ଜନ୍ମ ନେବାର ଠିକ୍ ପରେ ଜଣେ ଶିଶୁ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଆମେରିକାର ଟେକ୍ସାସରେ କରୋନା ସଂକ୍ରମଣର ଏଭଳି ଘଟଣା ସାମ୍ନାକୁ ଆସିଛି। ଗର୍ଭରେ ଥିବାବେଳେ ଶିଶୁମାନେ କରୋନା ସଂକ୍ରମିତ ହୋଇପାରୁଥିବାର ଏହା ଉଦାହରଣ ବୋଲି ଡାକ୍ତରମାନେ କହୁଛନ୍ତି।
ଜନ୍ମ ନେବା ପରେ ଶିଶୁଟିକୁ ଆଇସିୟୁରେ ଭର୍ତ୍ତି କରାଯାଇଥିଲା। ସେଠାରେ ଯାଞ୍ଚ ସମୟରେ ସେ କରୋନା ପଜିଟିଭ୍ ଥିବା ଜଣାପଡ଼ିଥିଲା। ତାଙ୍କ ମା’ ପୂର୍ବରୁ ସଂକ୍ରମିତ ଚିହ୍ନଟ ହୋଇଥିଲେ।
କରୋନା ଆକ୍ରାନ୍ତ ହେବା ପରେ ଶିଶୁଟି ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲା। ତାଙ୍କୁ ଜ୍ୱର ମଧ୍ୟ ହୋଇଯାଇଥିଲା। ପରେ ୨୧ ଦିନ ଧରି ଉଭୟ ମା’ ଏବଂ ଶିଶୁର ଚିକିତ୍ସା କରାଯିବା ପରେ ସେ ସୁସ୍ଥ ହୋଇ ଘରକୁ ଫେରିଥିବା ଜଣାପଡ଼ିଛି।
ଏହି ଘଟଣା ପରେ ସଂକ୍ରମିତ ମା’ଠାରୁ ଗର୍ଭସ୍ଥ ଶିଶୁକୁ କରୋନା ହୋଇପାରେ ବୋଲି ଡାକ୍ତରମାନେ କହୁଛନ୍ତି। ପୂର୍ବରୁ ଇଟାଲୀରେ କରୋନା ସଂକ୍ରମଣର ଏଭଳି ଘଟଣା ଦେଖିବାକୁ ମିଳିଥିଲା।
ପୂର୍ବରୁ ଗର୍ଭସ୍ଥ ଶିଶୁକୁ ଏଚ୍ଆଇଭି, ଜିକା ଏବଂ ଅନ୍ୟ ଭାଇରସ୍ ଆଦି ଗର୍ଭରେ ଥିବା ଭ୍ରୁଣକୁ ସଂକ୍ରମିତ କରିପାରୁଥିଲେ। ଏବେ କରୋନା ମଧ୍ୟ ଏହା କରିପାରୁଥିବା ଡାକ୍ତରମାନେ କହୁଛନ୍ତି।
