ଚେନ୍ନାଇ,୧୦।୧ : ତାମିଲନାଡୁରେ ଶାସକ ଡିଏମକେ ଏବଂ ରାଜଭବନ ମଧ୍ୟରେ ବିବାଦ ବଢ଼ିବାରେ ଲାଗିଛି। ବିଧାନସଭାରୁ ରାଜ୍ୟପାଳଙ୍କ ଗୃହତ୍ୟାଗ ଏବଂ ତାମିଲନାଡୁ ବନାମ ଥିମିଜାଗାମ ବିବାଦ ଉପରେ ରାଜ୍ୟପାଳ ଆର.ଏନ ରବିଙ୍କ ମନ୍ତବ୍ୟ ଶାସକ ବିଧାୟକଙ୍କୁ ଅସନ୍ତୁଷ୍ଟ କରିଛି। ମଙ୍ଗଳବାର ଡିଏମକେ ଅଧ୍ୟକ୍ଷ ତଥା ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ତାଙ୍କ ଦଳର ବିଧାୟକମାନଙ୍କୁ ରାଜ୍ୟପାଳ ଆର.ଏନ. ରବିଙ୍କ ବିରୋଧରେ କୌଣସି ଆପତ୍ତିଜନକ ମନ୍ତବ୍ୟ ନ ଦେବାକୁ ଏବଂ ବିଧାନସଭା ଅଧିବେଶନରେ କୌଣସି ପୋଷ୍ଟର ନ ଲଗାଇବାକୁ ନିବେଦନ କରିଛନ୍ତି।
ସରକାର ରାଜ୍ୟପାଳ ରବିଙ୍କର ବିଧାନସଭାରେ ଦିଆଯାଇଥିବା ଭାଷଣରେ କିଛି ଅଂଶ ବାଦ ଦେଇଥିବା ଅଭିଯୋଗ ହୋଇଥିଲା। ଏହା ପରେ ମୁଖ୍ୟମନ୍ତ୍ରୀ ଷ୍ଟାଲିନ ଏହି ପରିବର୍ତ୍ତନକୁ ଖାରଜ କରିବା ପାଇଁ ଏକ ପ୍ରସ୍ତାବ ଉପସ୍ଥାପନ କରିଥିବାବେଳେ ବିଧାନସଭା ଇତିହାସରେ ପ୍ରଥମ ଥର ପାଇଁ ରାଜ୍ୟପାଳ ଗୃହତ୍ୟାଗ କରିବା ଘଟଣା ଘଟିଥିଲା।
ଏଥିସହ ରାଜ୍ୟପାଳଙ୍କ ପୋଙ୍ଗଲ ନିମନ୍ତ୍ରଣରେ ତାମିଲନାଡୁ ସରକାରଙ୍କ ବଦଳରେ “ଥାମିଜହାଗା ଅଜୁନାର” ବ୍ୟବହାର କରାଯାଇଛି। ରାଜଭବନ ପୋଙ୍ଗଲ ଉତ୍ସବକୁ ନିମନ୍ତ୍ରଣରେ ରାଜ୍ୟ ସରକାରଙ୍କ ଲୋଗୋର ଅନୁପସ୍ଥିତିକୁ ନେଇ ଆଉ ଏକ ବିବାଦ ଉପୁଜିଛି। ଅନେକ ଅଭିଯୋଗ କରିଛନ୍ତି ଯେ ଏହି ନିମନ୍ତ୍ରଣରେ କେବଳ ଜାତୀୟ ପ୍ରତୀକ ରହିଛି।
ଶାସକ ଡିଏମକେ ଏବଂ ଏହାର ସହଯୋଗୀମାନେ ରାଜ୍ୟପାଳଙ୍କ ଦ୍ୱାରା ରାଜ୍ୟର ନାମ ତାମିଲନାଡୁ ବଦଳରେ ତାମିଝଗମ ନାମ ବ୍ୟବହାର କରିବା ନେଇ ଅସନ୍ତୋଷ ପ୍ରକାଶ କରିଛନ୍ତି। ବିରୋଧୀ ଭାଜପାତଥା ଆରଏସଏସର ଏଜେଣ୍ଡାକୁ ରାଜ୍ୟପାଳ ଆଗକୁ ବଢ଼ାଇଥିବାର ଅଭିଯୋଗ କରିଛନ୍ତି। ଡିଏମକେ ନେତା ଟିଆର ବାଲୁ କହିଛନ୍ତି ଯେ ରାଜ୍ୟପାଳ ଏପରି ବିବୃତ୍ତି ଦେଇଛନ୍ତି ଯାହା ବାସ୍ତବରେ ଭୁଲ ଏବଂ ବିପଦପୂର୍ଣ୍ଣ।
ଏହାକୁ ନେଇ‘ଗେଟଆଉଟ ରବି’ ହ୍ୟାସଟ୍ୟାଗ ଟୁଟରରେ ଟ୍ରେଣ୍ଡ କରିବା ଆରମ୍ଭ କରିଥିଲା ଏବଂ ଅନେକ ଲୋକ ରବିଙ୍କୁ ରାଜ୍ୟପାଳ ପଦରୁ ହଟାଇବାକୁ ଦାବି କରିବା ଆରମ୍ଭ କରିଥିଲେ। ବିଧାନସଭାରେବିବାଦ ହେବାର ଗୋଟିଏ ଦିନ ପରେ ସହରର କିଛି ସ୍ଥାନରେ ‘ଗେଟଆଉଟ ରବି’ ହ୍ୟାସଟ୍ୟାଗ ଥିବା ପୋଷ୍ଟର ଲଗାଯାଇଥିବାର ଦେଖିବାକୁ ମିଳିଥିଲା। ଏହି ପୋଷ୍ଟରରେ ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ଚିତ୍ରକୁ ଗୁରୁତ୍ୱ ଦିଆଯାଇଥିଲା।
