ଭୁବନେଶ୍ୱର,୨୨।୮: ଚଳିତବର୍ଷ ଜୁଲାଇ ୨ରୁ ଆରମ୍ଭ ହୋଇଥିବା ୧୩ତମ କଟନ୍ ଫାବ୍ ମେଳା ସୋମବାର ଶେଷ ହେଉଥିବା ଆୟୋଜକ କମିଟି ପକ୍ଷରୁ ସୂଚନା ଦିଆଯାଇଛି। ବିଶେଷ କରି ସ୍ଥାନୀୟ ପ୍ରଦର୍ଶନୀ ପଡିଆରେ ଜାରି ରହିଥିବା ଉକ୍ତ ମେଳାରେ ସାରା ଦେଶରୁ ୧୦୦ରୁ ଊର୍ଦ୍ଧ୍ୱ ବ୍ୟବସାୟୀ ଓ ବୁଣାକାର ରଙ୍ଗ ବେରଙ୍ଗର ହାତ ତିଆରି ଶାଢ଼ିଠାରୁ ଆରମ୍ଭ କରି ରେଜେଇ ଏବଂ କପ୍ରୁ ନେଇ କଟନ୍ ସାମଗ୍ରୀ (ପୋଷାକ ଏବଂ ସଜାସଜ୍ଜା ସାମଗ୍ରୀ) ଭଳି ଗୃହୋପକରଣର ସମ୍ଭାର ଉପଲବ୍ଧ ହେଉଛି।
ଏ ସମ୍ପର୍କରେ ମେଳାର ସମ୍ପାଦକ ଜାଭେଦ ଆଲାମ କହିଛନ୍ତି, ଦୀର୍ଘ ଦିନ ହେବ ପ୍ରଦର୍ଶନୀ ପଡ଼ିଆରେ ମେଳା ଆୟୋଜନ କରି ଉଭୟ ଆୟୋଜକ ଓ ବ୍ୟବସାୟୀ ଭଲ କାରବାର ସାଙ୍ଗକୁ ଗ୍ରାହକ ସମ୍ପର୍କ ବୃଦ୍ଧି ପାଇଛି। ଆଗାମୀ ଦିନରେ ମଧ୍ୟ ଏହି ମେଳାର ଆୟୋଜନ ପାଇଁ ଯୋଜନା ରହିଛି।
