ପାଟଣା,୯।୫(ସ୍ବ. ପ୍ର.): କେନ୍ଦୁଝର ଜିଲା ପାଟଣା ରେଞ୍ଜକୁ ସୋମବାର ବିଳମ୍ବିତ ରାତ୍ରିରେ ଘଟଗାଁ ରେଞ୍ଜରୁ ଗୋଠଛଡା ଦନ୍ତା ହାତୀ ପ୍ରବେଶକରି ଉତ୍ପାତ ଆରମ୍ଭ କରିଛି। ହାତୀ ଉତ୍ପାତରେ ୪ଜଣଙ୍କ ଘର ଭାଙ୍ଗିଛି। ଏହି ହାତୀଟି ପାଟଣା ରେଞ୍ଜ ମଲ୍ଲୀପଶି ବିଟ ରାମଚନ୍ଦ୍ରପୁର ଗାଁ ସୁମୀ ମୁଣ୍ଡାଙ୍କ ଛପର ଘର, ସହ ପାଟଣା ବିଟ ବୃନ୍ଦାବନ ପୁର ଟଙ୍କଧର ମହାନ୍ତିଙ୍କ ଟାଇଲ ଘର ଏବଂ ଏହି ବିଟ ଗୋବରା ବେଡା ଗ୍ରାମର ଦିବାକର ମହାନ୍ତିଙ୍କ ଟାଇଲ ଘର ଭାଙ୍ଗି ଦେଇଥିବା ପାଟଣା ବନପାଳ ପିଅନ ନାଏକ କହିଛନ୍ତି। ଏହି ଦନ୍ତା ଜନବସତିରେ ଗାଁ କୁ ଗାଁ ବୁଲି ଦାନ୍ତରେ ଘର ଭାଙ୍ଗି ଦେଉଥିବାରୁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି। ଦନ୍ତାହାତୀଟି ଏବେ ପାଟଣା ବିଟ ଯମୁନା ପଶି ସଂରକ୍ଷିତ ଜଙ୍ଗଲରେ ଡେରା ପକାଇଥିବା ରେଞ୍ଜର ଘାସିନାଥ ପାତ୍ର କହିଛନ୍ତି।
