ନୂଆଦିଲ୍ଲୀ, ୧୦।୫ : ଅଯୋଧ୍ୟା ପରେ କାଶୀ, ମଥୁରା, ତାଜମହଲ ଏବଂ ବର୍ତ୍ତମାନ ଦିଲ୍ଲୀର କୁତବ୍ ମିନାରକୁ ନେଇ ବିବାଦ ଘନେଇବାରେ ଲାଗିଛି। ହିନ୍ଦୁ ସଂଗଠନର ନେତାମାନେ ମଙ୍ଗଳବାର ମିନାରରେ ହନୁମାନ ଚଲିସା ପାଠ କରିବାକୁ ଘୋଷଣା କରିଥିଲେ। ତେବେ ଏହାପୂର୍ବରୁ ତାଙ୍କୁ ଗିରଫ କରାଯାଇଥିଲା। ବିକ୍ଷୋଭକାରୀମାନେ କୁତବ୍ ମିନାର ନାମ ବିଷ୍ଣୁ ସ୍ତମ୍ଭ ନାମରେ ପରିବର୍ତ୍ତନ କରିବାକୁ ଦାବି କରିଥିଲେ।
ଏହା ସହିତ କୁତବ୍ ମିନାର ବିଷୟରେ ଅନେକ ପ୍ରକାରର ଆଲୋଚନା ଆରମ୍ଭ ହୋଇଛି। ପ୍ରଶ୍ନ ଉଠୁଛି ଯେ ଏହା ପ୍ରକୃତରେ ହିନ୍ଦୁ ଏବଂ ଜୈନ ମନ୍ଦିରଗୁଡ଼ିକୁ ନଷ୍ଟ କରି ନିର୍ମିତ ହୋଇଛି କି? ଟାୱାର ଭିତରେ କଣ ଅଛି ? ପୁରୁଣା ମନ୍ଦିରଗୁଡ଼ିକର ଅବଶିଷ୍ଟାଂଶ ମିନାର କାନ୍ଥରେ ସ୍ପଷ୍ଟ ଦେଖାଯାଏ। ଏଥିରେ ହିନ୍ଦୁ ଦେବତାମାନଙ୍କର ମୂର୍ତ୍ତି ଏବଂ ମନ୍ଦିର ସ୍ଥାପତ୍ୟ ରହିଛି। ଏହା ମିନାର ପ୍ରାଙ୍ଗଣରେ ସ୍ପଷ୍ଟ ଭାବରେ ଦେଖାଯାଏ। ମିନାର ଭିତରେ ଭଗବାନ ଗଣେଶ ଏବଂ ବିଷ୍ଣୁଙ୍କର ଅନେକ ମୂର୍ତ୍ତି ଅଛି। କୁତବ୍ ମିନାର ପ୍ରବେଶ ଦ୍ୱାରରେ ଏକ ଲେଖା ଅଛି। ଏଥିରେ ବ୍ୟବହୃତ ସ୍ତମ୍ଭ ଏବଂ ଅନ୍ୟାନ୍ୟ ସାମଗ୍ରୀ ୨୭ ଟି ହିନ୍ଦୁ ଏବଂ ଜୈନ ମନ୍ଦିର ଭାଙ୍ଗିବା ଦ୍ୱାରା ହୋଇଥିବା ଦାକି କରାଯାଇଥାଏ। ବିବିସି ତିହାସିକ ପ୍ରଫେସର ଇରଫାନ ହବିବ ବିସିସିଆଇକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ ଏଥିରେ କୌଣସି ସନ୍ଦେହ ନାହିଁ ଯେ ମିନାର ଭିତରେ ମନ୍ଦିରର ଅଂଶ ରହିଛି।
ଏହି ମନ୍ଦିରଗୁଡ଼ିକ ସେଠାରେ ଥିଲା କି ନାହିଁ, ସେଗୁଡ଼ିକ ସେଠାରେ କିମ୍ବା ନିକଟବର୍ତ୍ତୀ ସ୍ଥାନରେ ଥିଲା ସେନେଇ ଦୀର୍ଘ ସମୟ ଧରି ଆଲୋଚନା ହୋଇଆସୁଛି। ତେବେ ଐତିହାସିକ ବିଏମ ପାଣ୍ଡେଙ୍କର ଏନେଇ ଏକ ଭିନ୍ନ ମତ ରହିଛି। ସେ କୁତବ ମିନାର ଉପରେ ଏକ ପୁସ୍ତକ ଲେଖିଛନ୍ତି। ଏଥିରେ ସେ ଲେଖିଛନ୍ତି, ମୂଳ ମନ୍ଦିରଗୁଡ଼ିକ ଏଠାରେ ଥିଲା। ଯଦି ମସଜିଦର ପୂର୍ବ ପାର୍ଶ୍ୱରୁ ପ୍ରବେଶ କରାଯାଏ, ତେବେ ସେଠାରେ ଥିବା ସଂରଚନା ହେଉଛି ମୂଳ ଗଠନ। କେତେକ ମନ୍ଦିର ଅବଶେଷ ସ୍ତମ୍ଭ ନିର୍ମାଣରେ ବ୍ୟବହଅତ ହୋଇଛି। ପୂର୍ବତନ ରାଜ୍ୟସଭା ଏମ୍ ପି ତଥା ଭାଜପା ନେତା ତରୁଣ ବିଜୟ କୁତବ ମିନାରରେ ହିନ୍ଦୁ ଦେବତାଙ୍କ ମୂର୍ତ୍ତିର ଅବସ୍ଥା ସମ୍ପର୍କରେ ପ୍ରତ୍ନତାତ୍ତ୍ୱିକ ସର୍ଭେ ଅଫ ଇଣ୍ଡିଆକୁ ଏକ ଚିଠି ଲେଖିଛନ୍ତି।
ସେ କୁତବ ମିନାର କମ୍ପ୍ଲେକ୍ସରେ ଭଗବାନ ଗଣେଶଙ୍କ ଓଲଟା ପ୍ରତିମୂର୍ତ୍ତି ଏବଂ ତାଙ୍କ ପ୍ରତିମାକୁ ଗୋଟିଏ ସ୍ଥାନରେ ଗୁମ୍ଫାରେ ବନ୍ଦ କରି ରଖିବା ବିଷୟରେ କହିଥିଲେ। ବିଜୟ କହିଛନ୍ତି ଯେ ହିନ୍ଦୁ ଭାବନା ଏହା ଦ୍ୱାରା ଅପମାନିତ ହେଉଛି। ଏହି ପ୍ରତିମୂର୍ତ୍ତିକୁ ଜାତୀୟ ସଂଗ୍ରହାଳୟରେ ରଖିବାକୁ ବିଜୟ ଦାବି କରିଛନ୍ତି। ଗତ ବର୍ଷ ଏହା ପୂର୍ବରୁ ଦିଲ୍ଲୀ କୋର୍ଟରେ ଏନେଇ ଏକ ପିଟିଶନ ଦାଖଲ କରାଯାଇଥିଲା। ୨୭ଟି ମନ୍ଦିରକୁ ଭାଙ୍ଗି ଏହି ମିନାରର ନବୀକରଣ କରାଯାଇଥିବା ଦାବି କରାଯାଇଥିଲା। ହିନ୍ଦୁ ଦେବତା ଭଗବାନ ବିଷ୍ଣୁ, ଜୈନ ତୀର୍ଥଙ୍କର ଭଗବାନ ଋଷଭଦେବ ଏବଂ ଅନ୍ୟମାନଙ୍କ ନାମରେ ଏହି ପିଟିଶନ ଦାଖଲ କରାଯାଇଥିଲା।
ସିଭିଲ ଜଜ ନେହା ଶର୍ମା ଏହି ପିଟିଶନର ଶୁଣାଣି କରି କହିଥିଲେ ଯେ ମୁଁ ସହମତ ଯେ ଅତୀତରେ ଅନେକ ଭୁଲ କରାଯାଇଛି, କିନ୍ତୁ ଏଭଳି ତ୍ରୁଟି ଆମର ବର୍ତ୍ତମାନ ଏବଂ ଭବିଷ୍ୟତର ଶାନ୍ତି ଭଙ୍ଗ କରିବାର କାରଣ ହୋଇପାରିବ ନାହିଁ। ଏହା ପରେ କୋର୍ଟ ଏହି ଆବେଦନକୁ ଖାରଜ କରିଦେଇଥିଲେ।
ହିନ୍ଦୁ ସଂଗଠନଗୁଡ଼ିକ ଏହାର ନାମ ପରିବର୍ତ୍ତନ କରି ବିଷ୍ଣୁ ସ୍ତମ୍ଭ କରିବାକୁ ଦାବି କରିଛନ୍ତି। କିଛି ଲୋକ ଏହି ମୂର୍ତ୍ତିଗୁଡ଼ିକୁ ପୂଜା କରିବାକୁ ଅନୁମତି ଲୋଡିଛନ୍ତି। ଏହି ଲୋକମାନେ ଦାବି କରନ୍ତି ଯେ ୨୦୦୪ ପୂର୍ବରୁ ଏଠାରେ ଥିବା ମୂର୍ତ୍ତିଗୁଡ଼ିକୁ ପୂଜା କରାଯାଉଥିଲା।
