କୋରାପୁଟ,୧୫।୮(ସ୍ବପ୍ର)-କୋରାପୁଟ ଜିଲାରେ ଦିନକୁ ଦିନ କରୋନାସ୍ଥିତି ଉଦ୍ବେଗଜନକ ହେବାରେ ଲାଗିଛି। ଶନିବାର ଜିଲାରେ ସର୍ବାଧିକ ୧୩୩ ଆକ୍ରାନ୍ତ ଚିହ୍ନଟ ହୋଇଥିବା ଜିଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି। ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ୧୪ ଜଣ କୋରନା ଯୋଦ୍ଧା ରହିଛନ୍ତି। ଏହାକୁ ମିଶାଇ ଜିଲାର ମୋଟ ଆକ୍ରାନ୍ତଙ୍କ ସଂଖ୍ୟା ୧୭୦୫ରେ ପହଞ୍ଚିଛି। ଜିଲାରେ ଚିହ୍ନଟ ପଜିଟିଭଙ୍କ ମଧ୍ୟରେ ବନ୍ଧୁଗାଁ ବ୍ଲକରୁ ୮, ବୈପାରିଗୁଡା ବ୍ଲକରୁ ଜଣେ, ବୋରିଗୁମ୍ମା ବ୍ଲକରୁ ୫, ଦଶମନ୍ତପୁର ବ୍ଲକରୁ ୧୯, ଲମତାପୁଟ ବ୍ଲକରୁ ୩, ଜୟପୁର ବ୍ଲକରୁ ଜଣେ, କୋରାପୁଟ ବ୍ଲକରୁ ୬, ଲକ୍ଷ୍ମୀପୁର ବ୍ଲକରୁ ୪, କୁନ୍ଦ୍ରା ବ୍ଲକରୁ ଜଣେ, ନନ୍ଦପୁର ବ୍ଲକରୁ ଜଣେ, ପଟ୍ଟାଙ୍ଗି ବ୍ଲକରୁ ୫ ଏବଂ ସେମିଳିଗୁଡା ବ୍ଲକରୁ ୩ ଜଣ ପଜିଟିଭ ରହିଛନ୍ତି।
