ଅଦିନିଆ ବର୍ଷା ଉଜାଡ଼ିଲା ରବିଚାଷ

ନୂଆପଡା ଅଫିସ,୫ା୫: ନୂଆପଡା ଜିଲାର ୮୦ ଭାଗ ଲୋକ ଚାଷ ଉପରେ ନିର୍ଭର କରନ୍ତି। ଧାନଚାଷ ସହ ପରିବା ଚାଷ କରି ପରିବାର ପ୍ରତିପୋଷଣ କରିଥାନ୍ତି। ଚଳିତବର୍ଷ ଅଦିନିଆ ବର୍ଷା ସହ କୂଆ ପଥର ମାଡରେପରିବା ଚାଷ ସବୁ ନଷ୍ଟ ହେବାରେ ଲାଗିଛି। କୋମନା ବ୍ଲକ ନୂଆଗାଁ ପଞ୍ଚାୟତର ଲୋହୋଣ୍ଡୋପାଲି, ଠୁଟିବର, କାମକେଡା, ତୁକଲାପଡା, ଗୋନିଆପଡା, ଗଣ୍ଡାମେର ପଞ୍ଚାୟତର କଣ୍ଟାପାଲି, ଦାନୋଝଲା, କାଣ୍ଡେତରା ପଞ୍ଚାୟତର ମହୁଲଭଟା, ମାଲପଡା, କାଣ୍ଡେତରା ଅଞ୍ଚଳରେ ହୋଇଥିବା ପିଆଜ ଚାଷ ଅଦିନିଆ ବର୍ଷାରେ ସର୍ବାଧିକ କ୍ଷତି ହୋଇଛି। କିଆରିରେ ପାଣି ଜମି ରହୁଥିବାରୁ ଅମଳ ଅବସ୍ଥାରେ ଥିବା ପିଆଜ ସବୁ ନଷ୍ଟ ହୋଇଯାଉଛି। ଅମଳ ବେଳକୁ ଚାଷ ନଷ୍ଟ ହେଉଥିବାରୁ ଚାଷୀ ମୁଣ୍ଡରେ ହାତ ଦେଇ ବସିଛି। ପିଆଜ ଚାଷ ସହ ଭେଣ୍ଡି, କଲରା, ବାଇଗଣ, ପାତଳଘଣ୍ଟା, ଝୁଲେର, ଲଙ୍କା, ଫୁଲକୋବି, ପତ୍ରକୋବି ଆଦି ଚାଷରେ ରୋଗପୋକ ଲାଗିବା ପରେ ଚାଷୀ ହତାଶ ହୋଇପଡିଛି। ପତ୍ର ପୋଡିଲା ଭଳି ହୋଇ ଗଛ ସବୁ ବଢି ପାରୁନାହିଁ। ବିରୁନପଦର, ଇଛାପୁର, ବାଗମୁଣ୍ଡା, ବେଲରଦନା, ସିଲେଟପାଣି, ଗୋହିରାପଦର, ସାହଜଟ ଅଞ୍ଚଳରେ ବାଇଗଣ, କଲରା, ଝୁଡଙ୍ଗ, ଲଙ୍କା, କଖାରୁ, ଲାଉ, ପତ୍ରକୋବି, ଫୁଲକୋବି ଚାଷୀ ଭାଳେଣିରେ ପଡିଛନ୍ତି।
ଅପରପକ୍ଷରେ ରବିଧାନ ଏବେ ଅମଳ ଅବସ୍ଥାରେ ରହିଛି। ଏହି ସମୟରେ ବର୍ଷା ସାଙ୍ଗକୁ କୂଆପଥର ମାଡରେ ଗଛରୁ ଧାନକାନ୍ଦି ସବୁ ଝଡି ପଡୁଛି। ଜଡାମୁଣ୍ଡା ସୁନ୍ଦର ଜଳସେଚନ ପ୍ରକଳ୍ପ ଅଞ୍ଚଳର ଜଡାମୁଣ୍ଡା, ଗନିଆରୀ, ଖଇରଭାଡି, ଜନ୍ଦ୍ରାମୁଣ୍ଡା, ଠୋଙ୍ଗୋ ଓ ଲଟକନପଡା କ୍ଷୁଦ୍ର ଜଳ ସେଚନ ପ୍ରକଳ୍ପ, ଲୋୟର ଇନ୍ଦ୍ର ଜଳସେଚନ ପ୍ରକଳ୍ପ ତିଖାଲି, ସାଇପଲା କ୍ଷୁଦ୍ର ଜଳସେଚନ ପ୍ରକଳ୍ପ, ମାଇନର ଜୋଙ୍କ ଜଳସେଚନ ପ୍ରକଳ୍ପ ପତୋରା ଆଦି ପ୍ରକଳ୍ପ ପାଣିରେ ହୋଇଥିବା ଧାନଚାଷ କୁଆପଥର ମାଡରେ ପ୍ରଭୃତ କ୍ଷତି ହୋଇଛି। ବଞ୍ଚି ରହିଥିବା ଧାନଗଛରେ କାଣ୍ଡବିନ୍ଧା ପୋକ ଲାଗି ଶୁଖିଯାଉଛି।
ଚଳିତ ରବିଋତୁରେ ନଦୀକୂଳିଆ ଗାଁମାନଙ୍କର ଚାଷୀ ତରଭୁଜ ଚାଷ କରିଥିଲା। ଭଲ ଅମଳ ଆଶାଥିଲା। ହେଲେ ଅଦିନିଆ ବର୍ଷା ଓ କୁଆ ପଥର ମାଡ ସବୁ ଉଜାଡି ଦେଲା। ଜିଲା ସହକାରୀ କୃଷି ଅଧିକାରୀ ସୁଧାଂଶୁ ଶେଖର ସାହୁଙ୍କୁ ପଚାରିବାରୁ ଜିଲାର ୨୪ଟି ପଞ୍ଚାୟତର ଧାନ ଚାଷି ଇନସ୍ୟୁରାନ୍ସ୍ସ କରିଛନ୍ତି। ସେମାନଙ୍କ ଧାନଚାଷ ନଷ୍ଟ ଅନୁଯାୟୀ ଆକଳନ କରି ରିପୋର୍ଟ ଦେଲା ପରେ ସରକାରୀ ସହାୟତା ପାଇବେ। ପିଆଜ ଚାଷ ପାଇଁ ଉଦ୍ୟାନ ବିଭାଗ ଓ ରାଜସ୍ବ ବିଭାଗ ମିଳିତ ଆକଳନ କରି ରିପୋର୍ଟ ଦେଲାପରେ ଯେଉଁମାନଙ୍କର ୩୩ପ୍ରତିଶତରୁ ଅଧିକ ଚାଷ ନଷ୍ଟ ହୋଇଥିବା ସେମାନେ ସରକାରୀ ସହାୟତା ପାଇବେ। ପରିବା ଚାଷ ପାଇଁ ମଧ୍ୟ ଇନ୍‌ପୁଟ ସବ୍‌ସିଡି ବ୍ୟବସ୍ଥା ରହିଛି ବୋଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?