ଦିଗପହଣ୍ଡି,୨୪|୪(ଅଶେଷ ନାଥ ମିଶ୍ର)ଗଞ୍ଜାମ ଜିଲା ଦିଗପହଣ୍ଡି ବ୍ଳକ କୁଶପଡା ଗ୍ରାମ ଖେଳପଡିଆ ଠାରେ ଚାଲିଥିବା ଶ୍ରୀ ସିଦ୍ଧି ବିନାୟକ କ୍ରିକେଟ ଟୁର୍ନାମେଣ୍ଟ ଶୁକ୍ରବାର ସନ୍ଧ୍ୟାରେ ଉଦଯାପିତ ହୋଇଯାଇଛି । ଫାଇନାଲ ମ୍ୟାଚରେ ମହାମାୟୀ ଟିମ୍ ପ୍ରଥମେ ବ୍ୟାଟିଂ କରି ୮୬ ରନ୍ କରିଥିଲା । ଜବାବରେ ବଜରଙ୍ଗୀ ଟିମ୍ ମାତ୍ର ୫୦ ରନ୍ ହାସଲ କରି ପରାଜିତ ହୋଇଥିଲା । ମହାମାୟୀ ଟିମ୍ କୁ ଚାମ୍ପିୟନ ଘୋଷଣା କରାଯାଇଥିଲା।। ଉଦଯାପନୀ ସମାରୋହରେ ଜିଲା ପରିଷଦ ସଦସ୍ୟା ଙ୍କ ପ୍ରତିନିଧି ଏମ୍. ନିରଞ୍ଜନ ରେଡ୍ଡୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ପୂର୍ବତନ ସରପଞ୍ଚ ଏସ୍. ଗାନ୍ଧୀ ଦୋରା ସମ୍ମାନିତ ଅତିଥି ରୂପେ ଯୋଗଦାନ କରିଥିଲେ । ଶେଷରେ ଅତିଥି ଦ୍ବୟ ଉଭୟ ଟିମ୍ ର ଖେଳାଳୀ ମାନଙ୍କୁ ପୁରସ୍କାର ବିତରଣ କରିବା ସହ ଚାମ୍ପିୟନ ଟିମ୍ କୁ ୧୬ ହଜାର ଏବଂ ରନର୍ଷଅପ୍ ଟିମ୍ କୁ ୧୨ ହଜାର ଟଙ୍କା ସହ ଟ୍ରଫି ପ୍ରଦାନ କରିଥିଲେ । ଅକ୍ଷୟ ସାହୁ ଓ ଚନ୍ଦନ ଦୋରା ଫାଇନାଲ ମ୍ୟାଚ ରେ ଅମ୍ପାୟରିଂ କରିଥିବା ବେଳେ ଅଶ୍ବିନୀ ସାହୁ , ସୀମା ଦୋରା , ରବି ଦୋରା , କିରଣ ବିଷୋୟୀ , ଜିତେନ ଦୋରା , ସାଗର ଦୋରା , ଚନ୍ଦନ ସେଠୀ , ବବୁଲ ଦୋରା , ରିତେଶ ଦୋରା , ଶଙ୍କର ସେଠୀ , ସାନୁ ମହାରଣା , ଶୁଭମ ଦୋରା , ପ୍ରେମ ଦୋରା ପ୍ରମୁଖ ଆୟୋଜକ କ୍ଳବ୍ ସଦସ୍ୟ ବୃନ୍ଦ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।