କୁହାଯାଏ ଟଙ୍କା ବିନା ସବୁ କାମ ଅସମ୍ଭବ। କୌଣସି କାମ ଆରମ୍ଭ କରନ୍ତୁ ନା କାହିଁକି, ସବୁଠି ଟଙ୍କାର ଆବଶ୍ୟକତା ପଡେ। ସେଥିପାଇଁ ଟଙ୍କା ସଞ୍ଚୟ କରିବା ଜରୁରୀ। ଏଥିପାଇଁ କିଛି ଲୋକ ନିଜର ଅନେକ ଜିନିଷ କାଟି ଦେଉଥିବା ବେଳେ କିଛି ଲୋକ ଚତୁରତାର ସହ ବିନିଯୋଗ କରି ଟଙ୍କାକୁ ଦ୍ୱିଗୁଣିତ କରିଥାନ୍ତି। କିନ୍ତୁ ଟଙ୍କା ସଞ୍ଚୟ କରିବା ପାଇଁ ଏଭଳି କିଛି ପଦକ୍ଷେପ ନେଇଛନ୍ତି ଜଣେ ଆମେରିକୀୟ ଦମ୍ପତି ଜନ୍ ଏବଂ ଫିନ୍, ଯାହାକୁ ନେଇ ସୋସିଆଲ ମିଡିଆରେ ଲୋକମାନେ ଛି ଛି କରୁଛନ୍ତି।
ଜନ ଏବଂ ଫିନ ପ୍ରକାଶ କରିଛନ୍ତି, ରୋଷେଇ ପାଇଁ ସେମାନଙ୍କର ନିଜ ମଳ ବ୍ୟବହାର କରନ୍ତି, କାରଣ ଏହା ପରିବେଶ ଅନୁକୂଳ ଅଟେ। ଜର୍ଜିଆର ଏକ ଗାଁରେ ରହୁଥିବା ଏହି ଦମ୍ପତି ଟଙ୍କା ସଞ୍ଚୟ କରିବା ପାଇଁ ଏପରି କରୁଛନ୍ତି। ଦମ୍ପତିଙ୍କ କହିବା ଅନୁଯାୟୀ, ସେମାନେ ଘରେ ହୋମବାୟୋଗାସ ଡାଇଜେଷ୍ଟର ନାମକ ଏକ ଡିଭାଇସ ଲଗାଇଛନ୍ତି, ଯାହା ସେମାନଙ୍କ ମଳକୁ ବାୟୋଗ୍ୟାସ ରେ ପରିଣତ କରିଥାଏ। ଏହି ଗ୍ୟାସକୁ ସେ ରୋଷେଇରେ ବ୍ୟବହାର କରନ୍ତି।
ମନୁଷ୍ୟ ମଳକୁ କିପରି ରିସାଇକେଲ୍ କରିବେ?
ଦମ୍ପତି ବୁଝାଇଛନ୍ତି ଯେ, ମତ ତ୍ୟାଗ ପରେ ସେମାନେ ଏହାକୁ ଫ୍ଲାସ କରନ୍ତି, ଯାହା ସ୍ବତନ୍ତ୍ର ଉପକରଣ ଦେଇ ଯିବା ପରେ ସ୍ବଚ୍ଛ ଗ୍ୟାସରେ ପରିଣତ ହୁଏ। ଇନ୍ଡୋର ପ୍ଲମ୍ବିଂର ମୂଲ୍ୟ ଠାରୁ ଏହା ଶସ୍ତା ଅଟେ। ସେମାନେ ମିଥେନ ବାୟୋଗ୍ୟାସ ତିଆରି କରି ପ୍ରାକୃତିକ ସମ୍ପଦ ସଞ୍ଚୟ କରୁଛନ୍ତି। ଜନ ଏକ ଭିଡିଓ ଶେୟାର କରି ଲୋକଙ୍କୁ ଆଶ୍ୱାସନା ଦେଇଛନ୍ତି ଯେ, ସେମାନଙ୍କ ଖାଦ୍ୟରେ କିମ୍ବା ଆଖପାଖରେ ମଳର ଗନ୍ଧ ନାହିଁ।
ଏହି ଦମ୍ପତିଙ୍କି କିଛି ଲୋକ ଛି ଛି କହୁଥିବାବେଳେ ଅନ୍ୟ କିଛି ଲୋକ ତାଙ୍କ ଉଦ୍ୟମକୁ ପ୍ରଶଂସା କରୁଛନ୍ତି।
View this post on Instagram
