ମୁମ୍ବାଇ: ମୋଷ୍ଟଓ୍ବାଣ୍ଟେଡ୍ ଅଣ୍ଡରଓ୍ବାଲର୍ଡ ଡନ୍ ଦାଉଦ୍ ଇବ୍ରାହିମ ବର୍ତ୍ତମାନ ହସ୍ପିଟାଲରେ ଭର୍ତ୍ତି ହୋଇ ଜୀବନ ସହ ସଂଗ୍ରାମ କରୁଛନ୍ତି। ଭାରତର ବହୁଚର୍ଚ୍ଚିତ ଶତ୍ରୁ ଦାଉଦ୍ଙ୍କର ବଲିଉଡ ସହିତ ଦୀର୍ଘଦିନର ସମ୍ପର୍କ ରହିଛି। ଅନେକ ଧମକ ଓ ଷଡ଼ଯନ୍ତ୍ରରେ ଦାଉଦ୍ଙ୍କ ନାମ ଅନେକ ଥର ଆସିଛି। ଏହା ବ୍ୟତୀତ ରୋମାଣ୍ଟିକ ଦାଉଦ୍ ମଧ୍ୟ ଅନେକ ଥର ବଲିଉଡ ଅଭିନେତ୍ରୀଙ୍କ ପ୍ରେମରେ ପଡ଼ିଛନ୍ତି। ଥରେ ଦାଉଦ୍ ରାଜ କପୁରଙ୍କ ଜଣେ ଅଭିନେତ୍ରୀଙ୍କୁ ପସନ୍ଦ କରିଥିଲେ।ଏହି କାରଣରୁ ତାଙ୍କ କ୍ୟାରିୟର୍ ନଷ୍ଟ ହୋଇଯାଇଥିଲା।
ଏକ ରିପୋର୍ଟ ଅନୁଯାୟୀ, ଦାଉଦ୍ ଏବେ କରାଚିରେ ଥିବା ଏକ ହସ୍ପିଟାଲରେ ଭର୍ତ୍ତି ହୋଇଛନ୍ତି ଏବଂ ତାଙ୍କୁ କଡ଼ା ସୁରକ୍ଷା ମଧ୍ୟରେ ରଖାଯାଇଛି। କୁହାଯାଉଛି ଯେ, କେହି ବିଷ ଦେଇଛନ୍ତି, ଯଦିଓ ଏପର୍ଯ୍ୟନ୍ତ ସରକାରୀ ଭାବେ ଏହା ନିଶ୍ଚିତ ହୋଇନାହିଁ। ଦାଉଦ୍ଙ୍କ ବଲିଉଡ ସଂଯୋଗ ବିଷୟରେ ଅନେକ ଖବର ଆସିଛି ଏବଂ ଥରେ ଜଣେ ଭାରତୀୟ ଅଭିନେତ୍ରୀଙ୍କ ନାମ ଏହା ସହିତ ଯୋଡି ହୋଇଥିଲା।
ଏହି ଅଭିନେତ୍ରୀ ଜଣକ ହେଉଛନ୍ତି ମନ୍ଦାକିନୀ। ରାଜ କପୁରଙ୍କ ଫିଲ୍ମ ‘ରାମ ତେରୀ ଗଙ୍ଗା ମୈଲି’ ସହିତ ମନ୍ଦାକିନୀ ଚର୍ଚ୍ଚାରେ ରହିଥିଲେ। ଏହି ଫିଲ୍ମ ୧୯୮୫ରେ ମୁକ୍ତିଲାଭ କରିଥିଲା ଏବଂ ଦର୍ଶକ ମନ୍ଦାକିନୀଙ୍କୁ ବହୁତ ପସନ୍ଦ କରିଥିଲେ।
ରାଜ କପୁରଙ୍କ ପୁଅ ରାଜୀବ କପୁରଙ୍କୁ ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଥିଲେ ଏବଂ ତାଙ୍କ ବିପକ୍ଷରେ ଥିଲେ ମନ୍ଦାକିନୀ। ରାଜ କପୁର ମନ୍ଦାକିନୀଙ୍କୁ ଫିଲ୍ମରେ ଏକ ଭିନ୍ନ ଶୈଳୀରେ ଉପସ୍ଥାପନ କରିଥିଲେ ଏବଂ ଫିଲ୍ମର ଅନେକ ସିନ୍ ସେତେବେଳେ ଚର୍ଚ୍ଚାରେ ରହିଥିଲା।
ଯେତେବେଳେ ଫିଲ୍ମ ରିଲିଜ ହେଲା, ମନ୍ଦାକିନୀଙ୍କ ନାଁ ବେଶ୍ ଚର୍ଚ୍ଚା ହୋଇଥିଲା। ଏହି ସମୟରେ ଦାଉଦ୍ ଇବ୍ରାହିମ ତାଙ୍କ ଉପରେ ନଜର ପକାଇଥିଲେ।
ଦାଉଦ ମନ୍ଦାକିନୀଙ୍କ ପ୍ରେମରେ ପଡ଼ିଯାଇଥିଲେ ଏବଂ ସେ ତାଙ୍କ ସହିତ ଯୋଗାଯୋଗ କରିଥିଲେ। କୁହାଯାଏ, ମନ୍ଦାକିନୀ ଏବଂ ଦାଉଦ ଅନେକ ଥର ଭେଟିଥିଲେ। ଶାରଜାରେ ଏକ କ୍ରିକେଟ ମ୍ୟାଚ ସମୟରେ ମନ୍ଦାକିନୀ ଦାଉଦଙ୍କ ନିକଟରେ ବସିଥିବାର ନଜର ଆସିଥିଲେ।
ମନ୍ଦାକିନୀ ଏବଂ ଦାଉଦଙ୍କର ଏହି ଫଟୋ ଭାଇରାଲ ହୋଇଥିଲା । ଏହି ଫଟୋ ସାମ୍ନାକୁ ଆସିବା ପରେ ଦାଉଦ ଏବଂ ମନ୍ଦାକିନୀଙ୍କ ମଧ୍ୟରେ ଥିବା ପ୍ରେମ ବିଷୟରେ ସବୁଠି ଚର୍ଚ୍ଚା ହେଲା କିନ୍ତୁ ଅଣ୍ଡରଓ୍ବାଲର୍ଡ ଡନ୍ ସହିତ ମନ୍ଦାକିନୀଙ୍କ ଫଟୋ ତାଙ୍କ ପାଇଁ ଏକ ସମସ୍ୟା ହୋଇଗଲା।
ଖବର ଆସିଲା ଯେ, ଦାଉଦ ଫିଲ୍ମ ନିର୍ମାତାମାନଙ୍କୁ ମନ୍ଦାକିନୀଙ୍କୁ ଫିଲ୍ମରେ ଅଭିନୟ କରିବାକୁ ଧମକ ଦେବା ଆରମ୍ଭ କରିଥିଲେ। କିନ୍ତୁ ଯେତେବେଳେ ଷ୍ଟାଡିୟମରୁ ମନ୍ଦାକିନୀ ଏବଂ ଦାଉଦ୍ଙ୍କ ଫଟୋ ସାମ୍ନାକୁ ଆସିଲା, ନିର୍ମାତାମାନେ ମନ୍ଦାକିନୀଙ୍କୁ ପ୍ରୋଜେକ୍ଟରୁ ହଟାଇବା ଆରମ୍ଭ କଲେ। ମନ୍ଦାକିନୀଙ୍କ କ୍ୟାରିୟର ଯେତେ ଶୀଘ୍ର ବଢ଼ିଥିଲା, ସେହି ବେଗରେ ତାଙ୍କ କ୍ୟାରିୟର ଗ୍ରାଫ୍ ତଳକୁ ଖସିଥିଲା।
