ଦାରିଙ୍ଗବାଡି,୨୭।୫ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ସିମନବାଡି ପାଟ୍ଟଖଣ୍ଡା ଖେଳ ପଡିଆଠାରେ ବ୍ଲକସ୍ତରୀୟ କ୍ରିକେଟ ଟୁର୍ନାମେଣ୍ଟ ଉଦଘାଟିତ ହୋଇଯାଇଛି। ଏହାକୁ ଜି. ଉଦୟଗିରି ନିର୍ବାଚନ ମଣ୍ଡଳୀ ବିଧାୟକ ପ୍ରଫୁଲ୍ଲ ଚନ୍ଦ୍ର ପ୍ରଧାନ, ଦାରିଙ୍ଗବାଡି ବ୍ଲକ ପ୍ରତିନିଧି ପ୍ରମୋଦ ଦିଗାଲ ମୁଖ୍ୟ ଅତିଥିଭାବେ ଯୋଗ ଦେଇ ଉଦଘାଟନ କରିଥିଲେ। ଅନ୍ୟ ଅତିଥିଭାବେ ସିମନବାଡି ପଞ୍ଚାୟତର ସରପଞ୍ଚ ଅମିତା ପ୍ରଧାନଙ୍କ ପ୍ରତିନିଧି ପରମେ ପ୍ରଧାନ, ଜିରିମୟ ପ୍ରଧାନ, ଜିତୁ ନାୟକ, ଚିତ୍ରସେନ ନାୟକ, ଆଶିଷ ପ୍ରଧାନ ଯୋଗଦେଇ କ୍ରିକେଟ ଖେଳାଳି ଓ ଦର୍ଶକଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମକୁ ସଞ୍ଜୟ ଦିଗାଲ, ଦୀପକ ଶୋଭାସୁନ୍ଦର, ଜଗା ନାୟକ, ଗୁଡ଼ୁ ବଳିୟାର ସିଂ, ସାଗର ନାୟକ, ହସ୍ୟ ନାୟକ ପ୍ରମୁଖ ପରିଚାଳନା କରିଥିଲେ।
ଭାଇଚାରା, ଶାନ୍ତି, ସଦଭାବନାକୁ ସୁଦୃଢ଼ କରିବା ଲକ୍ଷରେ ଏହି ଟୁର୍ନାମେଣ୍ଟ ଆୟୋଜନ କରାଯାଇଥିବା ଆୟୋଜନ କମିଟିର ସଞ୍ଜୟ କହିଛନ୍ତି। ପ୍ରଥମ ଦିନରେ ୧୨ ଓଭର ଲେଖାଏ ୨ଟି ମ୍ୟାଚ ଅନୁଷ୍ଠିତ ହୋଇଥିଲା। ପ୍ରଥମେ ମଣ୍ଡବାଡି ଓ ବ୍ରାହାସାଲକା ମଧ୍ୟରେ ଅନୁଷ୍ଠିତ ହୋଇଥିଲା ମଣ୍ଡବାଡ଼ି ପ୍ରଥମ ବାର ଓଭର ବ୍ୟାଟିଂ କରି ୧୨୦ ରନ ସଂଗ୍ରହ କରିଥିଲେ ପରେ ବ୍ରାହାସାଲକା ବାର ଓଭର ରେ ମାତ୍ର ୧୦୩ ରନ କରି ପରାଜିତ ହୋଇଥିଲେ। ସେହିପରି ଦ୍ୱିତୀୟ ମ୍ୟାଚରେ ଦାରିଙ୍ଗବାଡି ପଞ୍ଚାୟତର ନୀଳକନ୍ଦର ସାହି ଓ ସିମନବାଡି ଦଳ ସହ ମ୍ୟାଚ ଅନୁଷ୍ଠିତ ହୋଇଥିଲା। ଏଥିରେ ନୀଳକନ୍ଦର ସାହି ବିଜୟ ହୋଇଥିଲା ବୋଲି କମିଟି କହିଛି।