ଗୋପାଳଗଞ୍ଜ,୧।୧୧: ଗୋପାଳଗଞ୍ଜ ବିଧାନସଭା ଉପ-ନିର୍ବାଚନ ପାଇଁ ମଙ୍ଗଳବାର ପ୍ରଚାରର ଶେଷ ଦିନ ଥିଲା। ଗ୍ରାଣ୍ଡ ଆଲାଇନ୍ସ ଏବଂ ଏନଡିଏର ବହୁ ବଡ ନେତା ଏକ ରାଲି କରି ଭୋଟ ପାଇଁ ଅନୁରୋଧ କରିଥିଲେ। ଗୋପାଳଗଞ୍ଜରୁ ଭାଜପା ପ୍ରାର୍ଥୀ କୁସୁମ ଦେବୀଙ୍କ ପାଇଁ ନିର୍ବାଚନ ପ୍ରଚାରରେ ପହଞ୍ଚିଥିବା ପୂର୍ବତନ ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କୁ କଡ଼ା ସମାଲୋଚନା କରିଛନ୍ତି।
ସେ କହିଛନ୍ତି ଯେ ନୀତୀଶ କୁମାର ଭୟ କରୁଛନ୍ତି ଯେ ଯଦି ସେ ତାଙ୍କ ପାର୍ଟିକୁ ଆରଜେଡି ସହିତ ମିଶ୍ରଣ ନକରନ୍ତି ତେବେ ତାଙ୍କ ଦଳ ଭାଙ୍ଗିଯିବ।
ସୁଶୀଲ ମୋଦୀ କହିଛନ୍ତି ଯେ ଯଦି ଜେଡ଼ିୟୁର ବିଧାୟକମାନେ ଭାଜପାରେ ଯୋଗଦେବାକୁ ଚାହାଁନ୍ତି, ତେବେ ସେମାନଙ୍କୁ ସ୍ବାଗତ କରାଯିବ। କାରଣ ଏପରି ଅନେକ ଜେଡିୟୁ ନେତା ଅଛନ୍ତି ଯେଉଁମାନେ ଭଲ କାମ କରିଛନ୍ତି । ସୁଶୀଲ ଏହା ମଧ୍ୟ ଦାବି କରିଛନ୍ତି ଯେ ବହୁ ସଂଖ୍ୟକ ଜେଡିୟୁ ନେତା ଓ ବିଧାୟକ ଅଛନ୍ତି ଯେଉଁମାନେ ଭଜପା ସହିତ ଯୋଗଯୋଗରେ ଅଛନ୍ତି। ଏବେ ଜେଡ଼ିୟୁରେ ଫାଟ ସୃଷ୍ଟି ହୋଇଛି। ଖୁବ୍ ଶୀଘ୍ର ଜେଡ଼ିୟୁ ନେତା ଓ ବିଧାୟକମାନେ ଭାଜପାରେ ଯୋଗଦେବେ।
