ମୁମ୍ବାଇ,୨।୧୧ : ସୋସିଆଲ ମିଡିଆରେ ଏକ ଆଶ୍ଚର୍ଯ୍ୟଜନକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ମହିଳା ଜାଣିଶୁଣି ଘରେ ନିଆଁ ଲଗାଇବାକୁ ଚେଷ୍ଟା କରୁଥିବା ଦେଖିବାକୁ ମିଳୁଛି। ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଏହା ଦେଖିବାକୁ ମିଳୁଛି ମହିଳା ଜଣକ କୋଠରୀ ଭିତରେ ଶୋଇଥିବା ବୃଦ୍ଧଙ୍କ ଉପରେ କିଛି ଜାଳି ପିଙ୍ଗୁଛନ୍ତି। ଜଣେ ବ୍ୟକ୍ତି ମହିଳାଙ୍କ ଏହି ଲଜ୍ଜାଜନକ କାର୍ଯ୍ୟକୁ ରେକର୍ଡ କରୁଛନ୍ତି। ତେବେ ଭଲ କଥାଟି ହେଲା, ନିଆଁ ପୁରା ଘରକୁ ବ୍ୟାପିବା ପୂର୍ବରୁ ଲିଭାଯାଇଥିଲା।
ଭିଡିଓରେ ପୁରୁଷ ଜଣକ କହୁଥିବାର ଶୁଣିବାକୁ ମିଳୁଛି, ମୋ ବାପାଙ୍କୁ ଜାଣିଶୁଣି ଜାଳି ଦିଆଯାଉଛି। ଭାଇରାଲ ଭିଡିଓରେ ମହିଳା ଜଣକ କାଗଜ ଜାଳି କୋଠରୀରେ ଶୋଇଥିବା ଜଣେ ବୃଦ୍ଧଙ୍କ ଉପରକୁ ଫିଙ୍ଗିଥିବାର ନଜର ଆସିଛନ୍ତି। ହଠାତ ନିଆଁ ଦେଖି ଗଭୀର ନିଦ୍ରାରେ ଶୋଇଥିବା ବୃଦ୍ଧ ଜାଗ୍ରତ ହେଉଛନ୍ତି। ଭିଡିଓ ରେକର୍ଡିଂ କରୁଥିବା ବ୍ୟକ୍ତି ପିତାଙ୍କୁ ବଞ୍ଚାଇଥିବାର ନଜର ଆସିଛନ୍ତି। ତେବେ ଯେଉଁଠାରେ ବୃଦ୍ଧମାନେ ଶୋଇଥିଲେ, ସେଠାରେ ନିଆଁ ବ୍ୟାପି ନ ଥିଲା ଏବଂ ଜଳୁଥିବା ସାମଗ୍ରୀକୁ ବ୍ୟକ୍ତି ଜଣକ ଟାଣି ତଳେ ପକାଇ ଦେଇଥିବାର ଦେଖା ଯାଉଛି।
ଯଦି ବେଡଶିଟ କିମ୍ବା କମ୍ବଳରେ ନିଆଁ ଲାଗିଥାନ୍ତା, ତେବେ ବୃଦ୍ଧ ଜଣକ ଜୀବନ୍ତ ଦଗ୍ଧ ହୋଇଥାନ୍ତେ। ଭିଡିଓରେ ବୃଦ୍ଧଅସୁସ୍ଥ ଥିବା ଦେଖିବାକୁ ମିଳୁଛି। ଏହି ଭିଡିଓରେ ଦେଖାଯାଇଥିବା ମହିଳାଙ୍କୁ ସୋସିଆଲ ମିଡିଆ ୟୁଜରମାନେ ସମାଲୋଚନା କରୁଛନ୍ତି।
