ନୂଆଦିଲ୍ଲୀ, ୨୨।୨: ଗତ ୭ ଦିନ ମଧ୍ୟରେ କରୋନା ଭୂତାଣୁରେ ୮୭,୭୧୧ ଜଣ ସଂକ୍ରମିତ ହୋଇଥିବାରୁ ସରକାରଙ୍କ ଚିନ୍ତା ବଢ଼ିଯାଇଛି। ସଂକ୍ରମଣର ଦ୍ୱିତୀୟ ଲହର ନେଇ ଆଶଙ୍କା ପ୍ରକାଶ ପାଇଥିବାବେଳେ ବିଭିନ୍ନ ରାଜ୍ୟ ସରକାରଙ୍କ ପକ୍ଷରୁ ସୁରକ୍ଷା ନିୟମକୁ ପୁଣି ଥରେ କଡ଼ାକଡ଼ି କରାଯାଉଛି। କେବଳ ରବିବାର ୧୪,୨୬୪ ନୂଆ ମାମଲା ସାମ୍ନାକୁ ଆସିଛି। ଗତ ଜାନୁୟାରୀ ୨୯ରେ ୧୮,୮୫୫ ଜଣ ସଂକ୍ରମିତ ହୋଇଥିବାବେଳେ ପରେ ସଂକ୍ରମଣ ହ୍ରାସ ପାଇଥିଲା। ତେବେ ଗତ ୭ ଦିନ ମଧ୍ୟରେ ୩ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ସଂକ୍ରମଣ ୨୦ରୁ ୬୯% ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ଓ ରାଜ୍ୟ ସରକାରମାନେ ଆସନ୍ତା ସପ୍ତାହରେ କେତେକ ପଦକ୍ଷେପ ନେବାକୁ ଯାଉଛନ୍ତି। ସେଗୁଡ଼ିକ ହେଲା:
୧. ସୋମବାର ରାତି ୧୧ଟା ୫୯ରୁ ଅନ୍ତର୍ଜାତୀୟ ବିମାନ ଉଡ଼ାଣ ପାଇଁ ନୂଆ ନିୟମ ଲାଗୁ କରାଯିବ। ଦେଶରେ ଦକ୍ଷିଣ ଆଫ୍ରିକା ଓ ବ୍ରାଜିଲରୁ ଆସିଥିବା ଏସ୍ଏଆର୍ଏସ୍-କୋଭ୍-୨ର ନୂଆ ରୂପ ଦେଖାଦେବା ପରେ ଏନେଇ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଷ୍ଟାଣ୍ଡାର୍ଡ ଅପରେଟିଂ ପ୍ରସିଡ୍ୟୁୟର(ଏସ୍ଓପି) ଜାରି କରାଯାଇଛି।
୨. ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନାନୁସାରେ ଦକ୍ଷିଣ ଆଫ୍ରିକା ଭେରିଆଣ୍ଟର ୪ ମାମଲା ଓ ବ୍ରାଜିଲର ଗୋଟିଏ ମାମଲା ଭାରତରେ ଚିହ୍ନଟ ହୋଇଛି। ସେହିପରି ବ୍ରିଟେନର ଭେରିଆଣ୍ଟର ୧୫୦ରୁ ଊର୍ଦ୍ଧ୍ୱ ମାମଲା ମଧ୍ୟ ଚିହ୍ନଟ ହୋଇସାରିଛି। ତେବେ ସେଥିରୁ କୌଣସି ମାମଲା ଏଯାଏ ଘାତକ ହୋଇନାହିଁ।
୩. ମହାରାଷ୍ଟ୍ରରେ ଚଳିତ ସପ୍ତାହରେ ୬,୦୦୦ରୁ ଅଧିକ ଦୈନିକ ମାମଲା ଦେଖିବାକୁ ମିଳିଥିବାବେଳେ ଶନିବାର କେରଳରେ ୪,୬୫୦ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।
୪. ମହାରାଷ୍ଟ୍ରରେ ଶୁକ୍ରବାର ୬,୧୧୨ ଓ ଶନିବାର ୬,୨୮୧ ସଂକ୍ରମିତ ଚିହ୍ନଟ ହୋଇଛନ୍ତି। ରାଜଧାନୀ ମୁମ୍ବାଇ ସମେତ ରାଜ୍ୟରେ ସଂକ୍ରମଣ ବଢ଼ୁଥିବାରୁ ରାଜ୍ୟ ସରକାର ଲକ୍ଡାଉନ୍ ଜାରି ନେଇ ଲୋକଙ୍କୁ ସତର୍କ କରାଇଛନ୍ତି। ଅନେକ ସ୍ଥାନରେ କଟକଣା ଜାରି କରାଯାଇଛି।
୫. ପଞ୍ଜାବ, ମଧ୍ୟପ୍ରଦେଶ ଓ ଛତିଶଗଡ଼ରେ ମଧ୍ୟ ସଂକ୍ରମଣ ବଢ଼ୁଥିବାରୁ ସ୍ବାସ୍ଥ୍ୟ ମନ୍ତ୍ରଣାଳୟ ଚିନ୍ତାବ୍ୟକ୍ତ କରିଛି।
୬. ରବିବାର ସକାଳ ସୁଦ୍ଧା ଭାରତରେ ୧୧ ନିୟୁତ କୋଭିଡ୍ ଯୋଦ୍ଧାଙ୍କୁ ଭାକ୍ସିନ ଦିଆଯାଇଛି। ଆସନ୍ତା ସପ୍ତାହରେ ଟିକାକରଣକୁ ତ୍ୱରାନ୍ବିତ କରାଯାଇପାରେ।
୭. ସ୍ବରାଷ୍ଟ୍ର ମନ୍ତ୍ରଣାଳୟ ମଧ୍ୟ ଦେଶରେ କୋଭିଡ୍-୧୯ ମୁକାବିଲା ପାଇଁ ନୂଆ ନିୟମ ଘୋଷଣା କରିପାରେ। ମହାରାଷ୍ଟ୍ର ସମେତ ଅନ୍ୟ କେତେକ ରାଜ୍ୟ କୋଭିଡ୍ ନିୟମ ଅନୁସାରେ ଲକ୍ଡାଉନ୍ ଅବଧି ବଢ଼ାଇପାରନ୍ତି।
୮. ଚଳିତ ସପ୍ତାହରେ ଭାରତରେ ୮୬,୭୧୧ ନୂଆ ମାମଲା ଚିହ୍ନଟ ହୋଇଛି। ସଂକ୍ରମିତଙ୍କ ସଂଖ୍ୟା ୮,୩୧୪ ଅର୍ଥାତ୍ ୧୦.୩୫% ବଢ଼ିଛି। ଗତ ସପ୍ତାହରେ ୬୩୭ ସଂକ୍ରମିତଙ୍କ ମୃତ୍ୟୁ ଘଟିଥିବାବେଳେ ଚଳିତ ସପ୍ତାହରେ ଏହି ସଂଖ୍ୟା ୬୬୦ରେ ପହଞ୍ଚତ୍ଛି।
ଟିକାକରଣ ତ୍ୱରାନ୍ବିତ କରିବାକୁ ନିର୍ଦ୍ଦେଶ
କରୋନା ସଂକ୍ରମଣ ବୃଦ୍ଧି ପାଉଥିବାରୁ କେନ୍ଦ୍ର ସରକାର ରାଜ୍ୟଗୁଡ଼ିକୁ ଟିକାକରଣ ତ୍ୱରାନ୍ବିତ କରିବାକୁ ନିର୍ଦ୍ଦେଶ ଦେଇଛନ୍ତି। ବିଶେଷକରି ମହାରାଷ୍ଟ୍ର, କେରଳ, ଛତିଶଗଡ଼, ମଧ୍ୟପ୍ରଦେଶ ଓ ଜମ୍ମୁ-କଶ୍ମୀରରେ ଦୈନିକ ସଂକ୍ରମଣ ହାରରେ ବୃଦ୍ଧି ଘଟିଥିବା ଦେଖିବାକୁ ମିଳିଛି। ସ୍ବାସ୍ଥ୍ୟ ମନ୍ତ୍ରଣାଳୟ ଅନୁସାରେ ଦେଶର ମୋଟ ସଂକ୍ରମିତଙ୍କ ମଧ୍ୟରୁ ୮୫.୬୧% ହେଉଛନ୍ତି ଏହି ୪ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଜମ୍ମୁ-କଶ୍ମୀରର। ଏହାର ମୁକାବିଲା ପାଇଁ କେନ୍ଦ୍ର ସରକାର କଡ଼ା ସର୍ଭିଲାନ୍ସ, କଣ୍ଟେଣ୍ଟମେଣ୍ଟ ଏବଂ ଆର୍ଟିପିସିଆର୍ ଉପରେ ଗୁରୁତ୍ୱ ଦେବାକୁ ନିର୍ଦ୍ଦେଶ ଦେଇଛନ୍ତି। ମହାରାଷ୍ଟ୍ରରେ ସାପ୍ତାହିକ ସଂକ୍ରମଣ ହାର ୮.୧୦% ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଲୋକଙ୍କୁ ସୁରକ୍ଷା ନିୟମ ମାନି ଚଳିବାକୁ ପରାମର୍ଶ ଦେଇଛନ୍ତି। ଆଉ ଥରେ ଲକ୍ଡାଉନ୍ ଜାରି କରିବା ପୂର୍ବରୁ ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ସପ୍ତାହେରୁ ୧୫ ଦିନ ଅନୁଧ୍ୟାନ କରିବେ ବୋଲି କହିଛନ୍ତି। ସ୍ବାସ୍ଥ୍ୟ ମନ୍ତ୍ରଣାଳୟ ଦେଶର ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଟିକାକରଣ ପ୍ରକ୍ରିୟା ତ୍ୱରାନ୍ବିତ କରିବା ପାଇଁ ପତ୍ର ଲେଖିଛି।
ନୂଆଦିଲ୍ଲୀ, ୨୨।୨: ଗତ ୭ ଦିନ ମଧ୍ୟରେ କରୋନା ଭୂତାଣୁରେ ୮୭,୭୧୧ ଜଣ ସଂକ୍ରମିତ ହୋଇଥିବାରୁ ସରକାରଙ୍କ ଚିନ୍ତା ବଢ଼ିଯାଇଛି। ସଂକ୍ରମଣର ଦ୍ୱିତୀୟ ଲହର ନେଇ ଆଶଙ୍କା ପ୍ରକାଶ ପାଇଥିବାବେଳେ ବିଭିନ୍ନ ରାଜ୍ୟ ସରକାରଙ୍କ ପକ୍ଷରୁ ସୁରକ୍ଷା ନିୟମକୁ ପୁଣି ଥରେ କଡ଼ାକଡ଼ି କରାଯାଉଛି। କେବଳ ରବିବାର ୧୪,୨୬୪ ନୂଆ ମାମଲା ସାମ୍ନାକୁ ଆସିଛି। ଗତ ଜାନୁୟାରୀ ୨୯ରେ ୧୮,୮୫୫ ଜଣ ସଂକ୍ରମିତ ହୋଇଥିବାବେଳେ ପରେ ସଂକ୍ରମଣ ହ୍ରାସ ପାଇଥିଲା। ତେବେ ଗତ ୭ ଦିନ ମଧ୍ୟରେ ୩ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ସଂକ୍ରମଣ ୨୦ରୁ ୬୯% ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ଓ ରାଜ୍ୟ ସରକାରମାନେ ଆସନ୍ତା ସପ୍ତାହରେ କେତେକ ପଦକ୍ଷେପ ନେବାକୁ ଯାଉଛନ୍ତି। ସେଗୁଡ଼ିକ ହେଲା:
୧. ସୋମବାର ରାତି ୧୧ଟା ୫୯ରୁ ଅନ୍ତର୍ଜାତୀୟ ବିମାନ ଉଡ଼ାଣ ପାଇଁ ନୂଆ ନିୟମ ଲାଗୁ କରାଯିବ। ଦେଶରେ ଦକ୍ଷିଣ ଆଫ୍ରିକା ଓ ବ୍ରାଜିଲରୁ ଆସିଥିବା ଏସ୍ଏଆର୍ଏସ୍-କୋଭ୍-୨ର ନୂଆ ରୂପ ଦେଖାଦେବା ପରେ ଏନେଇ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଷ୍ଟାଣ୍ଡାର୍ଡ ଅପରେଟିଂ ପ୍ରସିଡ୍ୟୁୟର(ଏସ୍ଓପି) ଜାରି କରାଯାଇଛି।
୨. ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନାନୁସାରେ ଦକ୍ଷିଣ ଆଫ୍ରିକା ଭେରିଆଣ୍ଟର ୪ ମାମଲା ଓ ବ୍ରାଜିଲର ଗୋଟିଏ ମାମଲା ଭାରତରେ ଚିହ୍ନଟ ହୋଇଛି। ସେହିପରି ବ୍ରିଟେନର ଭେରିଆଣ୍ଟର ୧୫୦ରୁ ଊର୍ଦ୍ଧ୍ୱ ମାମଲା ମଧ୍ୟ ଚିହ୍ନଟ ହୋଇସାରିଛି। ତେବେ ସେଥିରୁ କୌଣସି ମାମଲା ଏଯାଏ ଘାତକ ହୋଇନାହିଁ।
୩. ମହାରାଷ୍ଟ୍ରରେ ଚଳିତ ସପ୍ତାହରେ ୬,୦୦୦ରୁ ଅଧିକ ଦୈନିକ ମାମଲା ଦେଖିବାକୁ ମିଳିଥିବାବେଳେ ଶନିବାର କେରଳରେ ୪,୬୫୦ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।
୪. ମହାରାଷ୍ଟ୍ରରେ ଶୁକ୍ରବାର ୬,୧୧୨ ଓ ଶନିବାର ୬,୨୮୧ ସଂକ୍ରମିତ ଚିହ୍ନଟ ହୋଇଛନ୍ତି। ରାଜଧାନୀ ମୁମ୍ବାଇ ସମେତ ରାଜ୍ୟରେ ସଂକ୍ରମଣ ବଢ଼ୁଥିବାରୁ ରାଜ୍ୟ ସରକାର ଲକ୍ଡାଉନ୍ ଜାରି ନେଇ ଲୋକଙ୍କୁ ସତର୍କ କରାଇଛନ୍ତି। ଅନେକ ସ୍ଥାନରେ କଟକଣା ଜାରି କରାଯାଇଛି।
୫. ପଞ୍ଜାବ, ମଧ୍ୟପ୍ରଦେଶ ଓ ଛତିଶଗଡ଼ରେ ମଧ୍ୟ ସଂକ୍ରମଣ ବଢ଼ୁଥିବାରୁ ସ୍ବାସ୍ଥ୍ୟ ମନ୍ତ୍ରଣାଳୟ ଚିନ୍ତାବ୍ୟକ୍ତ କରିଛି।
୬. ରବିବାର ସକାଳ ସୁଦ୍ଧା ଭାରତରେ ୧୧ ନିୟୁତ କୋଭିଡ୍ ଯୋଦ୍ଧାଙ୍କୁ ଭାକ୍ସିନ ଦିଆଯାଇଛି। ଆସନ୍ତା ସପ୍ତାହରେ ଟିକାକରଣକୁ ତ୍ୱରାନ୍ବିତ କରାଯାଇପାରେ।
୭. ସ୍ବରାଷ୍ଟ୍ର ମନ୍ତ୍ରଣାଳୟ ମଧ୍ୟ ଦେଶରେ କୋଭିଡ୍-୧୯ ମୁକାବିଲା ପାଇଁ ନୂଆ ନିୟମ ଘୋଷଣା କରିପାରେ। ମହାରାଷ୍ଟ୍ର ସମେତ ଅନ୍ୟ କେତେକ ରାଜ୍ୟ କୋଭିଡ୍ ନିୟମ ଅନୁସାରେ ଲକ୍ଡାଉନ୍ ଅବଧି ବଢ଼ାଇପାରନ୍ତି।
୮. ଚଳିତ ସପ୍ତାହରେ ଭାରତରେ ୮୬,୭୧୧ ନୂଆ ମାମଲା ଚିହ୍ନଟ ହୋଇଛି। ସଂକ୍ରମିତଙ୍କ ସଂଖ୍ୟା ୮,୩୧୪ ଅର୍ଥାତ୍ ୧୦.୩୫% ବଢ଼ିଛି। ଗତ ସପ୍ତାହରେ ୬୩୭ ସଂକ୍ରମିତଙ୍କ ମୃତ୍ୟୁ ଘଟିଥିବାବେଳେ ଚଳିତ ସପ୍ତାହରେ ଏହି ସଂଖ୍ୟା ୬୬୦ରେ ପହଞ୍ଚତ୍ଛି।
ଟିକାକରଣ ତ୍ୱରାନ୍ବିତ କରିବାକୁ ନିର୍ଦ୍ଦେଶ
କରୋନା ସଂକ୍ରମଣ ବୃଦ୍ଧି ପାଉଥିବାରୁ କେନ୍ଦ୍ର ସରକାର ରାଜ୍ୟଗୁଡ଼ିକୁ ଟିକାକରଣ ତ୍ୱରାନ୍ବିତ କରିବାକୁ ନିର୍ଦ୍ଦେଶ ଦେଇଛନ୍ତି। ବିଶେଷକରି ମହାରାଷ୍ଟ୍ର, କେରଳ, ଛତିଶଗଡ଼, ମଧ୍ୟପ୍ରଦେଶ ଓ ଜମ୍ମୁ-କଶ୍ମୀରରେ ଦୈନିକ ସଂକ୍ରମଣ ହାରରେ ବୃଦ୍ଧି ଘଟିଥିବା ଦେଖିବାକୁ ମିଳିଛି। ସ୍ବାସ୍ଥ୍ୟ ମନ୍ତ୍ରଣାଳୟ ଅନୁସାରେ ଦେଶର ମୋଟ ସଂକ୍ରମିତଙ୍କ ମଧ୍ୟରୁ ୮୫.୬୧% ହେଉଛନ୍ତି ଏହି ୪ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଜମ୍ମୁ-କଶ୍ମୀରର। ଏହାର ମୁକାବିଲା ପାଇଁ କେନ୍ଦ୍ର ସରକାର କଡ଼ା ସର୍ଭିଲାନ୍ସ, କଣ୍ଟେଣ୍ଟମେଣ୍ଟ ଏବଂ ଆର୍ଟିପିସିଆର୍ ଉପରେ ଗୁରୁତ୍ୱ ଦେବାକୁ ନିର୍ଦ୍ଦେଶ ଦେଇଛନ୍ତି। ମହାରାଷ୍ଟ୍ରରେ ସାପ୍ତାହିକ ସଂକ୍ରମଣ ହାର ୮.୧୦% ବୃଦ୍ଧି ପାଇଛି। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଲୋକଙ୍କୁ ସୁରକ୍ଷା ନିୟମ ମାନି ଚଳିବାକୁ ପରାମର୍ଶ ଦେଇଛନ୍ତି। ଆଉ ଥରେ ଲକ୍ଡାଉନ୍ ଜାରି କରିବା ପୂର୍ବରୁ ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ସପ୍ତାହେରୁ ୧୫ ଦିନ ଅନୁଧ୍ୟାନ କରିବେ ବୋଲି କହିଛନ୍ତି। ସ୍ବାସ୍ଥ୍ୟ ମନ୍ତ୍ରଣାଳୟ ଦେଶର ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଟିକାକରଣ ପ୍ରକ୍ରିୟା ତ୍ୱରାନ୍ବିତ କରିବା ପାଇଁ ପତ୍ର ଲେଖିଛି।
