କ ନେତୃତ୍ୱରେ ଥାନା ସମ୍ମୁଖରେ ଏକ ପ୍ରତିବାଦ ସଭା ସୋମବାର ଅନୁଷ୍ଠିତ ହୋଇଛି। ଜିଲା ଆରକ୍ଷୀ ଅଧିକ୍ଷଙ୍କ ଉଦ୍ଦେଶ୍ୟରେ ଆଇ.ଆଇ.ସିଙ୍କ ଜରିଆରେ ଏକ ଦାବିପତ୍ର ପ୍ରଦାନ କରାଯାଇଛି। ବିଧାୟକଙ୍କୁ ହତ୍ୟା ଧମକ ଦେଇଥିବା ଦୁବୃର୍ତ୍ତମାନଙ୍କୁ ଯଥା ଶୀଘ୍ର ଗିରଫ କରିବା ପାଇଁ ଦାବି ହୋଇଛି। ଏନେଇ ଥାନା ସମ୍ମୁଖରେ ଏକ ପ୍ରତିବାଦ ସଭା କରାଯାଇଥିଲା।
ଦୁବୃର୍ତ୍ତଙ୍କୁ ଯଥାଶୀଘ୍ର ଗିରଫ କରା ନ ଗଲେ ଥାନା ସମ୍ମୁଖରେ ଅନିର୍ଦ୍ଦିଷ୍ଟ କାଳ ଯାଏ ଗଣଧାରଣା ଦିଆଯିବ ବୋଲି ଜିଲା ସଭାପତି ଜଳନ୍ଧର ନାଏକ ପୋଲିସକୁ ଚେତାବନୀ ଦେଇଛନ୍ତି। ଏହି ପ୍ରତିବାଦ ସଭାରେ କଂଗ୍ରେସର ଜିଲା ସଭାପତି ଜଳନ୍ଧର ନାଏକ,ପୂର୍ବତନ ଜିଲା ସଭାପତି ଭାରତ ଭୂଷଣ ବେମାଲ,ବ୍ଲକ ସଭାପତି ରାହାସ ସାହୁ,ସଦର ବ୍ଲକ ସଭାପତି ସୁବାଷ ପ୍ରଧାନ, ଜିଲା ଯୁବ କଂଗ୍ରେସ ସଭାପତି ସାହେବ ବାବୁ,କଂଗ୍ରେସର ବରିଷ୍ଠ କର୍ମୀ ଦୟାସାଗର ସାହା, ଜଗଦୀଶ ଅଗ୍ରୱାଲ, ମହେନ୍ଦ୍ର ନାଏକ,ରାମଲାଲ ସୁନାନି,ବିଜୟ ଦୀପ,ଧରଣୀ ନାଏକ,ରାଜକୁମାର,ସୁଭାଷ ଚୌଧରୀ ପ୍ରମୁଖ କଂଗ୍ରେସ କର୍ମୀମାନେ ଥାନା ସମ୍ମୁଖରେ ଏକ ପ୍ରତିବାଦରେ ଯୋଗ ଦେଇଥିଲେ।
Dharitri – Odisha’s No.1 Odia Daily
