ସାଧାରଣତଃ ଯଦି ପରିବାରରେ କୌଣସି ଝଗଡ଼ା ହୁଏ ତେବେ ସମ୍ପତ୍ତି ଭାଗବଣ୍ଟାକୁ ନେଇ ହୋଇଥାଏ। ଏପରି ସ୍ଥିତିରେ କୌଣସି ବ୍ୟକ୍ତି ଇଞ୍ଚେ ଜାଗା ବି କାହାକୁ ଛାଡ଼ିବା ପାଇଁ ରାଜି ହୋଇ ନ ଥାନ୍ତି। ଫଳରେ ମାମଲା କୋର୍ଟ କଚେରୀ ପର୍ଯ୍ୟନ୍ତ ଯାଇଥାଏ। ମାତ୍ର ଜର୍ମାନୀର ଜଣେ ବୃଦ୍ଧା ତାଙ୍କର ପଡ଼ୋଶୀଙ୍କୁ କୋଟିଏ କି ଦୁଇ କୋଟି ନୁହଁ, ଏକାବେଳକେ ୫୫ କୋଟି ଟଙ୍କା ମୂଲ୍ୟର ସମ୍ପତ୍ତି ଦେଇଦେଇଛନ୍ତି। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ।
ଜର୍ମାନୀର ବର୍ଲିନ ସହରରେ ରହୁଥିବା ରେନେଟ୍ ନାମକ ଜଣେ ବୃଦ୍ଧା ରାତାରାତି ପଡ଼ୋଶୀଙ୍କୁ ୫୫.୩୫ କୋଟି ଟଙ୍କାର ସମ୍ପତ୍ତି ଦେଇଦେଇଛନ୍ତି। ଏହି ବୃଦ୍ଧା ୨୦୧୯ରୁ ମୃତ୍ୟୁବରଣ କରିସାରିଲେଣି। ମାତ୍ର ଯିବା ପୂର୍ବରୁ ପଡ଼ୋଶୀଙ୍କ ନାମରେ ସମସ୍ତ ସମ୍ପତ୍ତି କରିଦେଇଯାଇଛନ୍ତି। ରେନେଟ୍ ତାଙ୍କ ସ୍ବାମୀ ଆଲଫ୍ରେଡ୍ ଓ୍ବେସେଲଙ୍କ ସହିତ କେନ୍ଦ୍ରୀୟ ଜର୍ମାନୀର ହେସର ଓ୍ବାଲ୍ଡୋଲପ୍ସର ଓ୍ବେର୍ଫେଲଡେନ୍ ଜିଲାରେ ରହୁଥିଲେ। ଏହି କ୍ଲଷ୍ଟର ୬ଟି ଗାଁକୁ ନେଇ ଗଠିତ। ତାଙ୍କ ସ୍ବାମୀ ଆଲଫ୍ରେଡ୍ ଷ୍ଟକ୍ ମାର୍କେଟରେ ବିନିଯୋଗ କରୁଥିଲେ। ସେ ଏଥିରୁ ବହୁତ ରୋଜଗାର କରୁଥିଲେ। ତେବେ ୨୦୧୪ରେ ଆଲ୍ଫ୍ରେଡ୍ଙ୍କ ମୃତ୍ୟୁ ଘଟିଥିଲା। ୨୦୧୬ରୁ ଫ୍ରାଙ୍କଫର୍ଟର ଏକ ନର୍ସିଂହୋମ୍ରେ ରହୁଥିବା ରେନେଟ୍ ମଧ୍ୟ ୨୦୧୯ ଡିସେମ୍ବରରେ ମୃତ୍ୟୁବରଣ କରିଥିଲେ। ରେନେଟ୍ଙ୍କ ଭଉଣୀ ତାଙ୍କର ମୂଳ ଉତ୍ତରାଧିକାରୀ। ତାଙ୍କର ମଧ୍ୟ ମୃତ୍ୟୁ ହୋଇସାରିଛି।
ଏପ୍ରିଲରେ ଜିଲା ପ୍ରଶାସନ ତାଙ୍କ ଇଚ୍ଛା ବିଷୟରେ ସୂଚନା ଦେଇ କହିଥିଲେ ଯେ, ରେନେଟ୍ ତାଙ୍କ ବ୍ୟାଙ୍କ ବାଲାନ୍ସ ଶେୟାର ଏବଂ ମୂଲ୍ୟବାନ ସମ୍ପତ୍ତି ଛାଡ଼ିଛନ୍ତି। ବୃଦ୍ଧାଙ୍କ ସମ୍ପତ୍ତିକୁ ଅନେକ ପଡ଼ୋଶୀଙ୍କ ନାମରେ ଭାଗ କରିଥିଲେ। ତଥାପି ପଡ଼ୋଶୀମାନେ ଏହି ଅର୍ଥକୁ ବ୍ୟକ୍ତିଗତ ଖର୍ଚ୍ଚରେ ଲଗାଇ ପାରିବେ ନାହିଁ ଏହା ଜିଲାର ବିକାଶରେ ବ୍ୟବହୃତ ହେବ।
