ଭାରତ,୩।୩: ହକି ଇଣ୍ଡିଆ ଭାରତୀୟ ପୁରୁଷ ହକି ଦଳର ନୂତନ କୋଚଙ୍କ ନାମ ଶୁକ୍ରବାର ଘୋଷଣା କରିଛି। ଦକ୍ଷିଣ ଆଫ୍ରିକାର ୪୮ ବର୍ଷୀୟ କ୍ରେଗ ଫୁଲଟନ ମୁଖ୍ୟ କୋଚ ଭାବେ ଦାୟିତ୍ୱ ଗ୍ରହଣ କରିବେ ବୋଲି ହକି ଇଣ୍ଡିଆ ସୂଚନା ଦେଇଛି। ମାର୍ଚ୍ଚ ୧୦ରୁ ଭାରତ ଏଫ୍ଆଇଏଚ୍ ହକି ପ୍ରୋ ଲିଗରେ ଖେଲିବ। ଫୁଲଟନଙ୍କ ନାଁ ଏହା ପୂର୍ବରୁ ଘୋଷଣା କରାଯାଇଛି। ଗ୍ରାହାମ ରିଡଙ୍କ ଇସ୍ତଫା ପରେ ଫୁଲଟନଙ୍କୁ ଭାରତର କୋଚ ଭାବେ ନିଯୁକ୍ତ କରାଯାଇଛି।
କ୍ରେଗ ଫୁଲଟନଙ୍କ ୨୫ ବର୍ଷରୁ ଅଧିକ କୋଚିଂ ଅଭିଜ୍ଞତା ଅଛି। ସେ ଔପଚାରିକତା ସମାପ୍ତ କରିବା ପରେ ଯଥାଶୀଘ୍ର ଦଳରେ ଯୋଗଦେବେ। ଦକ୍ଷିଣ ଆଫ୍ରିକା ଦଳ ସହିତ ହକି ଖେଳାଳି ଭାବରେ ଫୁଲଟନ ଏକ ଚମତ୍କାର ପ୍ରଦର୍ଶନ କରିଥିଲେ। ସେ ୧୦ ବର୍ଷରେ ୧୯୫ଟି ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ୧୯୯୬ ଆଟଲାଣ୍ଟା ଅଲିମ୍ପିକ୍ସ ଏବଂ ୨୦୦୪ ଏଥେନ୍ସ ଅଲିମ୍ପିକ୍ସରେ ସେ ତାଙ୍କ ଘରୋଇ ଦଳ ଦକ୍ଷିଣ ଆଫ୍ରିକା ପାଇଁ ଖେଳିଥିଲେ। ଫୁଲଟନ ବିଶ୍ୱକପ ଏବଂ କମନୱେଲଥ ଗେମ୍ସରେ ମଧ୍ୟ ଖେଳିଛନ୍ତି।
