ଲାହୋର,୧।୩: ଆଫଗାନିସ୍ତାନ ବିପକ୍ଷ ମ୍ୟାଚ୍ ସମୟରେ ଆହତ ହୋଇଥିବା ଅଷ୍ଟ୍ରେଲିଆର ଓପନର ମାଥ୍ୟୁ ସର୍ଟ ଭାରତ କିମ୍ବା ନ୍ୟୁଜିଲାଣ୍ଡ ବିପକ୍ଷ ଚାମ୍ପିଅନ୍ସ ଟ୍ରଫି ସେମିଫାଇନାଲରୁ ବାଦ ପଡ଼ିପାରନ୍ତି। ବର୍ଷା ଯୋଗୁ ବାତିଲ ହୋଇଥିବା ମ୍ୟାଚ୍ରେ ସର୍ଟ ୧୫ ବଲ୍ରେ ୨୦ ରନ କରିଥିଲେ। ତାଙ୍କୁ ଆଜମାତୁଲ୍ଲା ଉମରଜାଇ ଆଉଟ୍ କରିଥିଲେ। ଅଷ୍ଟ୍ରେଲିଆ ଅଧିନାୟକ ଷ୍ଟିଭ ସ୍ମିଥ ଅଷ୍ଟ୍ରେଲିଆନ ଆସୋସିଏଟେଡ ପ୍ରେସକୁ କହିଛନ୍ତି, ’ମୁଁ ଭାବୁଛି ସେ ସମ୍ପୂର୍ଣ୍ଣ ଫିଟ ନୁହଁନ୍ତି।’ ସେ ଠିକ ଭାବରେ ଚାଲିପାରୁ ନାହାନ୍ତି। ପରବର୍ତ୍ତୀ ମ୍ୟାଚ୍ରେ ତାଙ୍କର ସୁସ୍ଥ ହେବା କଷ୍ଟକର ହେବ।
ଶ୍ରୀଲଙ୍କା ବିପକ୍ଷରେ ସାମ୍ପ୍ରତିକ ଦୁଇଟି ଦିନିକିଆରେ ବିଫଳ ହୋଇଥିଲେ ମଧ୍ୟ ଅଷ୍ଟ୍ରେଲିଆ ବିସ୍ଫୋରକ ବ୍ୟାଟ୍ସମ୍ୟାନ ଜ୍ୟାକ ଫ୍ରେଜର ମ୍ୟାକଗର୍କଙ୍କୁ ପଡିଆକୁ ଓହ୍ଲାଇପାରେ। ଅଲରାଉଣ୍ଡର ଆରୋନ ହାର୍ଡି ମଧ୍ୟ ଏକ ବିକଳ୍ପ ହୋଇପାରନ୍ତି। ସେମିଫାଇନାଲରେ ଅଷ୍ଟ୍ରେଲିଆ ମଙ୍ଗଳବାର ଦୁବାଇରେ ଭାରତ କିମ୍ବା ବୁଧବାର ଲାହୋରରେ ନ୍ୟୁଜିଲାଣ୍ଡକୁ ଭେଟିପାରେ। ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଶେଷ ଗ୍ରୁପ୍ ମ୍ୟାଚ୍ ପରେ ହିଁ ଏନେଇ ନିଷ୍ପତ୍ତି ନିଆଯିବ।
ମ୍ୟାକଗର୍କ ଏପର୍ଯ୍ୟନ୍ତ ଅଷ୍ଟ୍ରେଲିଆ ପାଇଁ ୭ ODI ଖେଳିଛନ୍ତି, ଯେଉଁଥିରେ ସେ ସାତଟି ଇନିଂସରେ ୧୪ ହାରରେ ୯୮ ରନ କରିଛନ୍ତି। ୪୧ ତାଙ୍କର ସର୍ବୋତ୍ତମ ପ୍ରଦର୍ଶନ ରହିଛି। ଏପରି ପରିସ୍ଥିତିରେ, ଏତେ ବଡ଼ ଟୁର୍ନାମେଣ୍ଟରେ ଓପନିଂ ଯୋଡ଼ିର ଖରାପ ପ୍ରଦର୍ଶନ ଅଷ୍ଟ୍ରେଲିଆ ପାଇଁ ଭଲ ସଙ୍କେତ ନୁହେଁ। କିନ୍ତୁ ଆଇସିସି ଟୁର୍ନାମେଣ୍ଟର ନକଆଉଟ ରାଉଣ୍ଡରେ ଅଷ୍ଟ୍ରେଲିଆ ଦଳ ଅଧିକ ଘାତକ ହୋଇଯାଏ। ତେଣୁ ଜ୍ୟାକ୍ ଫ୍ରେଜର ମ୍ୟାକଗର୍କ ଅଧିକ ଚାପରେ ରହିବେ ନାହିଁ ବୋଲି କୁହାଯାଉଛି।
