ରାଇକିଆ,୨ା୮(ଡି.ଏନ୍.ଏ.)-କନ୍ଧମାଳ ଜିଲା ରାଇକିଆ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପୁଣି ଅବ୍ୟବସ୍ଥା ଦେଖିବାକୁ ମିଳିଛି। ଶନିବାର ସକାଳେ ଜଣେ ଯୁବକଙ୍କ ମୃତ୍ୟୁପରେ ମହାପ୍ରୟାଣ ଗାଡି ନ ମିଳିବାରୁ ଅଟୋରେ ପରିବାର ଲୋକେ ମୃତଦେହ ଆଣିଛନ୍ତି।
କ.ନୂଆଗଁା ବ୍ଲକ ଚାଞ୍ଚେଡି ପଞ୍ଚାୟତ କ୍ରିଟାଙ୍ଗିଆ ଗ୍ରାମର ସିକ୍ଲିନ୍ ରୋଗରେ ପୀଡିତ ଅଂଶୁମାନ ନାୟକ ଗୁରୁତର ଅବସ୍ଥାରେ ରାଇକିଆ ମେଡିକାଲରେ ଭର୍ତ୍ତି ହୋଇଥିଲେ। ଶନିବାର ସକାଳୁ ତାଙ୍କର ମୃତ୍ୟୁ ହୋଇଥିଲା। ମୃତଦେହ ନେବାକୁ ମହାପ୍ରୟାଣ ଗାଡି ନ ମିଳିବାରୁ ପରିବାର ଲୋକେ ଅଟୋ ଭଡା କରି ନେଇଥିଲେ। ଅଶୁଂମାନଙ୍କ ମା’, ବାପା ଭୁବନେଶ୍ୱରରେ କାମ କରୁଛନ୍ତି। ପୁଅର ଅସୁସ୍ଥତା ନେଇ ଖବର ପାଇଥିଲେ ମଧ୍ୟ କରୋନା କଟକଣା ଯୋଗୁ ଗାଡି ଚଳାଚଳ ହେଉ ନ ଥିବାରୁ ଘରେ ପହଞ୍ଚତ୍ ପାରି ନ ଥିଲେ। ରାଇକିଆ କଣ୍ଟେନ୍ମେଣ୍ଟ ଜୋନ୍ ଯୋଗୁ ଗ୍ରାମାଞ୍ଚଳର ବହୁ ରୋଗୀ ମେଡିକାଲ ଆସି ନ ପାରି ହଇରାଣ ହେଉଛନ୍ତି।
