ମସ୍କୋ,୧ ।୧୧: ରୁଷିଆରେ କରୋନା ସଂକ୍ରମଣର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇ ଯାଇଛି । ଯାହା ପୂର୍ବାପେକ୍ଷା ଅଧିକ ବୋଲି ଅନୁମାନ କରାଯାଉଛି । ଶୁକ୍ରବର ଏଠାରେ ୧୮,୨୮୩ ନୂଆ ସଂକ୍ରମିତଙ୍କୁ ଚିହ୍ନଟ କରାଯିବା ସହ ୩୫୫ଜଣଙ୍କ ମୃତ୍ୟୁ ସମସ୍ତଙ୍କୁ ଚିନ୍ତାରେ କପାଇ ଦେଇଛି । ଏହାକୁ ଦେଖି ମସ୍କୋ ପ୍ରଶାସନ ଆସନ୍ତା ମାସରେ ଲୋକଙ୍କୁ କରୋନା ଟିକା ଦେବାକୁ ବ୍ୟବସ୍ଥା ଆରମ୍ଭ କରିଦେଇଛି । ମସ୍କୋର ଉପ ମେୟରଙ୍କ ସୂଚନା ଅନୁଯାୟୀ, ଯଦି ପର୍ଯ୍ୟାପ୍ତ ପରିମାଣରେ ଟିକା ଉପଲବ୍ଧ ହେବ ତେବେ ଆସନ୍ତା ମାସରୁ ଏହା ଲୋକଙ୍କୁ ଦେବା କାର୍ଯ୍ୟ ଆରମ୍ଭ କରାଯିବ । ଅନ୍ୟପଟେ କରୋନା ସକ୍ରମଣକୁ ନେଇ ଏବେ ଏମିତି କିଛି ଭିଡିଓ ଭାଇରାଲ ହେଉଛି ଯାହା ସାଧାରଣ ଜନତାଙ୍କ ମଧ୍ୟରେ ଭୟ ସୃଷ୍ଟି କରିଛି । ଏକ ଭିଡିଓରେ ଦେଖାଯାଇଛି, ସାଇବେରିଆ ସହରର ବାରନାଉଲରେ ଥିବା ହସ୍ପିଟାଲର ଶବ ଗୃହରେ ରୋଗୀଙ୍କ ମୃତଦେହ ସଂଖ୍ୟା ଏବେ ବଢିଯାଇଛି ଯେ ରଖିବାକୁ ସ୍ଥାନର ଅଭାବ ପଡୁଛି । ଫଳରେ କରୋନାରେ ମୃତଶରୀର ଗୁଡିକୁ କଳା ପଲିଥିନରେ ଗୁଡାଇ ବାହାରେ ରଖାଯାଇଥିବାରୁ ଏହା ସାଧାରଣ ଲୋକଙ୍କ ମନକୁ ଆନ୍ଦୋଳିତ କରୁଛି । ବସନ୍ତ ଋତୁ ଚାଲିଥିବାରୁ କରୋନା ସଂକ୍ରମଣ ସଂଖ୍ୟା ବୃଦ୍ଧି ପାଉଛି ବୋଲି ବିଶେଷଜ୍ଞମାନେ କହୁଛନ୍ତି । ଏହାର ପ୍ରଭାବ ସବୁଠାରୁ ଅଧିକ ମସ୍କୋ ଉପରେ ପଡିଛି । ଏତେ ସଂଖ୍ୟାରେ କରୋନା ସଂକ୍ରମିତଙ୍କ ମୃତ୍ୟୁକୁ ଦେଖି ହସ୍ପିଟାଲ ଓ ଶବଗୃହର କର୍ମଚାରୀମାନେ ମଧ୍ୟ ଭୟ କରିଯାଉଛନ୍ତି ।
