ଧରାକୋଟ,୧୩ା୩(ବିଷ୍ଣୁ କେଶରୀ ଆଚାର୍ଯ୍ୟ): ସୋରଡା ଋଷିକୁଲ୍ୟା କ୍ରିକେଟ କ୍ଲବ ପକ୍ଷରୁ ଶଶିଭୂଷଣ ମିନି ଷ୍ଟାଡିୟମରେ ଚାଲିଥିବା ୧୬ତମ ଋଷିକୁଲ୍ୟା କ୍ରିକେଟ ଟର୍ନାମେଣ୍ଟ ଉଦ୍ଯାପିତ ହୋଇଯାଇଛି । ଫାଇନାଲ ମ୍ୟାଚ୍ ଧରାକୋଟ ୟଙ୍ଗ କ୍ରିକେଟ କ୍ଲବ ଏବଂ ସୋରଡା ଋଷିକୁଲ୍ୟା କ୍ରିକେଟ କ୍ଲବ ମଧ୍ୟରେ ହୋଇଥିଲା ।
ଟସ୍ ଜିତି ଧରାକୋଟ ଟିମ୍ ନିର୍ଦ୍ଧାରିତ ୨୦ ଓଭର ଖେଳି ସମସ୍ତ ଉଇକେଟ ହରାଇ ୨୨୪ ରନ୍ ସଂଗ୍ରହ କରିଥିଲା। ସୋରଡା ଟିମ୍ ଏହି ରନ୍ର ପିଚ୍ଛା କରି ସମସ୍ତ ଓଭର ଖେଳି ୧୯୯ ରନ୍ କରିପାରିଥିଲା। ଫଳରେ ଧରାକୋଟ ଟିମ୍ ୨୫ ରନ୍ରେ ବିଜୟୀ ହୋଇଥିଲା।
ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ଏମ୍ପିଙ୍କ ପ୍ରତିନିଧି ବସନ୍ତ କୁମାର ବିଷୋୟୀ, ସମ୍ମାନିତ ଅତିଥି ଭାବେ ସୋରଡ଼ା ନଗରପାଳ ଶିବ ଶଙ୍କର ପଣ୍ଡା, ଡ.ଆଶିଷ ଖାଡଙ୍ଗା, ସାମାଜିକ କର୍ମୀ ଡୁଲୁ ପାଳ, ନଗର ଭାଜପା ସଭାପତି ସୀତାରାମ ପାତ୍ର ପ୍ରମୁଖ ଉପସ୍ଥିତ ରହିଥିଲେ।
ଧରାକୋଟ ଟିମ୍ର ଅନିଲ ନାୟକ ମ୍ୟାନ୍ ଅଫ ଦି ମ୍ୟାଚ ଏବଂ ସୋରଡା ଟିମ୍ର ପିଙ୍କୁ ମହାରଣା ମ୍ୟାନ ଅଫ ଦି ସିରିଜ ଭାବେ ପୁରସ୍କୃତ ହୋଇଥିଲେ। ଚାମ୍ପିୟନ ଧରାକୋଟ ଟିମ୍କୁ ୨୦ ହଜାର ଟଙ୍କା ସହ ଟ୍ରଫି ଓ ସୋରଡା ଟିମ୍କୁ ୧୫ ହଜାର ଟଙ୍କା ସହ ରନର୍ସ ଟ୍ରଫି ପ୍ରଦାନ କରାଯାଇଥିଲା। ଟୁର୍ନାମେଣ୍ଟରେ ୧୫ଟି ଟିମ୍ ଅଂଶ ଗ୍ରହଣ କରିଥିଲେ।
