ଚଣ୍ଡିଗଡ଼, ୨୮।୬: ଭାରତରେ କରୋନା ମହାମାରୀ ସଂକ୍ରମଣ ନେଇ ଲୋକେ ଆତଙ୍କିତ ହୋଇପଡ଼ିଛନ୍ତି। ତେବେ ଏବେ ଆଉ କରୋନାକୁ ଭୟ ନାହିଁ। ବଜାରରେ ଖୁବ୍ ଶୀଘ୍ର ବିକଶିତ ଜ୍ଞାନକୌଶଳରେ ନିର୍ମିତ ହୋଇଥିବା ସେଫ୍ଟି ଗଗଲ୍ସ ମିଳିବାକୁ ଯାଉଛି। ଲଏହାକୁ ପିନ୍ଧିଲେ କରୋନା ସଂକ୍ରମଣର ଭୟ ରହିବ ନାହିଁ। ଚଣ୍ଡିଗଡ଼ର କେନ୍ଦ୍ରୀୟ ବୈଜ୍ଞାନିକ ଉପକରଣ ସଂଗଠନ(ସିଏସ୍ଆଇଓ) ପକ୍ଷରୁ ଏହି ସେଫ୍ଟି ଗଗଲ୍ସ ନିର୍ମିତ ହୋଇଛି। ଏହା ହେଲଥ୍ କେୟାର ପ୍ରଫେଶନାଲ୍ ଏବଂ ପ୍ରଣ୍ଟ୍ ଲାଇନ୍ ଓ୍ବାର୍କରଙ୍କ ପାଇଁ ବେଶ୍ ଉପଯୋଗୀ ହେବ ବୋଲି ସିଏସ୍ଆଇଓ କହିଛି। କରୋନ ସଂକ୍ରମଣ ନାକ, ଆଖି ଏବଂ ମୁହଁ ଦ୍ୱାରା ହେବାର ଆଶଙ୍କା ରହିଥାଏ। ଏହି ସେଫ୍ଟି ଗଗଲ୍ସ ବ୍ୟବହାର କଲେ ଏଭଳି ଆଶଙ୍କା ଦୂର ହୋଇପାରିବ। ସିଏସ୍ଆଇଓ ପକ୍ଷରୁ ଏହା ନିର୍ମାଣ ଦାୟିତ୍ୱ ଚଣ୍ଡିଗଡ଼ର ସାର୍କ ଇଣ୍ଡଷ୍ଟ୍ରିଜ୍କୁ ଦିଆଯାଇଛି। ପ୍ରଥମ ପ୍ରର୍ଯ୍ୟାୟରେ ୧୦ ହଜାର ସେଫ୍ଟି ଗଗଲ୍ସ ନିର୍ମିତ ହୋଇ ବଜାରକୁ ଆସିବ। ଏହାର ଦାମ୍ ୩୫୦ରୁ ୪୦୦ ଟଙ୍କା ରହିବ ବୋଲି କୁହାଯାଉଛି।
