ନୂଆଦିଲ୍ଲୀ,୩୧ା୧୨: ଚଳିତ ବର୍ଷର ନଭେମ୍ବର ଶେଷ ସୁଦ୍ଧା ସରକାରଙ୍କ ବିତ୍ତୀୟ ନିଅଣ୍ଟ ପୂର୍ଣ୍ଣ ବର୍ଷର ବଜେଟ୍ ଆକଳନର ୫୯ % ନିକଟତର ହୋଇଛି। ଏପରିକି ଶୁକ୍ରବାର କଣ୍ଟ୍ରୋଲର ଜେନେରାଲ ଅଫ୍ ଆକାଉଣ୍ଟସ୍ (ସିଜିଏ)ଙ୍କ ଦ୍ୱାରା ପ୍ରକାଶିତ ତଥ୍ୟରୁ ଜଣାପଡିଛି। ଏପରିକି ପ୍ରକୃତ ଅର୍ଥରେ ଏହା ବ୍ୟୟ ଏବଂ ରାଜସ୍ବ ମଧ୍ୟରେ ଥିବା ପାର୍ଥକ୍ୟକୁ ଦର୍ଶାଇଥାଏ ବୋଲି କୁହାଯାଉଛି। ବିଶେଷ କରି ୨୦୨୨-୨୩ ଆର୍ଥିକ ବର୍ଷର ଏପ୍ରିଲରୁ ନଭେମ୍ବର ଅବଧି ମଧ୍ୟରେ ୯,୭୮,୧୫୪ କୋଟି ଟଙ୍କା ଥିଲା। ଗତ ବର୍ଷ ଅନୁରୂପ ଅବଧିରେ ୨୦୨୧-୨୨ର ବଜେଟ୍ ଆକଳନରୁ ନିଅଣ୍ଟ ୪୬.୨% ଥିଲା। ୨୦୨୨-୨୩ ପାଇଁ ସରକାରଙ୍କ ଆର୍ଥିକ ନିଅଣ୍ଟ ୧୬.୬୧ ଲକ୍ଷ କୋଟି କିମ୍ବା ଜିଡିପିର ୬.୪% ବୋଲି ଆକଳନ କରାଯାଇଛି। ଏପରିକି ଚଳିତ ଆର୍ଥିକ ବର୍ଷର ପ୍ରଥମ ୮ମାସ ମଧ୍ୟରେ ଦେଶର ବିତ୍ତୀୟ ନିଅଣ୍ଟ ବୃଦ୍ଧି ପାଇ ପ୍ରାୟ ୯.୭୮ ଲକ୍ଷ କୋଟି ଟଙ୍କାରେ ରହିଛି। ଏହା ସରକାରଙ୍କ ଆର୍ଥିକ ବର୍ଷର ଲକ୍ଷ୍ୟର ପ୍ରାୟ ୫୯% (୫୮.୯) ବୋଲି କୁହାଯାଉଛି। ଅପରପକ୍ଷରେ ୨୦୨୧-୨୨ ଆର୍ଥିକ ବର୍ଷର ସମାନ ଅବଧି ମଧ୍ୟରେ ଦେଶର ବିତ୍ତୀୟ ନିଅଣ୍ଟ ୪୬.୨% ପ୍ରତିଶତ ରହିଥିଲା। ବିଶେଷକରି ସରକାରଙ୍କ ପକ୍ଷରୁ ଜାରି ପରିସଂଖ୍ୟାନରୁ ଏହା ଜଣାପଡିଛି। ସେହିଭଳି ଚଳିତ ଆର୍ଥିକ ବର୍ଷର ଏପ୍ରିଲରୁ ନଭେମ୍ବର ମଧ୍ୟରେ ସରକାରଙ୍କ ରାଜସ୍ବ ବଢି ୧୪.୬୫ ଲକ୍ଷ କୋଟି ଟଙ୍କାରେ ପହଞ୍ଚତ୍ଛି। ଅପରପକ୍ଷରେ ସରକାରଙ୍କ ଖର୍ଚ୍ଚ ଏହି ଅବଧି ମଧ୍ୟରେ ୨୪.୪୩ ଲକ୍ଷ କୋଟି ଟଙ୍କାରେ ରହିଛି। ଏହା ଚଳିତ ଆର୍ଥିକ ବର୍ଷର ବଜେଟ ଲକ୍ଷ୍ୟର ୬୪.୧% ଏବଂ ୬୧.୯%। ଏଥିରେ ରାଜସ୍ବ ୧୪.୨୩ ଲକ୍ଷ କୋଟି ଟଙ୍କା ରହିଥିଲା। ୧୨.୨୫ ଲକ୍ଷ କୋଟି ଟଙ୍କା ଟିକସ ସଂଗ୍ରହରୁ ଏବଂ ୧.୯୮ ଲକ୍ଷ କୋଟି ଅଣଟିକସରୁ ଆସିଛି ବୋଲି କୁହାଯାଇଛି। ଟିକସ ରେଭେନ୍ୟୁ ବଜେଟ ଲକ୍ଷ୍ୟର ୬୩.୩% ଏବଂ ଅଣ-ଟିକସ ରେଭେନ୍ୟୁରୁ ୭୩.୫% ଅନ୍ତଭୁର୍କ୍ତ ରହିଛି। ଗତ ଆର୍ଥିକ ବର୍ଷର ସମାନ ଅବଧିର ୭୩.୫% ଏବଂ ୯୧.୮ ରୁ କମ୍ ରହିଛି। ଉଲ୍ଲେଖଯୋଗ୍ୟ, ଚଳିତ ବର୍ଷ ମେ’ରେ ଅନ୍ତଃରାଷ୍ଟ୍ରୀୟ ବଜାରରେ ଅଶୋଧିତ ତୈଳର ମୂଲ୍ୟ ବୃଦ୍ଧି ପ୍ରଭାବକୁ ହ୍ରାସ କରିବା ପାଇଁ ସରକାର ପେଟ୍ରୋଲ ଏବଂ ଡିଜେଲ ଉପରୁ ଉତ୍ପାଦ ଶୁଳ୍କ (ଏକ୍ସସାଇଜ୍ ଡ୍ୟୁଟି) ହ୍ରାସ କରିଥିଲେ। ଏହାଦ୍ୱାରା ସରକାରଙ୍କ ରାଜସ୍ବହାନି ହୋଇଥିଲା। ଏପରିକି ସରକାରଙ୍କ ଦ୍ୱାରା ଚଳିତ ବର୍ଷ କରାଯାଉଥିବା ଅତିରିକ୍ତ ଖର୍ଚ୍ଚ ଯୋଗୁ ବିତ୍ତୀୟ ନିଅଣ୍ଟ ସରକାରଙ୍କ ଅନୁମାନଠାରୁ ୧ଲକ୍ଷ କୋଟି ଟଙ୍କା ଅଧିକ ରହିପାରେ ବୋଲି ବଜାର ବିଶେଷଜ୍ଞମାନେ ଆକଳନ କରିଛନ୍ତି।
