ଔରଙ୍ଗାବାଦ,୨୦।୨ : ଦକ୍ଷିଣ କୋରିଆର ୧୦୮ ଜଣ ବୌଦ୍ଧ ଭିକ୍ଷୁଙ୍କ ଏକ ଦଳ ତାଙ୍କ ଜୀବନ କାଳରେ ବୁଦ୍ଧଙ୍କ ପଦଚିହ୍ନ ଖୋଜିବାକୁ ବାହାରିଛନ୍ତି। ମହାତ୍ମା ବୁଦ୍ଧଙ୍କ ସହସ୍ର ବର୍ଷର ଅସ୍ଥି କଳସ ସହିତ ସେମାନେ ରଫିଗଞ୍ଜରେ ପହଞ୍ଚିଛନ୍ତି।
ଏହି ପଦଯାତ୍ରା ଫେବୃଆରୀ ୯ ରେ ଉତ୍ତରପ୍ରଦେଶର ସାରନାଥରୁ ଆରମ୍ଭ ହୋଇଛି। ଏହା ପରେ, ବିହାରରେ ପ୍ରବେଶ କରିବା ପରେ କାଇମୁର ଏବଂ ରୋହତାସ ଦେଇ ଔରଙ୍ଗାବାଦ ଜିଲାର ବରୁଣରେ ପହଞ୍ଚିଥିଲେ। ବୌଦ୍ଧ ଭିକ୍ଷୁ ଦଳ ନେପାଳର ଲୁମ୍ବିନିରେ ପହଞ୍ଚିବା ପୂର୍ବରୁ ବୋଧଗୟା, ନାଲନ୍ଦା, ରାଜଗିର, ବୈଶାଳି, କୁଶିନଗର ଦେଇ ପଦଯାତ୍ରା କରିବେ।
ପ୍ରତିଦିନ ୨୫ କିଲୋମିଟର ଚାଲିବା ପରେ ପଦଯାତ୍ରୀମାନେ ବିଶ୍ରାମ ନେଉଛନ୍ତି। ବୌଦ୍ଧ ଭିକ୍ଷୁମାନଙ୍କର ପଦଯାତ୍ରାର ଉଦ୍ଦେଶ୍ୟ ହେଉଛି ବିଶ୍ୱ ଶାନ୍ତି, ମାନବ କଲ୍ୟାଣ ଏବଂ କରୋନା ମହାମାରୀ ଆଉ ନ ଆସୁ। ସେମାନେ ୧୩୦୦ କିଲୋମିଟର ପଦଯାତ୍ରାରେ ବାହାରିଛନ୍ତି। ନେପାଳର ଲୁମ୍ବିନିରେ ୨୩ ମାର୍ଚ୍ଚରେ ଏହୀ ୪୩ ଦିନଆ ପଦଯାତ୍ରା ଶେଷ ହେବ । ୩୦ ଭାରତୀୟ ପ୍ରଶାସକ, ବିଦେଶୀ ଗଣମାଧ୍ୟମ ଏବଂ ଡାକ୍ତରୀ ଦଳ ବୌଦ୍ଧ ଭିକ୍ଷୁଙ୍କ ସହିତ ସାମିଲ ହୋଇଛନ୍ତି।
ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଆପୋର୍ଭା ଚନ୍ଦ୍ରଙ୍କ ଅନୁଯାୟୀ ଭାରତ ଏବଂ ଦକ୍ଷିଣ କୋରିଆ କୂଟନୈତିକ ସମ୍ପର୍କର ୫୦ ବର୍ଷ ପୂର୍ତ୍ତି ପାଳନ କରୁଛନ୍ତି। ତୀର୍ଥଯାତ୍ରାର ଉଦ୍ଦେଶ୍ୟ ହେଉଛି ଦୁଇ ଦେଶ ମଧ୍ୟରେ ବନ୍ଧୁତା ଏବଂ ସହଯୋଗ ବୃଦ୍ଧି କରିବା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟି ହେଉଛି ଭାରତରେ ବୌଦ୍ଧ ପର୍ଯ୍ୟଟନ ସର୍କିଟକୁ ବିଶ୍ୱସ୍ତରରେ ପ୍ରୋତ୍ସାହିତ କରିବା। ପର୍ଯ୍ୟଟକମାନଙ୍କୁ ଭଗବାନ ବୁଦ୍ଧଙ୍କ ଶିକ୍ଷା ବିଷୟରେ ଅବଗତ କରାଇବା।
