ଦେଶ ବିଦେଶର କ୍ରିକେଟରଙ୍କ ପ୍ରେମ ଏବଂ ବିବାହକୁ ନେଇ ସର୍ବଦା ଚର୍ଚ୍ଚା ଲାଗି ରହିଥାଏ। କେବଳ ବିବାହ ନୁହେଁ ବ୍ରେକ୍ଅପ୍କୁ ନେଇ ମଧ୍ୟ ଆଲୋଚନା ହୋଇଥାଏ। ଏମିତି କିଛି କ୍ରିକେଟର ଅଛନ୍ତି ସେମାନେ ୨-୨ଥର ବିବାହ କରିଛନ୍ତି। କିନ୍ତୁ ସେମାନଙ୍କଠାରୁ ଆଗରେ ଅଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ତଥା ପୂର୍ବତନ କ୍ରିକେଟର୍ ଇମ୍ରାନ ଖାନ୍। ୧୯୯୫ରେ ସେ ଇଂଲଣ୍ଡର ଜେମିମା ଗୋଲ୍ଡ ସ୍ମିଥ୍ଙ୍କୁ ବିବାହ କରିଥିଲେ। ୯ ବର୍ଷ ପରେ ତାଙ୍କୁ ଛାଡପତ୍ର ଦେଇଥିଲେ। ୨୦୧୫ରେ ସେ ଟିଭି ସାମ୍ବାଦିକା ରେହମ ଖାନଙ୍କୁ ବିବାହ କରିଥିଲେ। ଏହି ବିବାହ ମଧ୍ୟ ବେଶୀ ଦିନ ତିଷ୍ଠି ପାରି ନ ଥିଲା। ସେ ତାଙ୍କୁ ଛାଡପତ୍ର ଦେଇଥିଲେ। ୨୦୧୮ରେ ସେ ବୁଶରା ମାନେକାଙ୍କୁ ତୃତୀୟ ବିବାହ କରିଥିଲେ। ବୁଶ୍ରାଙ୍କ ୫ଟି ସନ୍ତାନ ମଧ୍ୟ ଅଛନ୍ତି।
